Read Southern Kisi Sa᷅m 47 Bible Online

Sa᷅m 47 - Southern Kisi bible

Sa᷅m 47

¹[44] Nya̍ wāŋnda̍ o̍ lɛ̄ŋnde̍ ni᷄ŋ kpo̍u̍, lā te᷄m Mɛ̄lɛ̄ka̍ bāla̍ŋ. Lā sōli̍ cho̍ndu̍ŋ kɔ̄l kɛ̄ndɔ᷄ŋ chōo̍ cho̍o̍ le̍ Mɛ̄lɛ̄ka̍ sāŋgālāa̍.

²Mɛ̄lɛ̄ka̍ Ya̍a̍wɛ̄ɛ̄, Mɛ̄lɛ̄ka̍ hi̍o̍ū wo̍, ndu̍ wānā nɔ̍ ni̍ mā wo̍. Ndu̍ cho̍ māsa̍ kpāāyā bɛ̍ndōo̍ le̍ chi̍e̍ēŋndo̍ kpo̍u̍ ni̍.

³Ō tōsa̍ mi̍ ŋ̄ yām wāŋnda̍ o̍ lɛ̄ŋnde̍ ni᷄ŋ, ndu̍yɛ̍ mbo̍ tōsā mi̍ lɛ̄ŋnde̍ ī wā na̍a̍ o̍ bā bɛ̄ŋgu̍.

⁴Mbo̍ lō o̍ ko̍ŋ mbo̍ hɛ̄lī lɛ̄ŋndē o̍ chūe̍l na̍a̍ būŋgɛ̄i̍ le̍ŋ, mbo̍ kē na̍a̍ māā nyɛ̄m na̍a̍ ŋ̄kɛ᷅. Ndu̍yɛ̍, wānāā ndūa̍a̍ o̍ ka̍a̍la̍ wa̍, nda̍ yɔ̍nūŋ māā yu̍ŋgu̍ Che̍kɔ̍pū wo̍ ni̍, ā chūa̍ ndi̍ bɔ̍ɔ̍ sūɛ̍i̍ nda̍ kēlū yōŋgā le̍ lɛ̄ŋnde̍ŋ nde᷅ŋ nɔ̄ɔ̍ māā nyɛ̄ ndā.

⁵Mɛ̄lɛ̄ka̍ Ya̍a̍wɛ̄ɛ̄ o̍ he̍l o̍ kpe̍ŋgbe̍i̍ ndɔ̍ lēmāsāa̍ chōo̍. Wāŋnda̍ chō dēŋīo̍o̍ kpe̍e̍kpe̍i̍ a̍ kɔ̄l kɛ̄ndɔ̄ɔ̍ ndu̍yɛ̍ ma̍ wā bu̍lu̍la̍ŋ hɔ̄ŋndo̍.

⁶Lā sāŋga̍la̍ Mɛ̄lɛ̄ka̍ o̍ chōndo̍ŋ ni᷄ŋ, lā sāŋga̍la̍ ndu̍. Lā sāŋga̍la̍ ma̍sa̍ nāā bɛ̍ndōo̍ o̍ chōndo̍ŋ ni᷄ŋ, lā sāŋga̍la̍ ndu̍.

⁷Mɛ̄lɛ̄ka̍ cho̍ māsāa̍ le̍ chi̍e̍ēŋndo̍ kpo̍u̍ ni̍, lā sāŋga̍la̍ ndu̍ o̍ chōndo̍ŋ ni᷄ŋ.

⁸Mɛ̍lɛ̄ka̍ cho̍ māsāa̍ lɛ̄ŋnde̍ chōo̍ ni̍. Ō chō īchāli̍ o̍ kpe̍ŋgbe̍i̍ ndɔ̍ lēmāsāa̍ chōo̍.

⁹Wānāā bɛ̄ndūa̍a̍ cho̍ wāŋnda̍ chīla̍ŋ nda̍ ā chūūŋgi̍āŋ na̍a̍ pi᷅lɛ̍. Ndu̍yɛ̍ ā sīmnu᷄ŋ ni᷅ŋ chūāūwāa̍ Mɛ̄lɛ̄ka̍ E̍bīlāha᷅m ndo̍. Māsāā bɛ̍ndūa̍a̍ o̍ chi̍e̍ēŋndo̍ chōo̍ kpo̍u̍, ndu̍ o̍ bā bɛ̄ŋgu̍ nda̍ chō ni̍. Chi̍e̍ēŋndo̍ kpo̍u̍, ndu̍ hi̍o̍ū kpo̍u̍.