Read Southern Kisi Sa᷅m 54 Bible Online

Sa᷅m 54 - Southern Kisi bible

Sa᷅m 54

¹[51] O̍o̍ Mɛ̄lɛ̄ka̍, pīŋi̍ ya̍ fɔ̍ a̍ kpa̍a̍yā nu̍m bɛ̄ndōo̍. Ki̍o̍lu̍ ya᷅mɛ̍i̍ a̍ kpāāyā nu̍m bɛ̄ndōo̍ mā ke̍ ya̍ di̍ nūu̍.

²O̍o̍ Mɛ̄lɛ̄ka̍, yāndi̍i̍ tu̍e̍i̍ pi̍ɛ̍īlē nīle̍ŋ. Ya̍ŋ ni᷅la̍ŋ o̍ dīōmnda̍ cho̍ ya̍ fūlāa̍ o̍ sōndō la̍ŋ.

³Wānāā yōŋgāā bɛ̍ndūa̍a̍ ā bīī ma̍ chīŋa̍la᷅ŋ ya̍. Wānāā kɔ̄l vēsɛ̍i̍ya̍a̍ bɛ̍ndūa̍a̍ ā chō ya̍ kɔ̄ɔ̄lī le̍ ya̍ dīyɔ̄ɔ̍, wānāa̍ bu̍u̍la̍ŋ bɛ̍ɛ̍ a̍ Mɛ̄lɛ̄ka̍ o̍kɔ̄ɔ̄ le̍ wa̍.

⁴Mɛ̄lɛ̄ka̍ cho̍ wāna̍ ma̍lā ya̍ wo̍ ni̍. Māsānɔ̄ɔ̍ Mɛ̄lɛ̄ka̍ ndu̍ cho̍ wāna̍ chi̍ɔ̍ū yo̍o̍mū nūu̍ wo̍ ni̍.

⁵Mbɔ̄ māā Mɛ̄lɛ̄ka̍ mīŋgu̍l ya̍a̍mɔ̍ɔ̍wa̍a̍ nīa̍a̍ māa̍ mbō tūsi̍ nda̍ nyɛ̄ pālāa̍ chōo̍ fɔ̍. Mɛ̄lɛ̄ka̍ chō nda̍ tɛ̄ɛ̄mbūū, fo̍ndōle̍, Mɛ̄lɛ̄ka̍ chō wānā sa̍kpō.

⁶O̍o̍ Mɛ̄lɛ̄ka̍ Ya̍a̍wɛ̄ɛ̄, I̍ cho̍ sa̍lāla̍ŋ sōlī o̍ nūmndo̍ a̍ kɔ̄l nūu̍ kpo̍u̍. I̍ cho̍ nu̍m ba̍li̍ka̍a̍ mēl Mɛ̄lɛ̄ka̍ Ya̍a̍wɛ̄ɛ̄, fo̍ndōle̍, ā chō wānā kɛ̍ndɛ̄.

⁷Nu᷄m pi̍ŋi̍ yōōmū nūu̍ o̍ kpūndɛ̍la̍ ke̍e̍ku̍ ya̍ chōo̍ ki̍nɛ̍i̍ la̍ŋ ni᷄ŋ ni̍. Mi̍ cha᷅ pɛ̍ɛ̍ŋ a̍ hɔ̄ltē nīle̍ŋ mɛ̄ɛ̍ ŋ̄ yēm ya̍a̍mɔ̍ɔ̍wa̍a̍ nīa̍a̍ yɛ̍.