Read Southern Kisi Sa᷅m 61 Bible Online

Sa᷅m 61 - Southern Kisi bible

Sa᷅m 61

¹[58] O̍o̍ Mɛ̄lɛ̄ka̍, yāndi̍i̍ tu̍e̍i̍ cha̍ŋ nūu̍. Ya̍ŋ ni᷅la̍ŋ o̍ pīɛ̄īlē nīle̍ŋ Mɛ̄lɛ̄ka̍.

²I̍ nɔ̍ lɛ̍ tīīnda᷄ŋ o̍ tīīnda᷄ŋ te̍ Mɛ̄lɛ̄ka̍. I̍ cho̍ cha᷄ŋndo̍ nāa̍ nūm chu̍a̍ nāa̍ ya̍ I̍ cho̍ o̍ lɛ̄ŋndē lēvīlte̍ŋ ni᷄ŋ pɔ̍ wa̍. Kɔ̍ a̍ ya̍ o̍ pōū kpo̍o̍wa̍ bɛ̍ndōo̍ nāa̍ ya̍ I̍ vi̍a̍ŋnu᷄ŋ mī yōōmū nūu̍ ō chīnda̍ wa̍,

³kāni̍ fo̍ndōle̍, nu̍m cho̍ wāna̍ ma̍ndā ya̍ wo̍ ni̍. Nu᷄m cho̍ sāāsā ka̍lā ka̍lā ma̍ndā ya̍ ya̍a̍mɔ̍ɔ̍wa̍ ā nɔ̍lā ya̍ le̍ wo̍ ni̍.

⁴To̍sa̍ mī wa̍ o̍ tɛ̍ndīi̍ nu̍mndo̍ ni᷄ŋ le̍ fɛ̍ɛ̍ŋ a̍ fɛ̍ɛ̍ŋ, ndu̍yɛ̍ mā kūmbū ya̍ mɛ̄ɛ̍ sɔ̄ɔ̍ kūmbū nu̍a̍ā chūāūwāā ndūa̍a̍ kūmba᷅ŋnda̍ŋ yɛ̍.

⁵O̍o̍ Mɛ̄lɛ̄ka̍, nūm pi̍la̍ tu̍e̍ī būŋgāŋ ya̍ I̍ chu̍a̍ ŋ̄ kālā ka̍lā mi̍ me̍na᷄ŋ ndo̍ŋ. Wānāa̍ nɔ̍ bɛ̄ɛ̄le̍ŋ le̍ nūm nda̍, nyɛ̄m kɛ̄ndɛ̄ŋ ŋ̄ kē nda̍ wo̍ŋ, ya̍ bɛ̍ɛ̍ ma̍ kē ya̍ nyɛ̄m kɛ̄ndɛ̄ŋ mu᷅ŋ.

⁶To̍sa̍ mī māsā bɛ̍ndōo̍ ō vīōū yōōmū Mɛ̄lɛ̄ka̍. Chɔ̍ɔ̍lu̍ wɔ̍sīlā ndɔ̄la̍ŋ mbō vīōū yōōmū le̍ wɔ̄sīlā fāŋā.

⁷To̍sa̍ mī māsāle̍ ndɔ̄le̍ŋ lē hīōū lāchī a̍ wāa̍ nu̍m o̍ hɔ̄l le̍ fɛ̍ɛ̍ŋ a̍ fɛ̍ɛ̍ŋ. Hi̍o̍u̍ la̍chi̍ a̍ ndu̍ kāālāa̍ le̍ te̍le̍ŋ o̍ te̍le̍ŋ, ndu̍yɛ̍ mā chɔ̍m ndu̍ sa̍kpōyɛ̍i̍ nūmnde̍ le̍ mā ma̍nda̍ ya̍.

⁸Ko̍ŋ to̍sā ni̍ mī sa̍ŋga̍la̍ nu̍m o̍ chōndo̍ŋ ni᷄ŋ le̍ te̍le̍ŋ o̍ te̍le̍ŋ, ndu̍yɛ̍ mī wa̍ nyɛ̄ ya̍ I̍ chūe̍l nu̍m būŋgɛ̄i̍ yo̍ tōsāa̍ lēpāa̍ o̍ lēpāa̍.