Read Southern Kisi Sa᷅m 67 Bible Online

Sa᷅m 67 - Southern Kisi bible

Sa᷅m 67

¹[64] O̍o̍ Mɛ̄lɛ̄ka̍, yāndi̍i̍ tu̍i̍i̍nu̍ŋ na̍a̍ īnyīɛ̍ɛ̍ mā dɔ̄ū na̍a̍ sa̍lā. Chɔ̍ na̍a̍ nyīnā yāndi̍i̍ Mɛ̄lɛ̄ka̍.

²Ko̍ŋ to̍sā ni̍ mī wāŋnda̍ o̍ chi̍e̍ēŋndo̍ ni᷄ŋ a̍ si̍na̍ nɛ̄īla̍ nu̍mnda̍ŋ, le̍ nu̍m tōlɔ̄ɔ̍ kɔ̄ɔ̄lī, ndu̍yɛ̍ mī lɛ̄ŋnde̍ kpo̍u̍ i̍ si̍na̍ mɛ̄ɛ̍ ŋ̄ nɔ̄ kpāāyāa̍ le̍ pīŋīo̍o̍ yɛ̍.

³O̍o̍ Mɛ̄lɛ̄ka̍, mbɔ̄ māā wāŋnda̍ ā sāŋga̍la̍ di̍o̍la̍ nūmnda̍ŋ. Mbɔ̄ māā wāŋnda̍ kpo̍u̍ o̍ chi̍e̍ēŋndo̍ ni᷄ŋ, ā sāŋga̍la̍ nu̍m.

⁴Mbɔ̄ māā wāŋnda̍ o̍ lɛ̄ŋnde̍ ni᷄ŋ kpo̍u̍, ā dɔ̄ɔ̄nu̍ŋ nya̍a̍le̍, mā sōli̍ chōndu̍ŋ kɔ̄l kɛ̄ndɔ᷄ŋ. O̍ nɛ̄i̍ sa̍kpōo̍ chōo̍ ŋ̄ kīlūl wa᷅ŋnda̍ yāma̍ŋ o̍ māsāle̍ nu̍mnde̍ŋ ni᷄ŋ ni̍, ndu̍yɛ̍ mā māndā vɛ̍lɛ̄ lɛ̄ŋnde̍ o̍ chi̍e̍ēŋndo̍ ni᷄ŋ le̍nde̍.

⁵O̍o̍ Mɛ̄lɛ̄ka̍, mbɔ̄ māā wāŋnda̍ ā sāŋga̍la̍ di̍o̍la̍ nūmnda̍ŋ. Mbɔ̄ māā wāŋnda̍ kpo̍u̍ o̍ chi̍e̍ēŋndo̍ ni᷄ŋ, ā sāŋga̍la̍ nu̍m.

⁶Mɛ̄lɛ̄ka̍ tōsa̍ mi̍ tɔ̄lɔ̄ɔ̄la̍ŋ lā nāŋ o̍ chīɔ̄ɔ̄ŋ nāa̍ŋ ni᷄ŋ ta̍u̍ ta̍u̍. Mɛ̄lɛ̄ka̍, o̍ cho̍ Mɛ̄lɛ̄ka̍ nāa̍ wo̍, ō dɔ̄ū na̍a̍ sa̍lā.

⁷Mɛ̄lɛ̄ka̍ dɔ̄ū na̍a̍ sa̍lā. Mbɔ̄ māā wāŋnda̍ o̍ chi̍e̍ēŋndo̍ ni᷄ŋ kpo̍u̍, ā ke᷄ ndu̍ bɛ̄ɛ̄le̍ŋ fɔ̍.