Read Southern Kisi Sa᷅m 70 Bible Online

Sa᷅m 70 - Southern Kisi bible

Sa᷅m 70

¹[67] O̍o̍ Mɛ̄lɛ̄ka̍, yāndi̍i̍ chi̍i̍ndi̍a̍a̍ ya̍ fɔ̍. Ke̍le̍ŋa̍ hu̍nɔ̄ɔ̄ chɔ̍chɔ̍ Mɛ̄lɛ̄ka̍ Ya̍a̍wɛ̄ɛ̄ mā hu̍ŋ ma̍lā ya̍.

²Wānāa̍ cho̍ kīndīo̍o̍ le̍ yōōmū nūu̍ tɛ̄ɛ̄mbūūwo̍ wa̍ ki̍nɛ̍i̍, to̍sa̍ mī si̍ɔ̍mbu̍la̍ŋ lā bīī, to̍sa̍ mī si̍ɔ̍mbu̍la̍ŋ lā bīī nda̍, mī kɔ̄lta̍ŋ lā lāāsi̍a̍ŋ nda̍. Wānāa̍ cho̍ yēēmɛ̍i̍ māā nyɛ̄ pālāa̍ ō to᷄l la̍ chōo̍ wa̍, to̍sa̍ mā mīīŋgu̍ a̍ si̍ɔ̍mbu̍la̍ŋ.

³Wānāa̍ cho̍ ya̍ māmɔ̄ɔ̍ wa̍, to̍sa̍ mī si̍ɔ̍mbu̍la̍ŋ lā bīī nda̍ a̍ yōmɔ̄ɔ̄ nda̍ chō sɔ̄lā wo̍.

⁴Kɛ̍ wānāa̍ hu᷅ŋ nāa̍ nūm chu̍a̍ le̍ mālāa̍ wa̍ ki̍nɛ̍i̍, to̍sa̍ mā na᷄ŋ kɔ̄l mā dɔ̄ɔ̄nu᷄ŋ nya̍a̍le̍. Wānāa̍ ka̍a̍la̍ pīŋī ŋ̄ pīŋi̍ nda̍ wo̍ wa̍, mbɔ̄ māā le̍ te̍le̍ŋ o̍ te̍le̍ŋ ā wa̍ di̍mīo̍o̍ āā, “Mɛ̄lɛ̄ka̍ chō ō bɛ̄ndū.”

⁵Wānā ta̍mbɛ̍i̍yo̍ ya̍ I̍ cho̍ ni̍, wāna̍ bāhāvɛ̍i̍ bɛ̍ndōo̍. Yāndi̍i̍ Mɛ̄lɛ̄ka̍, ke̍le̍ŋa̍ hu̍nɔ̄ɔ̄ chɔ̍chɔ̍ mā ma̍la̍ ya̍. Nu᷄m cho̍ wāna̍ ma̍lā ya̍ wo̍ ni̍, ndu̍yɛ̍ nu᷄m chi̍i̍ndīāā yā ni̍. O̍o̍ Mɛ̄lɛ̄ka̍ Ya̍a̍wɛ̄ɛ̄, yāndi̍i̍ to̍sā ta̍ma̍la̍ le̍, ke̍le̍ŋa̍ ya̍ mālā chɔ̍chɔ̍.