Read Southern Kisi Sa᷅m 87 Bible Online

Sa᷅m 87 - Southern Kisi bible

Sa᷅m 87

¹[85] Mɛ̄lɛ̄ka̍ Ya̍a̍wɛ̄ɛ̄ ta̍ŋgu̍l chi̍e̍e̍ ndɔ̄ɔ̍ o̍ pēmbīī ndūɛ̄ī kāsīe̍i̍ chōo̍.

²Ō ka̍a̍la̍ Chūlu̍sɛ̄lɛ̄m, mbo̍ hīāū fo̍ndā o̍ fo̍ndā chālāa̍ cho̍ I̍sɔ̄lūɛ̄ī.

³Nya̍ wāŋnda̍ o̍ chi̍e̍e̍ Mɛ̄lɛ̄ka̍a̍ ni᷄ŋ, lā ya᷄ŋ ndɔ̍ ni᷅la̍ŋ, mī lā tūēī dīōmndā lēbɛ̄ɛ̄la̍ cho̍ dīmi᷄ŋndo̍ a̍ nya̍ o̍kɔ̄ɔ̄ la̍ŋ.

⁴Ō dīmi̍ āā, “Tē I̍ wa̍ lɛ̄ŋīi̍ cho̍ ya̍ sōōlūūwo̍ ve̍ chɔ̄mndo̍ pɛ̍, I̍chi̍pī nda̍ Ba̍bi̍lɔ̄ŋ bɛ̍ɛ̍ I̍ cho̍ ndi̍ chɔ̄m. Tē I̍ wa̍ wānāa̍ cho̍ Chūlu̍sɛ̄lɛ̄m chi̍e̍e̍ wa̍ chɔ̄mndo̍ bōllē pīlɛ̍ pɛ̍, I̍ cho̍ nda̍ mɔ̄sɔ̄ŋā chɔ̄m lātūlu̍, a̍ Fīli̍i̍tīāŋnda̍, ndu̍yɛ̍ a̍ wāŋnda̍ Ta̍a̍yā, a̍ wāŋnda̍ Īto̍o̍pīāā.”

⁵Ī wā ni̍ŋ i̍ di̍mīāā a̍ Sa̍a̍yɔ̄ŋ chi̍e̍e̍ o̍kɔ̄ɔ̄ āā, “Wāŋnda̍ kpo̍u̍ pi̍la̍ chi̍e̍e̍ya̍ Sa̍a̍yɔ̄ŋ chi̍e̍e̍ na̍ŋ nda̍ chō ni̍.” Ndu̍yɛ̍ Mɛ̄lɛ̄ka̍ hi̍o̍ū kpo̍u̍ wo̍, ō dūāū ni̍ŋ chi̍o̍o̍ ho̍ō sa̍lā.

⁶Bōōndi̍i̍ Mɛ̄lɛ̄ka̍ Ya̍a̍wɛ̄ɛ̄ ō wa᷅ ni̍ŋ wa᷅ŋnda̍ dīōla̍ŋ pōōnyīa̍a̍ o̍ yāu̍ ndɔ̄ɔ̍ ni᷄ŋ nde̍, ō wā ni̍ŋ di̍mīo̍o̍ a̍ wāŋnda̍ o̍kɔ̄ɔ̄ ā pīlɛ̍ŋ pi̍lɛ̍ŋ nda̍ āā, āā, “Ho̍ō bɛ̍ɛ̍ pi̍la̍chi̍o̍o̍ Chūlu̍sɛ̄lɛ̄m o̍ cho̍ ni̍.”

⁷Wāŋnda̍ ā wā ni̍ŋ cho̍ndo̍ŋ mā yā mā dīmī āā, “Dɛ̍nɛ̍ o̍ dɛ̍nɛ̍ kɛ̍ndɛ̄ o̍ dɛ̍nɛ̍ kɛ̍ndɛ̄ na̍a̍ ŋ̄ sɔ̄lā, Sa̍a̍yɔ̄ŋ chi̍e̍e̍ o̍ chɛ̍ŋ tu̍m ni̍.”