Read Southern Kisi Sa᷅m 95 Bible Online

Sa᷅m 95 - Southern Kisi bible

Sa᷅m 95

¹Lā hu᷄ŋ mī ŋ̄ hu᷄ŋ sa̍ŋgāla᷄ŋ Mɛ̄lɛ̄ka̍ Ya̍a̍wɛ̄ɛ̄. Lā ŋ̄ sōli᷅ŋ chōndu̍ŋ kɔ̄l kɛ̄ndɔ᷄ŋ, le̍ Pōū Kpo̍o̍wa̍ chi̍i̍ndīāā na̍a̍ wo̍.

²Lā ŋ̄ hu᷅ŋnu᷅ŋ ndu̍ lāchī mī ŋ̄ me̍l ndu̍ ba̍li̍ka̍a̍. Lā ŋ̄ sōli᷅ŋ chōndu̍ŋ kɔ̄l kɛ̄ndɔ᷄ŋ le̍ ndu̍ sāŋgālāa̍.

³Kāni̍ fo̍ndōle̍, Mɛ̄lɛ̄ka̍ Ya̍a̍wɛ̄ɛ̄ o̍ cho̍ ō bɛ̄ndū. Ndu̍ cho̍ māsā bɛ̍ndōo̍ mɛ̄lɛ̄ka̍a̍ chōo̍ kpo̍u̍ ni̍.

⁴Ndu̍ chi̍e̍ēŋndo̍ ho̍ō kpo̍u̍ o̍ cho̍ o̍ bā ni̍, chɔ̍ŋ a̍ fo̍ndāŋndā yīŋgi̍lɛ̍i̍la̍ bɛ̄ndūla̍ŋ, mbo̍ kūā a̍ pēmbūŋ vīlɛ̄ɛ̄ŋ bɛ̄ndo᷄ŋ o̍ chi̍e̍ēŋndo̍ ni᷄ŋ.

⁵Ndu̍ nɔ̍ kpāāyāa̍ pēe̍ mɛ̄ŋmā īhɛ᷄llo̍ chōo̍ ni̍, kāni̍ fo̍ndōle̍, ndu̍ to̍o̍si̍a̍a̍ ndu̍ ni̍. Lɛ̄ŋnde̍ŋ bɛ̍ɛ̍, ndu̍ nɔ̍ le̍ŋ kpāāyāa̍ chōo̍ ni̍, lɛ̄ŋndē o̍ to̍o̍si̍a̍a̍ a̍ bālā ndɔ̄la̍ŋ nde̍ŋ.

⁶Lā hu᷄ŋ mī ŋ̄ hu᷄ŋ tu̍ndu᷄ŋ ndu̍ o̍ lābɛ̄ŋgu̍ ni̍ŋ mī ŋ̄ sōōlu̍u̍ ndu̍. Ŋ̄ bāŋnu᷅ŋ wūla̍ŋ Mɛ̄lɛ̄ka̍ Ya̍a̍wɛ̄ɛ̍ lāchī, o̍ to̍o̍si̍a̍a̍ na̍a̍ wo̍.

⁷Kāni̍ fo̍ndōle̍, ndu̍ cho̍ Mɛ̄lɛ̄ka̍ nāa̍ ni̍, ndu̍yɛ̍ na̍a̍ ŋ̍ cho̍ wānāā o̍ cho̍ māndāa̍ wa̍ ni̍, sāa̍ ndūa̍a̍ o̍ nɔ̍ hɔ̄lte̍ŋ chōo̍ wa̍. Lā ya᷄ŋ ni᷅la̍ŋ pāa̍le̍ hāūle̍ŋ nde᷅ŋ mī lā tūēī nyɛ̄ o̍ di̍mi̍ wo̍. Ō dīmi̍ āā,

⁸“Lā to̍sā bōllē kālāle̍ŋ mɛ̄ɛ̍ fi̍nyāā nyāa̍ ma̍māa̍ ā tōsa̍ Mɛ̍lu̍i̍bā yɛ̍ le̍, mɛ̄ɛ̍ nda̍ tōsa̍ a̍ te̍le̍ŋ ko̍ŋ o̍ lɛ̄ŋndē po̍lte̍ŋ Ma̍sāā yɛ̍ le̍.

⁹Lo̍ŋ fi̍nyāā nyāā ma̍māa̍ ā tɔ̄ɔ̄nda̍ŋ ya̍ ni̍, mi̍ chē bɛ̍ɛ̍ ma̍ chā nyɛ̄ ya̍ I̍ to̍sa̍l nda̍ wo̍ ni̍.

¹⁰Le̍ wɔ̄sīla̍ŋ be̍le̍-hi̍ɔ̍ɔ̍lu̍ I̍ wa̍ a̍ tu̍mbo̍o̍ a̍ wānāa̍ wa̍ a̍ te̍le̍ŋ ko̍ŋ nda̍. Mi̍ di̍mī a̍a̍, ‘Wāŋnda̍ ha̍ā wānāa̍ so̍li̍ ya̍ dīōm nda̍ nda̍ chō ni̍. Ā kɛ̄ɛ̍ le̍ sāwāla̍ nīla̍ŋ chūa̍a̍.’

¹¹Le̍ tu̍mbe̍ ya̍ I̍ dɔ̍u̍nu᷄ŋ a̍ nda̍ wo̍, mi̍ me̍na᷄ŋ, mi̍ di̍mī a̍a̍, ‘Nya̍ mi̍ lā sōlī ya̍ dīōm, lā lu̍e̍ī o̍ lɛ̄ŋndē ya̍ I̍ di̍mi̍ lē nya̍ kīo̍o̍, mī lā kɔ᷄ wa᷅ o̍ pɛ̄ŋgīo̍o̍ ni᷄ŋ nde̍ŋ ni᷄ŋ te̍.’ ”