Read Southern Kisi Āīsa̍yā 12 Bible Online

Āīsa̍yā 12 - Southern Kisi bible

Āīsa̍yā 12

¹A̍ te̍le̍ŋ ko̍ŋ lā sōlī ni̍ŋ chōnde̍i̍ he̍ī āā, “I̍ yɔ̍ŋgu̍ sāŋgālāa̍ nāa̍ nūm chu̍a̍ Mɛ̄lɛ̄ka̍ Ya̍a̍wɛ̄ɛ̄. Nūm o̍o̍ dɔ̍u̍nu᷄ŋ tu̍mbe̍ a̍ ya̍, kɛ̍ ma̍ pɔ̄lūl kɔ̄llo̍, ndu̍yɛ̍ ma̍ nyɔ̄ɔ̄lū ya̍ kɔ̄llo̍ ni᷄ŋ.

²A̍ tōnya̍ kpe̍e̍kpe̍i̍, Mɛ̄lɛ̄ka̍ ndu̍ cho̍ wāna̍ chi̍i̍ndīāā ya̍ wo̍ ni̍. I̍ cho̍ tīīnda᷄ŋ nūu̍ dɔ̄wɔ̄ɔ̄ o̍ ndu̍ ni̍ŋ, ndu̍yɛ̍ sīōōŋīī bɛ̍ɛ̍ i̍ bi̍ī ya̍ le̍. Mɛ̄lɛ̄ka̍ Ya̍a̍wɛ̄ɛ̄, ndu̍ ke᷅ ya̍ dīāllūŋ kāla᷄ŋ ni̍, ndu̍yɛ̍ mbō tōsa̍ mī na̍ŋ kɔ̄l mī so̍li̍ chōnde̍i̍. Ndu̍ cho̍ wāna̍ chi̍i̍ndi̍a̍a̍ ya̍ wo̍ ni̍.”

³Mɛ̄ɛ̍ wāŋndo̍ kōlɔ̄ɔ̍ bīī ndu̍ nu̍a̍ā te̍i̍ mbō ko᷄l mɛ̄ŋmā nyūlūmā kɛ̄ndɛ̄ kɛ̍ndīa̍ŋ mbō na᷄ŋ kɔ̄l lɛ̍, le̍nde̍ Mɛ̄lɛ̄ka̍ wānāā ndūa̍a̍ ā nāŋ ni̍ŋ kɔ̍l le̍ Chīīndīāā o̍ chi̍i̍ndīāā ni̍ŋ nda̍ wo̍ ni̍.

⁴A̍ te̍le̍ŋ ko̍ŋ, lā dīmūl ni̍ŋ wa᷅ŋnda̍ āā, “Lā me᷄l Mɛ̄lɛ̄ka̍ Ya̍a̍wɛ̄ɛ̄ ba̍li̍ka̍. Lā sōōlu̍u̍ ndu̍. Lā chɔ᷄m wa᷅ŋnda̍ o̍ lɛ̄ŋnde̍ ni̍ŋ sɔ̍ɔ̍ŋ kɛ̍ndɛ̄ŋ o̍ to̍sa̍ wo̍ŋ. Lā chɔ᷄m wa᷅ŋnda̍ mɛ̄ɛ̍ o̍ cho̍ ō bɛ̄ndū yɛ̍.

⁵Lā sōli̍ cho̍ndo̍ŋ nāa̍ Mɛ̄lɛ̄ka̍ Ya̍a̍wɛ̄ɛ̄ chu̍a̍, fo̍ndōle̍, le̍ sɔ̍ɔ̍ŋ kɔ̄ndɔ̄fi̍li̍ŋ bɛ̄ndūŋ o̍ to̍sa̍ wo̍ŋ. Lā tōsa̍ mī wāŋnda̍ o̍ chi̍e̍ēŋndo̍ ni᷄ŋ kpo̍u̍ a̍ si̍na̍ a̍ mu̍ŋ o̍kɔ̄ɔ̄.

⁶Wāŋnda̍ Sa̍a̍yɔ̄ŋ, lā dēŋi̍ cho̍o̍ cho̍o̍, ndu̍yɛ̍ mī lā sōli̍ chōndu̍ŋ kɔ̄l kɛ̄ndɔ᷄ŋ, fo̍ndōle̍, I̍sɔ̄lūɛ̍i̍ya̍ Wāna̍ nda̍ Di̍a̍ndāā cho̍ nda̍ tɛ̄ɛ̄ŋ ndo̍, ō chō ō bɛ̄ndū.”