Read Southern Kisi Nɔ̍mbāā 26 Bible Online

Nɔ̍mbāā 26 - Southern Kisi bible

Nɔ̍mbāā 26

¹Mɛ̄ɛ̍ nāā kpūndɛ̍ kōŋ ō hīōū I̍sɔ̄lūɛ̍i̍ya̍ chōo̍, mi̍ Mɛ̄lɛ̄ka̍ Ya̍a̍wɛ̄ɛ̄ o̍ di̍mūl Mūu̍sē nda̍ Ɛ̄li̍a̍a̍sā, po̍ E̍lɔ̄ŋ, wa̍nā so̍līāā lāsa̍lāa̍ āā,

²“I̍ ye̍e̍ma̍ mī lā chɔ̍m I̍sɔ̄lūɛ̍i̍ya̍ mɛ̄ɛ̍ nda̍ chō bōllē pīlɛ̍ yɛ̍, chɔ̄mndo̍ nda̍ a̍ yu̍ŋgu̍la̍ŋ kpɛ̍ kpɛ̍. Wānā pɔ̍nɔ̍ o̍ wānā pɔ̍nɔ̍ cho̍ I̍sɔ̄lūɛ̄ī mbo̍ wā wɔ̍sīla̍ŋ bi̍di̍i̍ŋ kɛ̄lɛ̄ŋgāā hīōūwɔ̄ɔ̍ o̍ ko̍ŋ cho̍o̍, ndu̍yɛ̍ mbo̍ wā te̍le̍ŋ ku̍a̍ā o̍ chɔ̄ū, po̍o̍nyi̍a̍a̍ nda̍ dīōla̍ŋ kpo̍u̍ o̍ yāu̍ chōo̍.”

³A̍ te̍le̍ŋ ko̍ŋ, wāŋnda̍ I̍sɔ̄lūɛ̄ī kpo̍u̍ ā wa̍ o̍ dɔ̍ɔ̍ŋgɔ̍ɔ̍ o̍ dɛ̍ŋgbɔ̍ɔ̍ Mo̍wa̍bī, Chɔ̍ɔ̍dāŋ i̍kɛ̍i̍, bā pāa̍le̍ŋ lē chāŋndo̍, Chɛ̄lu̍i̍kō wa̍ Chɔ̍ɔ̍dāŋ lēe̍lo̍ō bā pāa̍le̍ŋ lē dēl lo̍. Mi̍ Mūu̍sē nda̍ Ɛ̄li̍a̍a̍sā, wa̍nā so̍līāā lāsa̍lāa̍ ā dīmūl wāŋ bɛ̄ndūāā I̍sɔ̄lūɛ̍i̍ya̍ āā,

⁴“Lā chɔ᷄m wa᷅ŋ pīāāndūa̍a̍ I̍sɔ̄lūɛ̄ī kpo̍u̍ bo̍llē pīlɛ̍, a̍ cho̍ wɔ̄sīla̍ŋ bi̍di̍i̍ŋ kɛ̄lɛ̄ŋgāā hīōūwɔ̄ɔ̍ ko̍ŋ cho̍o̍ wa̍ mɛ̄ɛ̍ Mɛ̄lɛ̄ka̍ Ya̍a̍wɛ̄ɛ̄ o̍ di̍mu̍l ya̍ Mūu̍sē yɛ̍.” I̍sɔ̄lūɛ̍i̍ya̍a̍ fu̍la̍ I̍chi̍pī ma̍ chɔ̄m nda̍ bōllē pīlɛ̍ wa̍ nda̍ wa̍ ha̍ā ni̍.

⁵Lūbɛ᷅ŋ, po̍ tāse̍ Che̍kɔ̍pū wo̍, yu̍ŋgu̍la̍ fu̍la̍ o̍ pūlālē ndɔ̄le̍ŋ chōo̍ ma̍ fūlā I̍chi̍pī la̍ŋ nda̍ wa̍ ha̍ā ni̍. Yu̍ŋgu̍ Ha̍nɔ̍kī wo̍, a̍ yu̍ŋgu̍ Pa̍lū wo̍,

⁶a̍ yu̍ŋgu̍ Hɛ̍si̍lɔ̄ŋ ndo̍, o̍ ko̍ŋ kɔ̍ɔ̍lī, a̍ yu̍ŋgu̍ Ka̍a̍mī wo̍.

⁷Ā wa᷄ bōllē pīlɛ̍ kpo̍u̍ kpo̍u̍ wāa̍la̍ŋ be̍le̍-hi̍ɔ̍ɔ̍lu̍ a̍ lā yāa̍, a̍ kɛ̄mɔ̄ɔ̍ lē ŋɔ᷄mmɛ̍ū a̍ ŋ̄wāŋ be̍le̍-ya̍a̍ (43,730).

⁸Mɛ̄ɛ̍ wānāa̍ fu̍la̍ o̍ pūlāle̍ Pa̍lū le̍ŋ chōo̍ wa̍ nda̍ wa̍ ha̍ā ni̍. Pa̍lu̍ ve̍lū Ɛ̄li̍a̍a̍bī ni̍,

⁹Ɛ̄li̍a̍a̍bī ve̍lū Nɛ̍mūɛ̄l, a̍ De̍tāŋ, a̍ A̍bi̍lūām ni̍. (De̍tāŋ ko̍ŋ nda̍ A̍bi̍lūām, nda̍ wānāā ndāa̍ ā hɛ̍li̍ ni̍ le̍ mā wa̍ nda̍ chīla̍ŋ. Ndu̍yɛ̍ De̍tāŋ ko̍ŋ nda̍ A̍ba̍lūīm, nda̍ kpo̍u̍ nda̍ a̍a̍ si̍mu̍l Mūu̍sē nda̍ E̍lɔ̄ŋ ni̍ ma̍ tūāl Ko̍lūāā kɔ̄ɔ̄lī le̍ Mɛ̄lɛ̄ka̍ Ya̍a̍wɛ̄ɛ̍ dīōmndo̍ sōlīo̍o̍.

¹⁰Ndu̍yɛ̍ wānāa̍ to᷅l ka̍ŋ Ko̍lūāā kɔ̄ɔ̄lī wa̍ ki̍nɛ̍i̍, mi̍ lɛ̄ŋnde̍ŋ lē kūmbi᷄ŋ, nda̍ ni̍ a̍ Ko̍lūā la̍tu̍lu̍ ma̍ tūāl o̍ lɛ̄ŋnde̍ŋ bɛ̄ŋgu̍ mi̍ lē kūmbū nda̍. O̍ te̍le̍ŋ pi᷅lɛ̍ kōŋ bɛ̄ŋgu̍ kpe̍, mi̍ yīŋnde̍ŋ lē fūlā chōo̍ cho̍o̍ mi̍ lē dīū wānāā nda̍ a̍a̍ to᷅l ka̍ŋ Ko̍lūāā kɔ̄ɔ̄lī, ma̍ sōlī Mɛ̄lɛ̄ka̍ dīōm nda̍, kɛ̄mɔ̄ɔ̍ lē dīi̍ŋ a̍ be̍le̍-ŋu̍ɛ̍ɛ̍nu̍ (250). Wānāa̍ vi᷅ ka̍ŋ nda̍, nda̍ wa̍ sīlāa̍ le̍ I̍sɔ̄lūɛ̍i̍ya̍a̍ tu̍a̍a̍ ni̍.

¹¹Kɛ̍ pu̍a̍a̍ Ko̍lūā wa̍ nda̍ nda̍ vi᷄ le̍.)

¹²O̍ ko̍ŋ kɔ̍ɔ̍lī, yu̍ŋgu̍la̍ fu̍la̍ o̍ pūlāle̍ Si̍mīɔ̄ŋ nde̍ŋ chōo̍ ma̍ fūlā I̍chi̍pī wa̍ nda̍ cho̍ ha̍ā ni̍. Yu̍ŋgu̍ Nɛ̍mūɛ̄l wo̍, a̍ yu̍ŋgu̍ Cha̍chīŋ ndo̍,

¹³a̍ yu̍ŋgu̍ Sɛ̍lūā wo̍, a̍ yu̍ŋgu̍ Si̍ɔ̍ɔ̄l wo̍.

¹⁴Nda̍ wa̍ bōllē pīlɛ̍ kpo̍u̍ kpo̍u̍ wāa̍la̍ŋ bi̍di̍i̍ŋ a̍ lā tīɔ̍ɔ̍ŋ a̍ kɛ̄mɔ̄ɔ̍ lē dīi̍ŋ (22,200).

¹⁵O̍ ko̍ŋ kɔ̍ɔ̍lī, yu̍ŋgu̍la̍ fu̍la̍ o̍ pūlāle̍ Ka̍a̍dīle̍ŋ chōo̍ la̍ŋ nda̍ cho̍ ha̍ā ni̍. Yu̍ŋgu̍ Sɛ̍fɔ̄ŋ ndo̍, a̍ yu̍ŋgu̍ Ha̍ki̍kī wo̍, a̍ yu̍ŋgu̍ Si̍u̍nī wo̍,

¹⁶a̍ yu̍ŋgu̍ O̍si̍nī wo̍, a̍ yu̍ŋgu̍ Ɛ̍lūī wo̍,

¹⁷a̍ yu̍ŋgu̍ A̍lɔ̍dī wo̍, a̍ yu̍ŋgu̍ A̍lu̍ɛ̍lī wo̍.

¹⁸Nda̍ wa̍ kpo̍u̍ kpo̍u̍ bo̍llē pīlɛ̍, wāa̍la̍ŋ be̍le̍-hi̍ɔ̍ɔ̍lu̍ a̍ kɛ̄mɔ̄ɔ̍ lē ŋūɛ̍ɛ̍nu̍ (40,500).

¹⁹O̍ ko̍ŋ kɔ̍ɔ̍lī, yu̍ŋgu̍la̍ fu̍la̍ o̍ pūlāle̍ Chu̍dāle̍ŋ chōo̍ la̍ŋ nda̍ cho̍ ha̍ā ni̍. Yu̍ŋgu̍ Si̍ɛ̍lāā wo̍, a̍ yu̍ŋgu̍ Pɛ̍lu̍ɛ̍sī wo̍, a̍ yu̍ŋgu̍ Sɛ̄lūā wo̍, a̍ yu̍ŋgu̍ Hɛ̍si̍lɔ̄ŋ ndo̍, a̍ yu̍ŋgu̍ Ha̍mūl wo̍. (Kɛ̍, pūa̍a̍ Chu̍dā wa̍ ā ŋīɔ̍ɔ̍ŋ, Ɛ̍ɛ̄ nda̍ O̍nāŋ, mi̍ nda̍ wū ō lɛ̄ŋndē Ke̍nāŋnde̍ŋ ni᷄ŋ.)

²⁰

²¹

²²Wānāa̍ fu̍la̍ o̍ pūlāle̍ Chu̍dāle̍ŋ chōo̍ wa̍ nda̍ wa̍ bōllē pīlɛ̍ kpo̍u̍ kpo̍u̍ wāa̍la̍ŋ be̍le̍-ŋɔ̍mmɛ̍ū a̍ lā ŋɔ᷄mpu᷅m a̍ kɛ̄mɔ̄ɔ̍ lē ŋūɛ̍ɛ̍nu̍ (76,500).

²³O̍ ko̍ŋ kɔ̍ɔ̍lī, yu̍ŋgu̍la̍ fu̍la̍ o̍ pūlāle̍ I̍sa̍a̍kāle̍ŋ chōo̍ la̍ŋ nda̍ cho̍ ha̍ā ni̍. Yu̍ŋgu̍ To̍lā wo̍, a̍ yu̍ŋgu̍ Pu̍a̍ā wo̍,

²⁴a̍ Cha̍si̍u̍bī wo̍, a̍ yu̍ŋgu̍ Si̍mi̍lɔ̄ŋ ndo̍.

²⁵Ā wa̍ bōllē pīlɛ̍ kpo̍u̍ kpo̍u̍ wāa̍la̍ŋ be̍le̍-ŋɔ̍mpu᷅m a̍ lā hīɔ̍ɔ̍lu̍ a̍ kɛ̄mɔ̄ɔ̍ lē yāa̍ (64,300).

²⁶Yu̍ŋgu̍la̍ fu̍la̍ o̍ pūlāle̍ Sɛ̍bu̍lɔ̄ŋnde̍ŋ chōo̍ la̍ŋ nda̍ wa̍ ha̍ā ni̍. Yu̍ŋgu̍ Sɛ̍lu̍ɛ̍dī wo̍, a̍ Yu̍ŋgu̍ Ɛ̍lɔ̄ŋ ndo̍, a̍ Yu̍ŋgu̍ Cha̍a̍līī wo̍.

²⁷Nda̍ wa̍ bōllē pīlɛ̍ kpo̍u̍ kpo̍u̍ wāa̍la̍ŋ be̍le̍-ŋɔ̍mpu᷅m a̍ kɛ̄mɔ̄ɔ̍ lē ŋūɛ̍ɛ̍nu̍ (60,500).

²⁸Yu̍ŋgu̍la̍ fu̍la̍ o̍ pūlāle̍ Chōo̍sɛ̍le̍ŋ chōo̍ la̍ŋ nda̍ cho̍ ha̍ā ni̍. Yu̍ŋgu̍ Mānāa̍sē wo̍, a̍ yu̍ŋgu̍ E̍fi̍lūēm ndo̍.

²⁹Wānāa̍ fu̍la̍ o̍ yu̍ŋgu̍ Mānāa̍sē wo̍ chōo̍ wa̍ nda̍ cho̍ ha̍ā ni̍. Māka̍yā, po̍ Mānāa̍sē wo̍, ndu̍ ve̍lū Ki̍li̍a̍a̍dī ni̍. Mɛ̄ɛ̍ yu̍ŋgu̍la̍ fu̍la̍ o̍ pūlāle̍ Ki̍li̍a̍a̍dīle̍ŋ chōo̍ la̍ŋ nda̍ cho̍ ha̍ā ni̍.

³⁰Yu̍ŋgu̍ A̍i̍sɛ̄ɛ̄ wo̍, a̍ yu̍ŋgu̍ Hɛ̍lɛ̍kī wo̍,

³¹a̍ yu̍ŋgu̍ A̍si̍lūɛ̄ɛ̄ yo̍, a̍ yu̍ŋgu̍ Si̍ɛ̍kɛ̄m ndo̍,

³²a̍ yu̍ŋgu̍ Sīɛ̄mi̍dā wo̍, a̍ yu̍ŋgu̍ Hɛ̍fā wo̍.

³³Hɛ̍fa̍ ve̍lū Sɛ̄lōfɛ̍ha̍dī ni̍. Kɛ̍ Sɛ̄lōfɛ̍ha̍dī ndu̍ ndu̍ o̍o̍ vi̍lu̍ chu̍ā wānā pɔ̍nɔ̍ le̍, mɛ̄ɛ̍ chūāūwāā wāŋ lāāndūa̍a̍. Chūāūwāā wāŋ lāāndūāā kāŋ dīōlā ndāla̍ŋ la̍ cho̍ la᷅ŋ ni̍. Ma̍a̍lāā, a̍ No̍wā, a̍ Hɔ̍ki̍lāā, a̍ Mi̍li̍kāā, a̍ Tɛ̍sāā.

³⁴Mɛ̄ɛ̍ wānāa̍ fu̍la̍ o̍ pūlāle̍ Mānāa̍sēle̍ŋ chōo̍ wa̍ ā wa̍ kpo̍u̍ kpo̍u̍, wāa̍la̍ŋ be̍le̍-ŋu̍ɛ̍ɛ̍nu̍ a̍ lā tīɔ̍ɔ̍ŋ a̍ kɛ̄mɔ̄ɔ̍ lē ŋɔ᷄mmɛ̍ū (52,700).

³⁵Yu̍ŋgu̍la̍ fu̍la̍ o̍ pūlāle̍ E̍fi̍lūēmnde̍ŋ chōo̍ la̍ŋ nda̍ cho̍ ha̍ā ni̍. Yu̍ŋgu̍ Sīɛ̄tɛ̍lāā wo̍, a̍ yu̍ŋgu̍ Bɛ̍kɛ̄ɛ̄ wo̍, a̍ yu̍ŋgu̍ Te̍hāŋ ndo̍.

³⁶Mɛ̄ɛ̍ o̍ pūlāle̍ Sīɛ̄tɛ̍lāā le̍ŋ chōo̍ yu̍ŋgu̍ Ɛ̍lūāŋ ndo̍ ō fūla̍ ni̍.

³⁷Mɛ̄ɛ̍ kpo̍u̍ kpo̍u̍ wānāa̍ fu̍la̍ o̍ pūlāle̍ E̍fi̍lūēmnde̍ŋ chōo̍ wa̍ ā wa̍ bōllē pīlɛ̍, wāa̍la̍ŋ be̍le̍-ya̍a̍ a̍ lā tīɔ̍ɔ̍ŋ a̍ kɛ̄mɔ̄ɔ̍ lē ŋūɛ̍ɛ̍nu̍ (32,500). Yu̍ŋgu̍la̍ fu̍la̍ o̍ pūlāle̍ Chōo̍sɛ̍le̍ŋ chōo̍ la̍ŋ, la̍ŋ la̍ wa̍ yu̍ŋgu̍la̍ ti̍ɔ̍ɔ̍ŋndā lāŋ ni̍, yu̍ŋgu̍ Mānāa̍sē wo̍ a̍ yu̍ŋgu̍ E̍fi̍lūēm ndo̍.

³⁸Yu̍ŋgu̍la̍ fu̍la̍ o̍ pūlāle̍ Bɛ̍ŋnja̍mīŋ nde̍ŋ chōo̍ la̍ŋ nda̍ cho̍ ha̍ā ni̍. Yu̍ŋgu̍ Bɛ̍lā wo̍, a̍ yu̍ŋgu̍ A̍si̍bɛ̄ɛ̄l wo̍, a̍ yu̍ŋgu̍ A̍hi̍lūāmndo̍,

³⁹a̍ yu̍ŋgu̍ Si̍ɛ̍fu̍fām ndo̍, ndu̍yɛ̍ a̍ yu̍ŋgu̍ Hu̍fāmndo̍.

⁴⁰Mɛ̄ɛ̍ o̍ pūlāle̍ Bɛ̍lā le̍ŋ chōo̍ yu̍ŋgu̍ A̍dī wo̍, a̍ yu̍ŋgu̍ Na̍a̍māŋ ndo̍ ā fūla̍ ni̍.

⁴¹Mɛ̄ɛ̍ kpo̍u̍ kpo̍u̍, wānāa̍ fu̍la̍ o̍ pūlāle̍ Bɛ̍ŋnja̍mīŋnde̍ŋ chōo̍ wa̍ ā wa̍ wāa̍la̍ŋ be̍le̍-hi̍ɔ̍ɔ̍lu̍ a̍ lā ŋūɛ̍ɛ̍nu̍ a̍ kɛ̄mɔ̄ɔ̍ lē ŋɔ᷄mpu᷅m (45,600).

⁴²Yu̍ŋgu̍ fu̍la̍ o̍ pūlāle̍ Da᷅ŋ nde̍ŋ chōo̍ wo̍, ndu̍ cho̍ yu̍ŋgu̍ Si̍u̍hām ndo̍ ni̍.

⁴³Nda̍ nda̍ wa᷄ kpo̍u̍ kpo̍u̍ bo̍llē pīlɛ̍, wāa̍la̍ŋ be̍le̍-ŋɔ̍mpu᷅m a̍ lā hīɔ̍ɔ̍lu̍ a̍ kɛ̄mɔ̄ɔ̍ lē hīɔ̍ɔ̍lu̍ (64,400).

⁴⁴O̍ ko̍ŋ kɔ̍ɔ̍lī, yu̍ŋgu̍la̍ fu̍la̍ o̍ pūlāle̍ A̍sīɛ̄ɛ̄ le̍ŋ chōo̍ la̍ŋ, nda̍ cho̍ ha̍ā ni̍. Yu̍ŋgu̍ I̍mi̍nāā wo̍, a̍ yu̍ŋgu̍ I̍si̍vī wo̍, o̍ ko̍ŋ kɔ̍ɔ̍lī, a̍ yu̍ŋgu̍ Bɛ̄lu̍i̍yā wo̍.

⁴⁵Mɛ̄ɛ̍ yu̍ŋgu̍la̍ fu̍lā o̍ pūlāle̍ Bɛ̄lu̍i̍yā le̍ŋ chōo̍ la̍ŋ, nda̍ cho̍ ha̍ā ni̍. Yu̍ŋgu̍ Hɛ̍bā wo̍, a̍ yu̍ŋgu̍ Ma̍li̍kīɛ̄l wo̍.

⁴⁶A̍sīɛ̄ɛ̄ ndu̍ o̍o̍ ve̍lū wānā la̍nɔ̍ɔ̍ ō pīlɛ̍ dīōla̍ŋ āā Se̍lūā.

⁴⁷Mɛ̄ɛ̍ kpo̍u̍ kpo̍u̍ wānāa̍ fu̍la̍ o̍ pūlāle̍ A̍sīɛ̄ɛ̄ le̍ŋ chōo̍ wa̍ ā wa̍ wāa̍la̍ŋ be̍le̍-ŋu̍ɛ̍ɛ̍nu̍ a̍ lā yāa̍ ā kɛ̄mɔ̄ɔ̍ lē hīɔ̍ɔ̍lu̍ (53,400).

⁴⁸Yu̍ŋgu̍la̍ fu̍la̍ o̍ pūlāle̍ Nāfi̍ta̍lī le̍ŋ chōo̍ la̍ŋ, nda̍ cho̍ ha̍ā ni̍. Yu̍ŋgu̍ Cha̍sɛ̄ɛ̄ wo̍, a̍ yu̍ŋgu̍ Ku̍nī wo̍,

⁴⁹a̍ yu̍ŋgu̍ Chɛ̍sā wo̍, a̍ yu̍ŋgu̍ Si̍līm ndo̍.

⁵⁰Mɛ̄ɛ̍ wānāa̍ fu̍la̍ o̍ pūlāle̍ Nāfi̍ta̍līīle̍ŋ chōo̍ wa̍ ā wa̍ kpo̍u̍ kpo̍u̍ wāa̍la̍ŋ be̍le̍-hi̍ɔ̍ɔ̍lu̍ a̍ lā ŋūɛ̍ɛ̍nu̍ a̍ kɛ̄mɔ̄ɔ̍ lē hīɔ̍ɔ̍lu̍ (45,400).

⁵¹Mɛ̄ɛ̍ wāŋ pīāāndūāā nda̍ chɔ᷄m bōllē pīlɛ̍ I̍sɔ̄lūɛ̄ī wa̍ ā wa̍ kpo̍u̍ kpo̍u̍ wāa̍la̍ŋ kɛ̄mɔ̄ɔ̍ lē ŋɔ᷄mpu᷅m a̍ o̍ pīlɛ̍, a̍ kɛ̄mɔ̄ɔ̍ lē ŋɔ᷄mmɛ̍ū a̍ ŋ̄wāŋ be̍le̍-ya̍a̍ (601,730).

⁵²Mi̍ Mɛ̄lɛ̄ka̍ Ya̍a̍wɛ̄ɛ̄ o̍ di̍mūl Mūu̍sē āā,

⁵³“I̍sɔ̄lūɛ̍i̍ya̍ ha̍ā ŋ̄ nɔ̄ ni̍ mā pi̍ɔ̍u̍ lɛ̄ŋnde̍ŋ tɛ̄ɛ̄ŋ a̍ yu̍ŋgu̍la̍ŋ māā nyɛ̄ ndā, ndu̍yɛ̍ yu̍ŋgu̍ o̍ yu̍ŋgu̍ mɛ̄ɛ̍ wāŋnda̍ wā le̍ni̍ŋ yɛ̍ le̍nde̍ nda̍ nɔ̄ ni̍ mā sɔ̄la̍ būŋgɛ̄i̍.

⁵⁴Ndu̍yɛ̍ tē a̍ wa̍ nda̍ lɛ̄ŋnde̍ŋ nde᷅ŋ pīɔ̄ūwo̍ pɛ̍, ā nɔ̄ mā wu̍u̍ kōo̍ŋ le̍ sīnāa̍ būŋgɛ̄ī yu̍ŋgu̍ o̍ yu̍ŋgu̍ o̍ nɔ̍ le̍ sɔ̄lāa̍ ve̍. Mɛ̄ɛ̍ yu̍ŋgo̍o̍ ō wā yɛ̍ le̍nde̍ o̍ nɔ̍ ni̍ mbō sɔ̄la̍ būŋgɛ̄i̍. Tē yu̍ŋgo̍o̍ wa̍ pɛ̍ o̍ bɛ̍ndū a̍ ke̍ nda̍ būŋgɛ̄i̍ ī bɛ̄ndū, tē ō wa̍ ō pɔ̄mbɔ̄ pɛ̍, a̍ ke̍ nda̍ būŋgɛ̄i̍ ī pɔ̄mbɔ̄.”

⁵⁵

⁵⁶

⁵⁷Yu̍ŋgu̍la̍ fu̍la̍ o̍ pūlāle̍ Li̍va̍īle̍ŋ chōo̍ la̍ŋ, nda̍ cho̍ ha̍ā ni̍. Yu̍ŋgu̍ Ka̍a̍sīɔ̄ŋ ndo̍, a̍ yu̍ŋgu̍ Ko̍ha̍tī wo̍, ndu̍yɛ̍ a̍ yu̍ŋgu̍ Mɛ̍lu̍a̍lī wo̍.

⁵⁸Mɛ̄ɛ̍ yu̍ŋgu̍la̍ fu̍la̍ o̍ pūlāle̍ Ka̍a̍sīɔ̄ŋ, a̍ Ko̍ha̍tī, a̍ Mɛ̍lu̍a̍lī le̍ŋ chōo̍ la̍ŋ, nda̍ cho̍ ha̍ā ni̍. Yu̍ŋgu̍ Li̍bi̍nī wo̍, a̍ yu̍ŋgu̍ Hi̍būlɔ̄ŋ ndo̍, a̍ yu̍ŋgu̍ Ma̍a̍lī wo̍, a̍ yu̍ŋgu̍ Mūu̍sē wo̍, ndu̍yɛ̍ a̍ yu̍ŋgu̍ Ko̍lūā wo̍. Ko̍ha̍tī, po̍ Li̍va̍īyo̍, ndu̍ ve̍lū A̍mi̍lūām ni̍.

⁵⁹A̍mi̍lūām ko̍ŋ la̍a̍ ndɔ̍ wa̍ Chōchɛ̄bɛ̍dī ni̍, Li̍vāī chūā ndɔ̍ o̍ ve̍lū I̍chi̍pī wo̍. Mɛ̄ɛ̍ Chōchɛ̄bɛ̍dī ko̍ŋ ndu̍ ve̍lū Mūu̍sē nda̍ E̍lɔ̄ŋ a̍ Me̍e̍līām ye̍ma̍ ndā ni̍.

⁶⁰E̍lɔ̄ŋ ndu̍ o̍o̍ ve̍lū pūa̍a̍ ā hīɔ̍ɔ̍lu̍, nda̍ cho̍ ha̍ā ni̍. Na̍da̍bī, a̍ Ābi̍hū, a̍ Ɛ̄li̍a̍a̍sā, a̍ I̍ta̍māā.

⁶¹Kɛ̍ Na̍da̍bī ni̍, a̍ Ābi̍hū ma̍ sɔ̄lā pīɔ̍mndo̍ Mɛ̄lɛ̄ka̍ Ya̍a̍wɛ̄ɛ̍ lāchī, fo̍ndōle̍ le̍ mɛ̄ɛ̍ nda̍ lōm nyɛ̄m chūŋ kɛ̄ndɔ᷄ŋ o̍ Mɛ̄lɛ̄ka̍ lo̍ a̍ yīŋnde̍ ve̍ le̍ di̍a̍ndāā Mɛ̄lɛ̄ka̍ o̍ hɔ̄l te̍ le̍ŋ yɛ̍.

⁶²Wānā pɔ̍nɔ̍ o̍ wānā pɔ̍nɔ̍ ve̍lu᷄ŋ o̍ yu̍ŋgu̍ Li̍va̍īyo̍ chōo̍, mbo̍ wā chɔ̍ŋ pa̍ŋge̍i̍ ī pīlɛ̍ ha̍a̍a̍ mbo̍ hēl a̍ lāchī kɛ᷅, ma̍ chɔ̄m nda̍ kpo̍u̍ bo̍llē pīlɛ̍. Ā wa̍ kpo̍u̍ kpo̍u̍, wāa̍la̍ŋ bi̍di̍i̍ŋ a̍ lā yāa̍ (23,000). Kɛ̍ nda̍ nda̍ ā mɔ̄sɔ̍ŋa̍ nda̍ chɔ̄m a̍ I̍sɔ̄lūɛ̍i̍ya̍a̍ tu̍a̍a̍ lātūlu̍ le̍, kāni̍ fo̍ndōle̍, nda̍ nda̍ sɔ̄la̍ nyɛ᷅m kɛ̍ o̍ nyɛ̄m kɛ᷅ chāāŋāā ndāā I̍sɔ̄lūɛ̍i̍ya̍ tɛ̄ɛ̄ŋ te̍.

⁶³Mɛ̄ɛ̍ wānāā Mūu̍sē nda̍ Ɛ̄li̍a̍a̍sā, wānā so̍līāā lāsa̍lāa̍ a̍ chɔ̍m bōllē pīlɛ̍ wa̍ nda̍ wa̍ ka̍ŋ ni̍. A̍ te̍le̍ŋ ko̍ŋ I̍sɔ̄lūɛ̍i̍ya̍ ā wa̍ o̍ dɔ̍ɔ̍ŋgɔ̍ɔ̍ o̍ dɛ̍ŋgbɔ̍ɔ̍ Mo̍wa̍bī, Chɔ̍ɔ̍dāŋ i̍kɛ̍i̍, bā pāa̍le̍ŋ lē chāŋndo̍, Chɛ̄lu̍i̍kō o̍ wa̍ Chɔ̍ɔ̍dāŋ le̍e̍lōo̍, bā pāa̍le̍ŋ lē dēl lo̍.

⁶⁴Wānāā Mūu̍sē nda̍ E̍lɔ̄ŋ a̍ chɔ̍m bōllē pīlɛ̍ o̍ lɛ̄ŋndē po̍lte̍ŋ Sa̍a̍nāī wa̍, nda̍ kpo̍u̍ ma̍ chūū o̍ lɛ̄ŋndē po̍lte̍ŋ ni᷄ŋ mɛ̄ɛ̍ Mɛ̄lɛ̄ka̍ Ya̍a̍wɛ̄ɛ̄ ndu̍ o̍o̍ di̍mu̍l nda̍ yɛ̍. Mɛ̄ɛ̍ le̍ Ke̍lɛ̍bī, po̍ Chɛ̍fu̍nɛ̄ɛ̄ wo̍, a̍ Chɔ̄ɔ̍sūāā, po̍ Nu᷅ŋ ndo̍ ma̍ lō yōōmū.