Southern Kisi bible online

Nɔ̍mbāā 7

¹Ndu̍yɛ̍ mi̍ Mūu̍sē o̍ chi̍ī tɛ̍ndīi̍ chɔ᷅m māā Mɛ̄lɛ̄ka̍ Ya̍a̍wɛ̄ɛ̄ cho̍ a̍ nya̍ lātūlu̍ wo̍ sīmī. Pāa̍le̍ o̍ chi̍i̍ tɛ̍ndīi̍yo̍ ho̍ō sīmī le̍ŋ, mbo̍ fāsāŋā ndu̍ chūɛ̄īya̍ŋ le̍ ndu̍ mālɔ̄ɔ̍ Mɛ̄lɛ̄ka̍ o̍ bā lātūlu̍ a̍ nyɛ᷄m wa̍ lēni᷄ŋ ndo̍ŋ, o̍ ko̍ŋ kɔ̍ɔ̍lī, a̍ ma̍āŋndo̍ ndu̍yɛ̍ a̍ wōlɔ̄ɔ̄lā wa̍ o̍ ma̍āŋndo̍ la̍ŋ kpo̍u̍.

²O̍ ko̍ŋ kɔ̍ɔ̍lī, mi̍ wāŋ bɛ̄ndūa̍a̍ I̍sɔ̄lūɛ̄ī, a̍ wa̍ bōlīī lāyu̍ŋgu̍e̍i̍, ndu̍yɛ̍ ma̍ wā chīla̍ŋ le̍ wāŋnda̍ chɔ̄mndo̍ wa̍, ā hūŋ

³a̍ kēlā ndāla̍ŋ o̍ Mɛ̄lɛ̄ka̍ Ya̍a̍wɛ̄ɛ̄ lo̍. Mi̍ wānāā ŋīɔ̍ɔ̍ŋ o̍ wānāā ŋīɔ̍ɔ̍ŋ ā hūŋ a̍ nyɛ̄ vīlīāā lāwōlɔ̄ɔ̍ ō pīlɛ̍, ndu̍yɛ̍, mi̍ wānā o̍ wānā o̍ hu᷅ŋ a̍ nāū tōōyōo̍ ō pīlɛ̍. Mɛ̄ɛ̍ fa̍ū fa̍ū, ma̍ hūŋ a̍ nyɛ̄lā chūāā lāwōlɔ̄ɔ̄la̍ŋ lā ŋɔ᷄mpu᷅m, a̍ nāūwāā tōōyīa̍a̍ tɔ̍ a̍ ā ŋīɔ̍ɔ̍ŋ. Mɛ̄ɛ̍ nda̍ hīŋ a̍ nyɛ̄lā lāŋ ma̍ hu᷄ŋ yɔ̍ŋgu̍ la̍ŋ o̍ Mɛ̄lɛ̄ka̍ Ya̍a̍wɛ̄ɛ̄ lo̍ o̍ tɛ̍ndīi̍ chɔ᷅m māā Mɛ̄lɛ̄ka̍ chō a̍ nya̍ lātūlu̍ wo̍ sōndōo̍, lātūlu̍ a̍ chɔ̄lūāā kāŋ.

⁴Mi̍ Mɛ̄lɛ̄ka̍ Ya̍a̍wɛ̄ɛ̄ o̍ di̍mūl Mūu̍sē āā,

⁵“Bi̍i̍ wo̍lɔ̄ɔ̄lā nda̍ hīŋ la᷅ŋ nda̍ŋ, le̍ mī yu̍ŋgu̍ Li̍va̍īyo̍ ā wa̍ wa̍llo̍ a̍ la̍ŋ o̍ tɛ̍ndīi̍ chɔ᷅m māā Mɛ̄lɛ̄ka̍ Ya̍a̍wɛ̄ɛ̄ cho̍ a̍ nya̍ lātūlu̍ wo̍. Pi̍ɔ̍u̍ yu̍ŋgu̍ Li̍va̍īyo̍ wōlɔ̄ɔ̄lā lāŋ a̍ chɔ̄lūāā kāŋ mɛ̄ɛ̍ kpɛ̍ wānā o̍ wānā ō nɔ̍ wa̍llo̍ le̍ to̍sāa̍ yɛ̍.”

⁶O̍ ko̍ŋ, mi̍ Mūu̍sē o̍ chu̍ā nyɛ̄lā vīlīāā lāwōlɔ̄ɔ̄lā lāŋ a̍ nāūwāā kāŋ, mbo̍ pīɔ̄ū yu̍ŋgu̍la̍ fu̍la̍ o̍ pūlāle̍ Li̍va̍īle̍ŋ chōo̍ wa̍.

⁷Mbo̍ kē wānāa̍ fu̍la̍ o̍ yu̍ŋgu̍la̍ Ka̍a̍sīɔ̄ŋ, po̍ Li̍va̍īyo̍ chōo̍ wa̍, nyɛ̄lā vīlīāā lāwōlɔ̄ɔ̄la̍ŋ lā tīɔ̍ɔ̍ŋ, a̍ nāūwāā tōōyīa̍a̍ ā hīɔ̍ɔ̍lu̍, mɛ̄ɛ̍ kpɛ̍ nda̍ a̍a̍ nɔ̍ wa̍llo̍ le̍ to̍sāa̍ yɛ̍.

⁸O̍ ko̍ŋ kɔ̍ɔ̍lī, mbo̍ kē wānāa̍ fu̍la̍ o̍ yu̍ŋgu̍la̍ Mɛ̍lu̍a̍lī, po̍ Li̍va̍īyo̍ ō pīlɔ̍ɔ̍ chōo̍ la̍ŋ nda̍, nyɛ̄lā vīlīāā lāwōlɔ̄ɔ̄la̍ŋ lā hīɔ̍ɔ̍lu̍, a̍ nāūwāā tōōyīa̍a̍ ā ŋɔ̄ma̍a̍, mɛ̄ɛ̍ kpɛ̍ nda̍ a̍a̍ nɔ̍ wa̍llo̍ le̍ tōsāa̍ yɛ̍. Ndu̍yɛ̍ I̍ta̍māā, po̍ E̍lɔ̄ŋ ndo̍ ndu̍ wa̍ yu̍ŋgu̍la̍ŋ nda᷅ŋ kpo̍u̍ bo᷅lle̍ŋ ni̍ le̍ nda̍ chɔ̄mndo̍ wa̍li̍ nda̍ a̍a̍ nɔ̍ le̍ to̍sāa̍ wo̍.

⁹Kɛ̍ wa̍nāa̍ fu̍la̍ o̍ yu̍ŋgu̍la̍ Ko̍ha̍tīla̍ŋ chōo̍ wa̍ Mūu̍sē ke̍ nda̍ nyɛ̄ o̍ nyɛ̄ le̍, kāni̍ fo̍ndōle̍, nda̍ nda̍ nyɛ̄ o̍ nyɛ̍ wa̍ a̍ wōlɔ̄ɔ̄lā dīāndāāla̍ wa̍ o̍ tɛ̍ndīi̍yo̍ la̍ŋ o̍kɔ̄ɔ̄, wa̍li̍ ndāa̍ wa̍ ko̍ŋ ni̍. Ndu̍yɛ̍ o̍ lāchōŋgu̍ nda̍ a̍a̍ nɔ̍ wōlɔ̄ɔ̄la̍ŋ nda᷅ŋ chūa̍a̍ ni̍ le̍ kɔ̄la̍ŋ.

¹⁰O̍ ko̍ŋ kɔ̍ɔ̍lī, mɛ̄ɛ̍ nda̍ wa̍ ma̍āŋndo̍ mālɔ̄ɔ̄ Mɛ̄lɛ̄ka̍ o̍ bā, mi̍ wāŋ bɛ̄ndūa̍a̍ I̍sɔ̄lūɛ̄ī a̍ hu᷅ŋ vɛ̄lɛ̄ a̍ nyɔ̄ɔ̍ŋ le̍ sa̍lāla̍ŋ sōlīo̍o̍ o̍ Mɛ̄lɛ̄ka̍ lo̍, mi̍ wānā o̍ wānā o̍ hu̍ŋ kɛ̍sī nyɛ̄ o̍ hi᷅ŋ ndo̍ ma̍āŋndo̍ lāchī.

¹¹Mi̍ Mɛ̄lɛ̄ka̍ Ya̍a̍wɛ̄ɛ̄ o̍ lo᷅ o̍ ko̍ŋ mbo̍ dīmūl Mūu̍sē āā, “Wāŋ bɛ̄ndūāā I̍sɔ̄lūɛ̍i̍ya̍ ā nɔ̄ mā sōli̍ sa̍lālā ndāla̍ŋ ā pīlɛ̍ŋ pi̍lɛ̍ŋ nda̍, le̍ ma̍āŋndo̍ mālɔ̄ɔ̍ ya̍ Mɛ̍lɛ̄ka̍ o̍ bā. Lēpāa̍ o̍ lēpāa̍ wānā pi᷅lɛ̍ nɔ̍ ni̍ mbō yɔ̄ŋgu̍ nyɛ̄m o̍ hi᷅ŋ le̍ yɔ̄ŋgōo̍ o̍ ya̍ Mɛ̍lɛ̄ka̍ lo̍ wo̍ŋ.”

¹²Wāna̍ yɔ̍ŋgu̍ nyɛ̄m ndɔ᷄ŋ pāa̍le̍ tāse̍le̍ŋ ndo̍ ndu̍ wa̍ Na̍a̍sīɔ̄ŋ, po̍ Āmi̍na̍da̍bī wo̍ ni̍, o̍ wa̍ yu̍ŋgu̍ Chu̍dā wo̍ bōlle̍ŋ ndo̍.

¹³Nyɛ̄m o̍ yɔ̍ŋgu̍ wo̍ŋ mu̍ŋ cho̍ mu᷅ŋ ni̍. Hɛ̄ŋgɛ̍i̍ ka̍ni̍i̍ hu̍mbōo̍, o̍ wa̍ pa᷅ŋnda̍ŋ lā yāa̍, a̍ tɛ̄ndāa̍ tɛ̄ɛ̄ŋ, a̍ hɛ̄ŋgɛ̍i̍ ka̍ni̍i̍ hu̍mbōo̍ ō pīlɔ̍ɔ̍, ndu̍ wa̍ sɔ̍ŋgɔ̍ pa᷅ŋnda̍ŋ lā tīɔ̍ɔ̍ŋ. Ndu̍yɛ̍ sēke̍lēi̍ wāŋ bɛ̄ndūa̍a̍ I̍sɔ̄lūɛ̄ī a̍ chɛ̍la᷅ŋ chōo̍ le̍ lūsu̍l nyɔ̄ɔ̍ŋ sīnāa̍ wo̍, o̍ sēke̍lēi̍ ko̍ŋ chōo̍ nda̍ hāndu̍ hɛ̄ŋgɛ̍i̍la̍ŋ ndāŋ ni̍ le̍ lūsu̍l ndɔ̄ɔ̍ sīnāa̍. Ndu̍yɛ̍ hɛ̄ŋgɛ̍i̍la̍ŋ ndāŋ o̍ kɛ᷅ o̍ kɛ᷅ kōlō to̍o̍sīāā bēe̍dīi̍yo̍ ō kɛ̄ndɛ̄ kɛ̍ndɔ̄ɔ̍, ō nda̍ līnda̍ a̍ chūɛ̄īmā ɔ̄li̍fīi̍ya̍ŋ ndo̍ ō wa̍ lēni᷄ŋ o̍ pi̍a̍ā cha̍. Kōlō ko̍ŋ ndu̍ wa̍ sa̍lā tɔ̄lɔ̄ɔ̄ ku̍llo̍ ni̍.

¹⁴O̍ ko̍ŋ kɔ̍ɔ̍lī, mbo̍ yɔ̄ŋgu̍ vɛ̄lɛ̄ hɛ̄ŋgɛ̍i̍ pɔ̍mbɔ̄ īko̍o̍līi̍yo̍, ndu̍ o̍o̍ wa᷅ lu̍su̍llo̍ pa᷅ŋndo̍ nyɛ̄ pɔ̄mbɔ̄, a̍ nyɛ̄m chūŋ kɛ̄ndɔ᷄ŋ lēni᷄ŋ ŋ̍ pi̍a̍ā,

¹⁵a̍ nāū tōōyē fɔ̍ŋndɔ̍ɔ̍, a̍ sāā ko̍ndo̍, a̍ sāā ko̍ndo̍ fɔ̍ŋndɔ̍ chi̍i̍ wɔ̄sīo̍o̍ ō pīlɛ̍ wo̍, le̍ sa̍lā lūāmāa̍ sōlīo̍o̍,

¹⁶a̍ chūīŋ tōōyōo̍ le̍ sa̍la̍ fa̍ŋā yɔ᷅ŋ wɔ̄ɔ̍ŋndo̍ wo̍ sōlīo̍o̍,

¹⁷a̍ nāūwāā tōōyīa̍a̍ ā ŋīɔ̍ɔ̍ŋ, a̍ sāa̍ ko̍ndu̍a̍a̍ ā ŋūɛ̍ɛ̍nu̍, a̍ chūīŋāā tōōyīa̍a̍ ā ŋūɛ̍ɛ̍nu̍, o̍ ko̍ŋ kɔ̍ɔ̍lī, a̍ sāā ko̍ndu̍a̍a̍ fɔ̍ŋndu̍a̍a̍, a̍ chi̍i̍ wɔ̄sīo̍o̍ ō pīlɛ̍ wa̍ ā ŋūɛ̍ɛ̍nu̍, le̍ sa̍lā kɔ̄l nyūlōo̍ sōlīo̍o̍. Nyɛ̄m Na̍a̍sīɔ̄ŋ, po̍ Āmi̍na̍da̍bī wo̍ ō yɔ̄ŋgu̍ ki̍nɛ̍i̍ yo̍ŋ, mu̍ŋ wa̍ mu̍ŋ ni̍.

¹⁸O̍ ko̍ŋ kɔ̍ɔ̍lī, mi̍ Nɛ̄ta̍a̍nīɛ̄ɛ̄l, po̍ Su̍a̍ā wo̍, o̍ wa̍ yu̍ŋgu̍ I̍sa̍a̍kā wo̍ bōlle̍ŋ ndo̍, ō yɔ̄ŋgū nyɛ̄m o̍ hi᷅ŋ le̍ yɔ̄ŋgōo̍ o̍ Mɛ̄lɛ̄ka̍ lo̍ wo̍ŋ, o̍ pāa̍le̍ di̍i̍ŋ ndɔ̄le̍ŋ chōo̍.

¹⁹Nyɛ̄m o̍ yɔ̍ŋgu̍ wo̍ŋ mu̍ŋ wa̍ mu᷅ŋ ni̍. Hɛ̄ŋgɛ̍i̍ ka̍ni̍i̍ hu̍mbōo̍, o̍ wa̍ pa᷅ŋnda̍ŋ lā yāa̍, a̍ tɛ̄ndāa̍ tɛ̄ɛ̄ŋ, a̍ hɛ̄ŋgɛ̍i̍ ka̍ni̍i̍ hu̍mbōo̍ ō pīlɔ̍ɔ̍, ndu̍ wa̍ sɔ̍ŋgɔ̍ pa᷅ŋnda̍ŋ lā tīɔ̍ɔ̍ŋ. Ndu̍yɛ̍ sēke̍lēi̍ wāŋ bɛ̄ndūa̍a̍ I̍sɔ̄lūɛ̄ī a̍ chɛ̍la᷅ŋ chōo̍ le̍ lūsu̍l nyɔ̄ɔ̍ŋ sīnāa̍ wo̍, o̍ sēke̍lēi̍ ko̍ŋ chōo̍ nda̍ hāndu̍ hɛ̄ŋgɛ̍i̍la̍ŋ ndāŋ ni̍ le̍ lūsu̍l ndɔ̄ɔ̍ sīnāa̍. Ndu̍yɛ̍ hɛ̄ŋgɛ̍i̍la̍ŋ ndāŋ o̍ kɛ᷅ o̍ kɛ᷅ kōlō to̍o̍sīāā bēe̍dīi̍yo̍ ō kɛ̄ndɛ̄ kɛ̍ndɔ̄ɔ̍, ō nda̍ līnda̍ a̍ chūɛ̄īmā ɔ̄li̍fīi̍ya̍ŋ ndo̍ ō wa̍ lēni᷄ŋ o̍ pi̍a̍ā cha̍. Kōlō ko̍ŋ ndu̍ wa̍ sa̍lā tɔ̄lɔ̄ɔ̄ ku̍llo̍ ni̍.

²⁰O̍ ko̍ŋ kɔ̍ɔ̍lī, mbo̍ yɔ̄ŋgu̍ vɛ̄lɛ̄ hɛ̄ŋgɛ̍i̍ pɔ̍mbɔ̄ īko̍o̍līi̍yo̍, ndu̍ o̍o̍ wa᷅ lu̍su̍llo̍ pa᷅ŋndo̍ nyɛ̄ pɔ̄mbɔ̄, a̍ nyɛ̄m chūŋ kɛ̄ndɔ᷄ŋ lēni᷄ŋ ŋ̍ pi̍a̍ā,

²¹a̍ nāū tōōyē fɔ̍ŋndɔ̍ɔ̍, a̍ sāā ko̍ndo̍, a̍ sāā ko̍ndo̍ fɔ̍ŋndɔ̍ chi̍i̍ wɔ̄sīo̍o̍ ō pīlɛ̍ wo̍, le̍ sa̍lā lūāmāa̍ sōlīo̍o̍,

²²a̍ chūīŋ tōōyōo̍ le̍ sa̍la̍ fa̍ŋā yɔ᷅ŋ wɔ̄ɔ̍ŋndo̍ wo̍ sōlīo̍o̍,

²³a̍ nāūwāā tōōyīa̍a̍ ā ŋīɔ̍ɔ̍ŋ, a̍ sāa̍ ko̍ndu̍a̍a̍ ā ŋūɛ̍ɛ̍nu̍, a̍ chūīŋāā tōōyīa̍a̍ ā ŋūɛ̍ɛ̍nu̍, o̍ ko̍ŋ kɔ̍ɔ̍lī, a̍ sāā ko̍ndu̍a̍a̍ fɔ̍ŋndu̍a̍a̍, a̍ chi̍i̍ wɔ̄sīo̍o̍ ō pīlɛ̍ wa̍ ā ŋūɛ̍ɛ̍nu̍, le̍ sa̍lā kɔ̄l nyūlōo̍ sōlīo̍o̍. Nyɛ̄m Nɛ̄ta̍a̍nīɛ̄ɛ̄l, po̍ Su̍a̍ā wo̍ ō yɔ̄ŋgu̍ ki̍nɛ̍i̍ yo̍ŋ, mu̍ŋ wa̍ mu̍ŋ ni̍.

²⁴O̍ ko̍ŋ kɔ̍ɔ̍lī, o̍ pāa̍le̍ ya̍a̍ ndɔ̄ le̍ŋ chōo̍ mi̍ I̍li̍a̍bī, po̍ Hɛ̍lɔ̄ŋ ndo̍, o̍ wa̍ yu̍ŋgu̍ Sɛ̍bu̍lɔ̄ŋ ndo̍ bōlle̍ ndo̍ ō yɔ̄ŋgū nyɔ̄ɔ̍ŋ ŋ̍ ndɔ̍ŋ.

²⁵Nyɛ̄m o̍ yɔ̍ŋgu̍ wo̍ŋ mu̍ŋ cho̍ mu᷅ŋ ni̍. Hɛ̄ŋgɛ̍i̍ ka̍ni̍i̍ hu̍mbōo̍, ō wa̍ pa᷅ŋnda̍ŋ lā yāa̍, a̍ tɛ̄ndāa̍ tɛ̄ɛ̄ŋ, a̍ hɛ̄ŋgɛ̍i̍ ka̍ni̍i̍ hu̍mbōo̍ ō pīlɔ̍ɔ̍, ndu̍ wa̍ sɔ̍ŋgɔ̍ pa᷅ŋnda̍ŋ lā tīɔ̍ɔ̍ŋ. Ndu̍yɛ̍ sēke̍lēi̍ wāŋ bɛ̄ndūa̍a̍ I̍sɔ̄lūɛ̄ī a̍ chɛ̍la᷅ŋ chōo̍ le̍ lūsu̍l nyɔ̄ɔ̍ŋ sīnāa̍ wo̍, o̍ sēke̍lēi̍ ko̍ŋ chōo̍ nda̍ hāndu̍ hɛ̄ŋgɛ̍i̍la̍ŋ ndāŋ ni̍ le̍ lūsu̍l ndɔ̄ɔ̍ sīnāa̍. Ndu̍yɛ̍ hɛ̄ŋgɛ̍i̍la̍ŋ ndāŋ o̍ kɛ᷅ o̍ kɛ᷅ kōlō to̍o̍sīāā bēe̍dīi̍yo̍ ō kɛ̄ndɛ̄ kɛ̍ndɔ̄ɔ̍, ō nda̍ līnda̍ a̍ chūɛ̄īmā ɔ̄li̍fīi̍ya̍ŋ ndo̍ ō wa̍ lēni᷄ŋ o̍ pi̍a̍ā cha̍. Kōlō ko̍ŋ ndu̍ wa̍ sa̍lā tɔ̄lɔ̄ɔ̄ ku̍llo̍ ni̍.

²⁶O̍ ko̍ŋ kɔ̍ɔ̍lī, mbo̍ yɔ̄ŋgu̍ vɛ̄lɛ̄ hɛ̄ŋgɛ̍i̍ pɔ̍mbɔ̄ īko̍o̍līi̍yo̍, ndu̍ o̍o̍ wa᷅ lu̍su̍llo̍ pa᷅ŋndo̍ nyɛ̄ pɔ̄mbɔ̄, a̍ nyɛ̄m chūŋ kɛ̄ndɔ᷄ŋ lēni᷄ŋ ŋ̍ pi̍a̍ā,

²⁷a̍ nāū tōōyē fɔ̍ŋndɔ̍ɔ̍, a̍ sāā ko̍ndo̍o̍, a̍ sāā ko̍ndo̍ fɔ̍ŋndɔ̍ chi̍i̍ wɔ̄sīo̍o̍ ō pīlɛ̍ wo̍, le̍ sa̍lā lūāmāa̍ sōlīo̍o̍,

²⁸a̍ chūīŋ tōōyōo̍ le̍ sa̍la̍ fa̍ŋā yɔ᷅ŋ wɔ̄ɔ̍ŋndo̍ wo̍ sōlīo̍o̍,

²⁹a̍ nāūwāā tōōyīa̍a̍ ā ŋīɔ̍ɔ̍ŋ, a̍ sāa̍ ko̍ndu̍a̍a̍ ā ŋūɛ̍ɛ̍nu̍, a̍ chūīŋāā tōōyīa̍a̍ ā ŋūɛ̍ɛ̍nu̍, o̍ ko̍ŋ kɔ̍ɔ̍lī, a̍ sāā ko̍ndu̍a̍a̍ fɔ̍ŋndu̍a̍a̍, a̍ chi̍i̍ wɔ̄sīo̍o̍ ō pīlɛ̍ wa̍ ā ŋūɛ̍ɛ̍nu̍, le̍ sa̍lā kɔ̄l nyūlōo̍ sōlīo̍o̍. Nyɛ̄m Ɛ̄li̍a̍a̍bī, po̍ Hɛ̍lɔ̄ŋ ndo̍ ō yɔ̄ŋgu̍ ki̍nɛ̍i̍ yo̍ŋ, mu̍ŋ wa̍ mu̍ŋ ni̍.

³⁰O̍ pāa̍le̍ hi̍ɔ̍ɔ̍lu̍ le̍ŋ chōo̍, mi̍ Ɛ̄li̍sɔ̄ɔ̄, po̍ Si̍ɛ̍dīɔ̄ɔ̄ wo̍, o̍ wa̍ yu̍ŋgu̍ Lūbɛ᷅ŋ ndo̍ bōlle̍ŋ ndo̍ ō yɔ̄ŋgū nyɔ̄ɔ̍ŋ ŋ̍ ndɔ̍ŋ.

³¹Nyɛ̄m o̍ yɔ̍ŋgu̍ wo̍ŋ mu̍ŋ cho̍ mu᷅ŋ ni̍. Hɛ̄ŋgɛ̍i̍ ka̍ni̍i̍ hu̍mbōo̍, ō wa̍ pa᷅ŋnda̍ŋ lā yāa̍, a̍ tɛ̄ndāa̍ tɛ̄ɛ̄ŋ, a̍ hɛ̄ŋgɛ̍i̍ ka̍ni̍i̍ hu̍mbōo̍ ō pīlɔ̍ɔ̍, ndu̍ wa̍ sɔ̍ŋgɔ̍ pa᷅ŋnda̍ŋ lā tīɔ̍ɔ̍ŋ. Ndu̍yɛ̍ sēke̍lēi̍ wāŋ bɛ̄ndūa̍a̍ I̍sɔ̄lūɛ̄ī a̍ chɛ̍la᷅ŋ chōo̍ le̍ lūsu̍l nyɔ̄ɔ̍ŋ sīnāa̍ wo̍, o̍ sēke̍lēi̍ ko̍ŋ chōo̍ nda̍ hāndu̍ hɛ̄ŋgɛ̍i̍la̍ŋ ndāŋ ni̍ le̍ lūsu̍l ndɔ̄ɔ̍ sīnāa̍. Ndu̍yɛ̍ hɛ̄ŋgɛ̍i̍la̍ŋ ndāŋ o̍ kɛ᷅ o̍ kɛ᷅ kōlō to̍o̍sīāā bēe̍dīi̍yo̍ ō kɛ̄ndɛ̄ kɛ̍ndɔ̄ɔ̍, ō nda̍ līnda̍ a̍ chūɛ̄īmā ɔ̄li̍fīi̍ya̍ŋ ndo̍ ō wa̍ lēni᷄ŋ o̍ pi̍a̍ā cha̍. Kōlō ko̍ŋ ndu̍ wa̍ sa̍lā tɔ̄lɔ̄ɔ̄ ku̍llo̍ ni̍. Kōlō ko̍ŋ ndu̍ wa̍ le̍ sa̍lā tɔ̄lɔ̄ɔ̄ ku̍llo̍ ni̍.

³²O̍ ko̍ŋ kɔ̍ɔ̍lī, mbo̍ yɔ̄ŋgu̍ vɛ̄lɛ̄ hɛ̄ŋgɛ̍i̍ pɔ̍mbɔ̄ īko̍o̍līi̍yo̍, ndu̍ o̍o̍ wa᷅ lu̍su̍llo̍ pa᷅ŋndo̍ nyɛ̄ pɔ̄mbɔ̄, a̍ nyɛ̄m chūŋ kɛ̄ndɔ᷄ŋ lēni᷄ŋ ŋ̍ pi̍a̍ā,

³³a̍ nāū tōōyē fɔ̍ŋndɔ̍ɔ̍, a̍ sāā ko̍ndo̍o̍, a̍ sāā ko̍ndo̍ fɔ̍ŋndɔ̍ chi̍i̍ wɔ̄sīo̍o̍ ō pīlɛ̍ wo̍, le̍ sa̍lā lūāmāa̍ sōlīo̍o̍,

³⁴a̍ chūīŋ tōōyōo̍ le̍ sa̍la̍ fa̍ŋā yɔ̄ŋ wɔ̄ɔ̍ŋndo̍ wo̍ sōlīo̍o̍,

³⁵a̍ nāūwāā tōōyīa̍a̍ ā ŋīɔ̍ɔ̍ŋ, a̍ sāa̍ ko̍ndu̍a̍a̍ ā ŋūɛ̍ɛ̍nu̍, a̍ chūīŋāā tōōyīa̍a̍ ā ŋūɛ̍ɛ̍nu̍, o̍ ko̍ŋ kɔ̍ɔ̍lī, a̍ sāā ko̍ndu̍a̍a̍ fɔ̍ŋndu̍a̍a̍, a̍ chi̍i̍ wɔ̄sīo̍o̍ ō pīlɛ̍ wa̍ ā ŋūɛ̍ɛ̍nu̍, le̍ sa̍lā kɔ̄l nyūlōo̍ sōlīo̍o̍. Nyɛ̄m Ɛ̄li̍sɔ̄ɔ̄, po̍ Si̍ɛ̍dīɔ̄ɔ̄ wo̍, ō yɔ̄ŋgu̍ ki̍nɛ̍i̍ yo̍ŋ, mu̍ŋ wa̍ mu̍ŋ ni̍.

³⁶O̍ pāa̍le̍ ŋu̍ɛ̍ɛ̍nu̍ le̍ŋ chōo̍, mi̍ Si̍ɛ̍lu̍mīɛ̄l, po̍ Sɔ̍lu̍i̍si̍a̍dāī wo̍, o̍ wa̍ yu̍ŋgu̍ Si̍mīɔ̄ŋ ndo̍ bōlle̍ŋ ndo̍ ō yɔ̄ŋgū nyɔ̄ɔ̍ŋ ŋ̍ ndɔ̍ŋ.

³⁷Nyɛ̄m o̍ yɔ̍ŋgu̍ wo̍ŋ mu̍ŋ cho̍ mu᷅ŋ ni̍. Hɛ̄ŋgɛ̍i̍ ka̍ni̍i̍ hu̍mbōo̍, ō wa̍ pa᷅ŋnda̍ŋ lā yāa̍, a̍ tɛ̄ndāa̍ tɛ̄ɛ̄ŋ, a̍ hɛ̄ŋgɛ̍i̍ ka̍ni̍i̍ hu̍mbōo̍ ō pīlɔ̍ɔ̍, ndu̍ wa̍ sɔ̍ŋgɔ̍ pa᷅ŋnda̍ŋ lā tīɔ̍ɔ̍ŋ. Ndu̍yɛ̍ sēke̍lēi̍ wāŋ bɛ̄ndūa̍a̍ I̍sɔ̄lūɛ̄ī a̍ chɛ̍la᷅ŋ chōo̍ le̍ lūsu̍l nyɔ̄ɔ̍ŋ sīnāa̍ wo̍, o̍ sēke̍lēi̍ ko̍ŋ chōo̍ nda̍ hāndu̍ hɛ̄ŋgɛ̍i̍la̍ŋ ndāŋ ni̍ le̍ lūsu̍l ndɔ̄ɔ̍ sīnāa̍. Ndu̍yɛ̍ hɛ̄ŋgɛ̍i̍la̍ŋ ndāŋ o̍ kɛ᷅ o̍ kɛ᷅ kōlō to̍o̍sīāā bēe̍dīi̍yo̍ ō kɛ̄ndɛ̄ kɛ̍ndɔ̄ɔ̍, ō nda̍ līnda̍ a̍ chūɛ̄īmā ɔ̄li̍fīi̍ya̍ŋ ndo̍ ō wa̍ lēni᷄ŋ o̍ pi̍a̍ā cha̍. Kōlō ko̍ŋ ndu̍ wa̍ le̍ sa̍lā tɔ̄lɔ̄ɔ̄ ku̍llo̍ ni̍.

³⁸O̍ ko̍ŋ kɔ̍ɔ̍lī, mbo̍ yɔ̄ŋgu̍ vɛ̄lɛ̄ hɛ̄ŋgɛ̍i̍ pɔ̍mbɔ̄ īko̍o̍līi̍yo̍, ndu̍ o̍o̍ wa᷅ lu̍su̍llo̍ pa᷅ŋndo̍ nyɛ̄ pɔ̄mbɔ̄, a̍ nyɛ̄m chūŋ kɛ̄ndɔ᷄ŋ lēni᷄ŋ ŋ̍ pi̍a̍ā,

³⁹a̍ nāū tōōyē fɔ̍ŋndɔ̍ɔ̍, a̍ sāā ko̍ndo̍o̍, a̍ sāā ko̍ndo̍ fɔ̍ŋndɔ̍ chi̍i̍ wɔ̄sīo̍o̍ ō pīlɛ̍ wo̍, le̍ sa̍lā lūāmāa̍ sōlīo̍o̍,

⁴⁰a̍ chūīŋ tōōyōo̍ le̍ sa̍la̍ fa̍ŋā yɔ̄ŋ wɔ̄ɔ̍ŋndo̍ wo̍ sōlīo̍o̍,

⁴¹a̍ nāūwāā tōōyīa̍a̍ ā ŋīɔ̍ɔ̍ŋ, a̍ sāa̍ ko̍ndu̍a̍a̍ ā ŋūɛ̍ɛ̍nu̍, a̍ chūīŋāā tōōyīa̍a̍ ā ŋūɛ̍ɛ̍nu̍, o̍ ko̍ŋ kɔ̍ɔ̍lī, a̍ sāā ko̍ndu̍a̍a̍ fɔ̍ŋndu̍a̍a̍, a̍ chi̍i̍ wɔ̄sīo̍o̍ ō pīlɛ̍ wa̍ ā ŋūɛ̍ɛ̍nu̍, le̍ sa̍lā kɔ̄l nyūlōo̍ sōlīo̍o̍. Nyɛ̄m Si̍ɛ̍lu̍mīɛ̄l, po̍ Sɔ̍lu̍i̍si̍a̍dāī wo̍, ō yɔ̄ŋgu̍ ki̍nɛ̍i̍ yo̍ŋ, mu̍ŋ wa̍ mu̍ŋ ni̍.

⁴²O̍ pāa̍le̍ ŋɔ̍mpu᷅m nde̍ŋ chōo̍ mi̍ Ɛ̄li̍a̍a̍sa̍fī, po̍ Du̍wɛ̄l wo̍, o̍ wa̍ yu̍ŋgu̍ Ka̍a̍dī wo̍ bōlle̍ŋ ndo̍ ō yɔ̄ŋgū nyɔ̄ɔ̍ŋ ŋ̍ ndɔ̍ŋ.

⁴³Nyɛ̄m o̍ yɔ̍ŋgu̍ wo̍ŋ mu̍ŋ cho̍ mu᷅ŋ ni̍. Hɛ̄ŋgɛ̍i̍ ka̍ni̍i̍ hu̍mbōo̍, ō wa̍ pa᷅ŋnda̍ŋ lā yāa̍, a̍ tɛ̄ndāa̍ tɛ̄ɛ̄ŋ, a̍ hɛ̄ŋgɛ̍i̍ ka̍ni̍i̍ hu̍mbōo̍ ō pīlɔ̍ɔ̍, ndu̍ wa̍ sɔ̍ŋgɔ̍ pa᷅ŋnda̍ŋ lā tīɔ̍ɔ̍ŋ. Ndu̍yɛ̍ sēke̍lēi̍ wāŋ bɛ̄ndūa̍a̍ I̍sɔ̄lūɛ̄ī a̍ chɛ̍la᷅ŋ chōo̍ le̍ lūsu̍l nyɔ̄ɔ̍ŋ sīnāa̍ wo̍, o̍ sēke̍lēi̍ ko̍ŋ chōo̍ nda̍ hāndu̍ hɛ̄ŋgɛ̍i̍la̍ŋ ndāŋ ni̍ le̍ lūsu̍l ndɔ̄ɔ̍ sīnāa̍. Ndu̍yɛ̍ hɛ̄ŋgɛ̍i̍la̍ŋ ndāŋ o̍ kɛ᷅ o̍ kɛ᷅ kōlō to̍o̍sīāā bēe̍dīi̍yo̍ ō kɛ̄ndɛ̄ kɛ̍ndɔ̄ɔ̍, ō nda̍ līnda̍ a̍ chūɛ̄īmā ɔ̄li̍fīi̍ya̍ŋ ndo̍ ō wa̍ lēni᷄ŋ o̍ pi̍a̍ā cha̍. Kōlō ko̍ŋ ndu̍ wa̍ sa̍lā tɔ̄lɔ̄ɔ̄ ku̍llo̍ ni̍.

⁴⁴O̍ ko̍ŋ kɔ̍ɔ̍lī, mbo̍ yɔ̄ŋgu̍ vɛ̄lɛ̄ hɛ̄ŋgɛ̍i̍ pɔ̍mbɔ̄ īko̍o̍līi̍yo̍, ndu̍ o̍o̍ wa᷅ lu̍su̍llo̍ pa᷅ŋndo̍ nyɛ̄ pɔ̄mbɔ̄, a̍ nyɛ̄m chūŋ kɛ̄ndɔ᷄ŋ lēni᷄ŋ ŋ̍ pi̍a̍ā,

⁴⁵a̍ nāū tōōyē fɔ̍ŋndɔ̍ɔ̍, a̍ sāā ko̍ndo̍o̍, a̍ sāā ko̍ndo̍ fɔ̍ŋndɔ̍ chi̍i̍ wɔ̄sīo̍o̍ ō pīlɛ̍ wo̍, le̍ sa̍lā lūāmāa̍ sōlīo̍o̍,

⁴⁶a̍ chūīŋ tōōyōo̍ le̍ sa̍la̍ fa̍ŋā yɔ̄ŋ wɔ̄ɔ̍ŋndo̍ wo̍ sōlīo̍o̍,

⁴⁷a̍ nāūwāā tōōyīa̍a̍ ā ŋīɔ̍ɔ̍ŋ, a̍ sāa̍ ko̍ndu̍a̍a̍ ā ŋūɛ̍ɛ̍nu̍, a̍ chūīŋāā tōōyīa̍a̍ ā ŋūɛ̍ɛ̍nu̍, o̍ ko̍ŋ kɔ̍ɔ̍lī, a̍ sāā ko̍ndu̍a̍a̍ fɔ̍ŋndu̍a̍a̍, a̍ chi̍i̍ wɔ̄sīo̍o̍ ō pīlɛ̍ wa̍ ā ŋūɛ̍ɛ̍nu̍, le̍ sa̍lā kɔ̄l nyūlōo̍ sōlīo̍o̍. Nyɛ̄m Ɛ̄li̍a̍a̍sa̍fī, po̍ Du̍wɛ̄l wo̍, ō yɔ̄ŋgu̍ ki̍nɛ̍i̍ yo̍ŋ, mu̍ŋ wa̍ mu̍ŋ ni̍.

⁴⁸O̍ pāa̍le̍ ŋɔ̍mmɛ̍ū le̍ŋ chōo̍, mi̍ Īlīsi̍a̍mā, po̍ Āmi̍hu̍dī wo̍, o̍ wa̍ yu̍ŋgu̍ E̍fi̍lūēmndo̍ bōlle̍ŋ ndo̍ ō yɔ̄ŋgū nyɔ̄ɔ̍ŋ ŋ̍ ndɔ̍ŋ.

⁴⁹Nyɛ̄m o̍ yɔ̍ŋgu̍ wo̍ŋ mu̍ŋ cho̍ mu᷅ŋ ni̍. Hɛ̄ŋgɛ̍i̍ ka̍ni̍i̍ hu̍mbōo̍, ō wa̍ pa᷅ŋnda̍ŋ lā yāa̍, a̍ tɛ̄ndāa̍ tɛ̄ɛ̄ŋ, a̍ hɛ̄ŋgɛ̍i̍ ka̍ni̍i̍ hu̍mbōo̍ ō pīlɔ̍ɔ̍, ndu̍ wa̍ sɔ̍ŋgɔ̍ pa᷅ŋnda̍ŋ lā tīɔ̍ɔ̍ŋ. Ndu̍yɛ̍ sēke̍lēi̍ wāŋ bɛ̄ndūa̍a̍ I̍sɔ̄lūɛ̄ī a̍ chɛ̍la᷅ŋ chōo̍ le̍ lūsu̍l nyɔ̄ɔ̍ŋ sīnāa̍ wo̍, o̍ sēke̍lēi̍ ko̍ŋ chōo̍ nda̍ hāndu̍ hɛ̄ŋgɛ̍i̍la̍ŋ ndāŋ ni̍ le̍ lūsu̍l ndɔ̄ɔ̍ sīnāa̍. Ndu̍yɛ̍ hɛ̄ŋgɛ̍i̍la̍ŋ ndāŋ o̍ kɛ᷅ o̍ kɛ᷅ kōlō to̍o̍sīāā bēe̍dīi̍yo̍ ō kɛ̄ndɛ̄ kɛ̍ndɔ̄ɔ̍, ō nda̍ līnda̍ a̍ chūɛ̄īmā ɔ̄li̍fīi̍ya̍ŋ ndo̍ ō wa̍ lēni᷄ŋ o̍ pi̍a̍ā cha̍. Kōlō ko̍ŋ ndu̍ wa̍ sa̍lā tɔ̄lɔ̄ɔ̄ ku̍llo̍ ni̍.

⁵⁰O̍ ko̍ŋ kɔ̍ɔ̍lī, mbo̍ yɔ̄ŋgu̍ vɛ̄lɛ̄ hɛ̄ŋgɛ̍i̍ pɔ̍mbɔ̄ īko̍o̍līi̍yo̍, ndu̍ o̍o̍ wa᷅ lu̍su̍llo̍ pa᷅ŋndo̍ nyɛ̄ pɔ̄mbɔ̄, a̍ nyɛ̄m chūŋ kɛ̄ndɔ᷄ŋ lēni᷄ŋ ŋ̍ pi̍a̍ā,

⁵¹a̍ nāū tōōyē fɔ̍ŋndɔ̍ɔ̍, a̍ sāā ko̍ndo̍o̍, a̍ sāā ko̍ndo̍ fɔ̍ŋndɔ̍ chi̍i̍ wɔ̄sīo̍o̍ ō pīlɛ̍ wa̍, le̍ sa̍lā lūāmāa̍ sōlīo̍o̍,

⁵²a̍ chūīŋ tōōyōo̍ le̍ sa̍la̍ fa̍ŋā yɔ̄ŋ wɔ̄ɔ̍ŋndo̍ wo̍ sōlīo̍o̍,

⁵³a̍ nāūwāā tōōyīa̍a̍ ā ŋīɔ̍ɔ̍ŋ, a̍ sāa̍ ko̍ndu̍a̍a̍ ā ŋūɛ̍ɛ̍nu̍, a̍ chūīŋāā tōōyīa̍a̍ ā ŋūɛ̍ɛ̍nu̍, o̍ ko̍ŋ kɔ̍ɔ̍lī, a̍ sāā ko̍ndu̍a̍a̍ fɔ̍ŋndu̍a̍a̍, a̍ chi̍i̍ wɔ̄sīo̍o̍ ō pīlɛ̍ wa̍ ā ŋūɛ̍ɛ̍nu̍, le̍ sa̍lā kɔ̄l nyūlōo̍ sōlīo̍o̍. Nyɛ̄m Īlīsi̍a̍mā, po̍ Āmi̍hu̍dī wo̍, ō yɔ̄ŋgu̍ ki̍nɛ̍i̍ yo̍ŋ, mu̍ŋ wa̍ mu̍ŋ ni̍.

⁵⁴O̍ pāa̍le̍ ŋɔ̄ma̍a̍ le̍ŋ chōo̍, mi̍ Ka̍ma̍līɛ̄l, po̍ Pɛ̄da̍a̍sɔ̄ wo̍, o̍ wa̍ yu̍ŋgu̍ Mānāa̍sē wo̍ bōlle̍ŋ ndo̍, ō yɔ̄ŋgū nyɔ̄ɔ̍ŋ ŋ̍ ndɔ̍ŋ.

⁵⁵Nyɛ̄m o̍ yɔ̍ŋgu̍ wo̍ŋ mu̍ŋ cho̍ mu᷅ŋ ni̍. Hɛ̄ŋgɛ̍i̍ ka̍ni̍i̍ hu̍mbōo̍, ō wa̍ pa᷅ŋnda̍ŋ lā yāa̍, a̍ tɛ̄ndāa̍ tɛ̄ɛ̄ŋ, a̍ hɛ̄ŋgɛ̍i̍ ka̍ni̍i̍ hu̍mbōo̍ ō pīlɔ̍ɔ̍, ndu̍ wa̍ sɔ̍ŋgɔ̍ pa᷅ŋnda̍ŋ lā tīɔ̍ɔ̍ŋ. Ndu̍yɛ̍ sēke̍lēi̍ wāŋ bɛ̄ndūa̍a̍ I̍sɔ̄lūɛ̄ī a̍ chɛ̍la᷅ŋ chōo̍ le̍ lūsu̍l nyɔ̄ɔ̍ŋ sīnāa̍ wo̍, o̍ sēke̍lēi̍ ko̍ŋ chōo̍ nda̍ hāndu̍ hɛ̄ŋgɛ̍i̍la̍ŋ ndāŋ ni̍ le̍ lūsu̍l ndɔ̄ɔ̍ sīnāa̍. Ndu̍yɛ̍ hɛ̄ŋgɛ̍i̍la̍ŋ ndāŋ o̍ kɛ᷅ o̍ kɛ᷅ kōlō to̍o̍sīāā bēe̍dīi̍yo̍ ō kɛ̄ndɛ̄ kɛ̍ndɔ̄ɔ̍, ō nda̍ līnda̍ a̍ chūɛ̄īmā ɔ̄li̍fīi̍ya̍ŋ ndo̍ ō wa̍ lēni᷄ŋ o̍ pi̍a̍ā cha̍. Kōlō ko̍ŋ ndu̍ wa̍ sa̍lā tɔ̄lɔ̄ɔ̄ ku̍llo̍ ni̍.

⁵⁶O̍ ko̍ŋ kɔ̍ɔ̍lī, mbo̍ yɔ̄ŋgu̍ vɛ̄lɛ̄ hɛ̄ŋgɛ̍i̍ pɔ̍mbɔ̄ īko̍o̍līi̍yo̍, ndu̍ o̍o̍ wa᷅ lu̍su̍llo̍ pa᷅ŋndo̍ nyɛ̄ pɔ̄mbɔ̄ a̍ nyɛ̄m chūŋ kɛ̄ndɔ᷄ŋ lēni᷄ŋ ŋ̍ pi̍a̍ā,

⁵⁷a̍ nāū tōōyē fɔ̍ŋndɔ̍ɔ̍, a̍ sāā ko̍ndo̍o̍, a̍ sāā ko̍ndo̍ fɔ̍ŋndɔ̍ chi̍i̍ wɔ̄sīo̍o̍ ō pīlɛ̍ wo̍, le̍ sa̍lā lūāmāa̍ sōlīo̍o̍,

⁵⁸a̍ chūīŋ tōōyōo̍ le̍ sa̍la̍ fa̍ŋā yɔ̄ŋ wɔ̄ɔ̍ŋndo̍ wo̍ sōlīo̍o̍,

⁵⁹a̍ nāūwāā tōōyīa̍a̍ ā ŋīɔ̍ɔ̍ŋ, a̍ sāa̍ ko̍ndu̍a̍a̍ ā ŋūɛ̍ɛ̍nu̍, a̍ chūīŋāā tōōyīa̍a̍ ā ŋūɛ̍ɛ̍nu̍, o̍ ko̍ŋ kɔ̍ɔ̍lī, a̍ sāā ko̍ndu̍a̍a̍ fɔ̍ŋndu̍a̍a̍, a̍ chi̍i̍ wɔ̄sīo̍o̍ ō pīlɛ̍ wa̍ ā ŋūɛ̍ɛ̍nu̍, le̍ sa̍lā kɔ̄l nyūlōo̍ sōlīo̍o̍. Nyɛ̄m Ka̍ma̍līɛ̄l, po̍ Pɛ̄da̍a̍sɔ̄ wo̍, ō yɔ̄ŋgu̍ ki̍nɛ̍i̍ yo̍ŋ, mu̍ŋ wa̍ mu̍ŋ ni̍.

⁶⁰O̍ pāa̍le̍ ŋɔ̍ma̍hīɔ̍ɔ̍lu̍ le̍ŋ chōo̍, mi̍ A̍bi̍dāŋ, po̍ Ki̍di̍ɔ̍nī wo̍, o̍ wa̍ yu̍ŋgu̍ Bɛ̍ŋnja̍mīŋ ndo̍ bōlle̍ŋ ndo̍, mbo̍ yɔ̄ŋgū yɔ̄ɔ̍ŋ ŋ̍ ndɔ̍ŋ.

⁶¹Nyɛ̄m o̍ yɔ̍ŋgu̍ wo̍ŋ mu̍ŋ cho̍ mu᷅ŋ ni̍. Hɛ̄ŋgɛ̍i̍ ka̍ni̍i̍ hu̍mbōo̍, ō wa̍ pa᷅ŋnda̍ŋ lā yāa̍, a̍ tɛ̄ndāa̍ tɛ̄ɛ̄ŋ, a̍ hɛ̄ŋgɛ̍i̍ ka̍ni̍i̍ hu̍mbōo̍ ō pīlɔ̍ɔ̍, ndu̍ wa̍ sɔ̍ŋgɔ̍ pa᷅ŋnda̍ŋ lā tīɔ̍ɔ̍ŋ. Ndu̍yɛ̍ sēke̍lēi̍ wāŋ bɛ̄ndūa̍a̍ I̍sɔ̄lūɛ̄ī a̍ chɛ̍la᷅ŋ chōo̍ le̍ lūsu̍l nyɔ̄ɔ̍ŋ sīnāa̍ wo̍, o̍ sēke̍lēi̍ ko̍ŋ chōo̍ nda̍ hāndu̍ hɛ̄ŋgɛ̍i̍la̍ŋ ndāŋ ni̍ le̍ lūsu̍l ndɔ̄ɔ̍ sīnāa̍. Ndu̍yɛ̍ hɛ̄ŋgɛ̍i̍la̍ŋ ndāŋ o̍ kɛ᷅ o̍ kɛ᷅ kōlō to̍o̍sīāā bēe̍dīi̍yo̍ ō kɛ̄ndɛ̄ kɛ̍ndɔ̄ɔ̍, ō nda̍ līnda̍ a̍ chūɛ̄īmā ɔ̄li̍fīi̍ya̍ŋ ndo̍ ō wa̍ lēni᷄ŋ o̍ pi̍a̍ā cha̍. Kōlō ko̍ŋ ndu̍ wa̍ sa̍lā tɔ̄lɔ̄ɔ̄ ku̍llo̍ ni̍.

⁶²O̍ ko̍ŋ kɔ̍ɔ̍lī, mbo̍ yɔ̄ŋgu̍ vɛ̄lɛ̄ hɛ̄ŋgɛ̍i̍ pɔ̍mbɔ̄ īko̍o̍līi̍yo̍, ndu̍ o̍o̍ wa᷅ lu̍su̍llo̍ pa᷅ŋndo̍ nyɛ̄ pɔ̄mbɔ̄ a̍ nyɛ̄m chūŋ kɛ̄ndɔ᷄ŋ lēni᷄ŋ ŋ̍ pi̍a̍ā,

⁶³a̍ nāū tōōyē fɔ̍ŋndɔ̍ɔ̍, a̍ sāā ko̍ndo̍o̍, a̍ sāā ko̍ndo̍ fɔ̍ŋndɔ̍ chi̍i̍ wɔ̄sīo̍o̍ ō pīlɛ̍ wo̍, le̍ sa̍lā lūāmāa̍ sōlīo̍o̍,

⁶⁴a̍ chūīŋ tōōyōo̍ le̍ sa̍la̍ fa̍ŋā yɔ̄ŋ wɔ̄ɔ̍ŋndo̍ wo̍ sōlīo̍o̍,

⁶⁵a̍ nāūwāā tōōyīa̍a̍ ā ŋīɔ̍ɔ̍ŋ, a̍ sāa̍ ko̍ndu̍a̍a̍ ā ŋūɛ̍ɛ̍nu̍, a̍ chūīŋāā tōōyīa̍a̍ ā ŋūɛ̍ɛ̍nu̍, o̍ ko̍ŋ kɔ̍ɔ̍lī, a̍ sāā ko̍ndu̍a̍a̍ fɔ̍ŋndu̍a̍a̍, a̍ chi̍i̍ wɔ̄sīo̍o̍ ō pīlɛ̍ wa̍ ā ŋūɛ̍ɛ̍nu̍, le̍ sa̍lā kɔ̄l nyūlōo̍ sōlīo̍o̍. Nyɛ̄m A̍bi̍dāŋ, po̍ Ki̍di̍ɔ̍nī wo̍, ō yɔ̄ŋgu̍ ki̍nɛ̍i̍ yo̍ŋ, mu̍ŋ wa̍ mu̍ŋ ni̍.

⁶⁶O̍ pāa̍le̍ tɔ̍ le̍ŋ chōo̍, mi̍ Āhi̍sāā, po̍ Āmi̍si̍a̍dāī wo̍, o̍ wa̍ yu̍ŋgu̍ Da᷅ŋ ndo̍ bōlle̍ŋ ndo̍, ō yɔ̄ŋgū nyɔ̄ɔ̍ŋ ŋ̍ ndɔ̍ŋ.

⁶⁷Nyɛ̄m o̍ yɔ̍ŋgu̍ wo̍ŋ mu̍ŋ cho̍ mu᷅ŋ ni̍. Hɛ̄ŋgɛ̍i̍ ka̍ni̍i̍ hu̍mbōo̍, ō wa̍ pa᷅ŋnda̍ŋ lā yāa̍, a̍ tɛ̄ndāa̍ tɛ̄ɛ̄ŋ, a̍ hɛ̄ŋgɛ̍i̍ ka̍ni̍i̍ hu̍mbōo̍ ō pīlɔ̍ɔ̍, ndu̍ wa̍ sɔ̍ŋgɔ̍ pa᷅ŋnda̍ŋ lā tīɔ̍ɔ̍ŋ. Ndu̍yɛ̍ sēke̍lēi̍ wāŋ bɛ̄ndūa̍a̍ I̍sɔ̄lūɛ̄ī a̍ chɛ̍la᷅ŋ chōo̍ le̍ lūsu̍l nyɔ̄ɔ̍ŋ sīnāa̍ wo̍, o̍ sēke̍lēi̍ ko̍ŋ chōo̍ nda̍ hāndu̍ hɛ̄ŋgɛ̍i̍la̍ŋ ndāŋ ni̍ le̍ lūsu̍l ndɔ̄ɔ̍ sīnāa̍. Ndu̍yɛ̍ hɛ̄ŋgɛ̍i̍la̍ŋ ndāŋ o̍ kɛ᷅ o̍ kɛ᷅ kōlō to̍o̍sīāā bēe̍dīi̍yo̍ ō kɛ̄ndɛ̄ kɛ̍ndɔ̄ɔ̍, ō nda̍ līnda̍ a̍ chūɛ̄īmā ɔ̄li̍fīi̍ya̍ŋ ndo̍ ō wa̍ lēni᷄ŋ o̍ pi̍a̍ā cha̍. Kōlō ko̍ŋ ndu̍ wa̍ sa̍lā tɔ̄lɔ̄ɔ̄ ku̍llo̍ ni̍.

⁶⁸O̍ ko̍ŋ kɔ̍ɔ̍lī, mbo̍ yɔ̄ŋgu̍ vɛ̄lɛ̄ hɛ̄ŋgɛ̍i̍ pɔ̍mbɔ̄ īko̍o̍līi̍yo̍, ndu̍ o̍o̍ wa᷅ lu̍su̍llo̍ pa᷅ŋndo̍ nyɛ̄ pɔ̄mbɔ̄ a̍ nyɛ̄m chūŋ kɛ̄ndɔ᷄ŋ lēni᷄ŋ ŋ̍ pi̍a̍ā,

⁶⁹a̍ nāū tōōyē fɔ̍ŋndɔ̍ɔ̍, a̍ sāā ko̍ndo̍o̍, a̍ sāā ko̍ndo̍ fɔ̍ŋndɔ̍ chi̍i̍ wɔ̄sīo̍o̍ ō pīlɛ̍ wo̍, le̍ sa̍lā lūāmāa̍ sōlīo̍o̍,

⁷⁰a̍ chūīŋ tōōyōo̍ le̍ sa̍la̍ fa̍ŋā yɔ̄ŋ wɔ̄ɔ̍ŋndo̍ wo̍ sōlīo̍o̍,

⁷¹a̍ nāūwāā tōōyīa̍a̍ ā ŋīɔ̍ɔ̍ŋ, a̍ sāa̍ ko̍ndu̍a̍a̍ ā ŋūɛ̍ɛ̍nu̍, a̍ chūīŋāā tōōyīa̍a̍ ā ŋūɛ̍ɛ̍nu̍, o̍ ko̍ŋ kɔ̍ɔ̍lī, a̍ sāā ko̍ndu̍a̍a̍ fɔ̍ŋndu̍a̍a̍, a̍ chi̍i̍ wɔ̄sīo̍o̍ ō pīlɛ̍ wa̍ ā ŋūɛ̍ɛ̍nu̍, le̍ sa̍lā kɔ̄l nyūlōo̍ sōlīo̍o̍. Nyɛ̄m Āhi̍sāā, po̍ Āmi̍si̍a̍dāī wo̍, ō yɔ̄ŋgu̍ ki̍nɛ̍i̍ yo̍ŋ, mu̍ŋ wa̍ mu̍ŋ ni̍.

⁷²O̍ pāa̍le̍ tɔ̍ a̍ lē pīlɛ̍ le̍ŋ chōo̍, mi̍ Pa̍kīɛ̄l, po̍ O̍chi̍lūāŋ ndo̍, o̍ wa̍ yu̍ŋgu̍ A̍sīɛ̄ɛ̄ wo̍ bōlle̍ŋ ndo̍, ō yɔ̄ŋgū nyɔ̄ɔ̍ŋ ŋ̍ ndɔ̍ŋ.

⁷³Nyɛ̄m o̍ yɔ̍ŋgu̍ wo̍ŋ mu̍ŋ cho̍ mu᷅ŋ ni̍. Hɛ̄ŋgɛ̍i̍ ka̍ni̍i̍ hu̍mbōo̍, ō wa̍ pa᷅ŋnda̍ŋ lā yāa̍, a̍ tɛ̄ndāa̍ tɛ̄ɛ̄ŋ, a̍ hɛ̄ŋgɛ̍i̍ ka̍ni̍i̍ hu̍mbōo̍ ō pīlɔ̍ɔ̍, ndu̍ wa̍ sɔ̍ŋgɔ̍ pa᷅ŋnda̍ŋ lā tīɔ̍ɔ̍ŋ. Ndu̍yɛ̍ sēke̍lēi̍ wāŋ bɛ̄ndūa̍a̍ I̍sɔ̄lūɛ̄ī a̍ chɛ̍la᷅ŋ chōo̍ le̍ lūsu̍l nyɔ̄ɔ̍ŋ sīnāa̍ wo̍, o̍ sēke̍lēi̍ ko̍ŋ chōo̍ nda̍ hāndu̍ hɛ̄ŋgɛ̍i̍la̍ŋ ndāŋ ni̍ le̍ lūsu̍l ndɔ̄ɔ̍ sīnāa̍. Ndu̍yɛ̍ hɛ̄ŋgɛ̍i̍la̍ŋ ndāŋ o̍ kɛ᷅ o̍ kɛ᷅ kōlō to̍o̍sīāā bēe̍dīi̍yo̍ ō kɛ̄ndɛ̄ kɛ̍ndɔ̄ɔ̍, ō nda̍ līnda̍ a̍ chūɛ̄īmā ɔ̄li̍fīi̍ya̍ŋ ndo̍ ō wa̍ lēni᷄ŋ o̍ pi̍a̍ā cha̍. Kōlō ko̍ŋ ndu̍ wa̍ sa̍lā tɔ̄lɔ̄ɔ̄ ku̍llo̍ ni̍.

⁷⁴O̍ ko̍ŋ kɔ̍ɔ̍lī, mbo̍ yɔ̄ŋgu̍ vɛ̄lɛ̄ hɛ̄ŋgɛ̍i̍ īko̍o̍līi̍yo̍, ndu̍ o̍o̍ wa᷅ lu̍su̍llo̍ pa᷅ŋndo̍ nyɛ̄ pɔ̄mbɔ̄ a̍ nyɛ̄m chūŋ kɛ̄ndɔ᷄ŋ ŋ̄ pi̍a̍ā lēni᷄ŋ cha̍,

⁷⁵a̍ nāū tōōyē fɔ̍ŋndɔ̍ɔ̍, a̍ sāā ko̍ndo̍o̍, a̍ sāā ko̍ndo̍ fɔ̍ŋndɔ̍ chi̍i̍ wɔ̄sīo̍o̍ ō pīlɛ̍ wo̍, le̍ sa̍lā lūāmāa̍ sōlīo̍o̍,

⁷⁶a̍ chūīŋ tōōyōo̍ le̍ sa̍la̍ fa̍ŋā yɔ̄ŋ wɔ̄ɔ̍ŋndo̍ wo̍ sōlīo̍o̍,

⁷⁷a̍ nāūwāā tōōyīa̍a̍ ā ŋīɔ̍ɔ̍ŋ, a̍ sāa̍ ko̍ndu̍a̍a̍ ā ŋūɛ̍ɛ̍nu̍, a̍ chūīŋāā tōōyīa̍a̍ ā ŋūɛ̍ɛ̍nu̍, o̍ ko̍ŋ kɔ̍ɔ̍lī, a̍ sāā ko̍ndu̍a̍a̍ fɔ̍ŋndu̍a̍a̍, a̍ chi̍i̍ wɔ̄sīo̍o̍ ō pīlɛ̍ wa̍ ā ŋūɛ̍ɛ̍nu̍, le̍ sa̍lā kɔ̄l nyūlōo̍ sōlīo̍o̍. Nyɛ̄m Pa̍kīɛ̄l, po̍ O̍chi̍lūāŋ ndo̍, ō yɔ̄ŋgu̍ ki̍nɛ̍i̍ yo̍ŋ, mu̍ŋ wa̍ mu̍ŋ ni̍.

⁷⁸O̍ pāa̍le̍ tɔ̍ a̍ lē dīi̍ŋ ndɔ̄le̍ŋ chōo̍, mi̍ A̍hi̍lūā, po̍ Ɛ̍nāŋ ndo̍, o̍ wa̍ yu̍ŋgu̍ Nāfi̍ta̍lī yo̍ bōlle̍ŋ ndo̍, ō yɔ̄ŋgū nyɔ̄ɔ̍ŋ ŋ̍ ndɔ̍ŋ.

⁷⁹Nyɛ̄m o̍ yɔ̍ŋgu̍ wo̍ŋ mu̍ŋ cho̍ mu᷅ŋ ni̍. Hɛ̄ŋgɛ̍i̍ ka̍ni̍i̍ hu̍mbōo̍, ō wa̍ pa᷅ŋnda̍ŋ lā yāa̍, a̍ tɛ̄ndāa̍ tɛ̄ɛ̄ŋ, a̍ hɛ̄ŋgɛ̍i̍ ka̍ni̍i̍ hu̍mbōo̍ ō pīlɔ̍ɔ̍, ndu̍ wa̍ sɔ̍ŋgɔ̍ pa᷅ŋnda̍ŋ lā tīɔ̍ɔ̍ŋ. Ndu̍yɛ̍ sēke̍lēi̍ wāŋ bɛ̄ndūa̍a̍ I̍sɔ̄lūɛ̄ī a̍ chɛ̍la᷅ŋ chōo̍ le̍ lūsu̍l nyɔ̄ɔ̍ŋ sīnāa̍ wo̍, o̍ sēke̍lēi̍ ko̍ŋ chōo̍ nda̍ hāndu̍ hɛ̄ŋgɛ̍i̍la̍ŋ ndāŋ ni̍ le̍ lūsu̍l ndɔ̄ɔ̍ sīnāa̍. Ndu̍yɛ̍ hɛ̄ŋgɛ̍i̍la̍ŋ ndāŋ o̍ kɛ᷅ o̍ kɛ᷅ kōlō to̍o̍sīāā bēe̍dīi̍yo̍ ō kɛ̄ndɛ̄ kɛ̍ndɔ̄ɔ̍, ō nda̍ līnda̍ a̍ chūɛ̄īmā ɔ̄li̍fīi̍ya̍ŋ ndo̍ ō wa̍ lēni᷄ŋ o̍ pi̍a̍ā cha̍. Kōlō ko̍ŋ ndu̍ wa̍ sa̍lā tɔ̄lɔ̄ɔ̄ ku̍llo̍ ni̍.

⁸⁰O̍ ko̍ŋ kɔ̍ɔ̍lī, mbo̍ yɔ̄ŋgu̍ vɛ̄lɛ̄ hɛ̄ŋgɛ̍i̍ īko̍o̍līi̍yo̍, ndu̍ o̍o̍ wa᷅ lu̍su̍llo̍ pa᷅ŋndo̍ nyɛ̄ pɔ̄mbɔ̄ a̍ nyɛ̄m chūŋ kɛ̄ndɔ᷄ŋ ŋ̄ pi̍a̍ā lēni᷄ŋ cha̍,

⁸¹a̍ nāū tōōyē fɔ̍ŋndɔ̍ɔ̍, a̍ sāā ko̍ndo̍o̍, a̍ sāā ko̍ndo̍ fɔ̍ŋndɔ̍ chi̍i̍ wɔ̄sīo̍o̍ ō pīlɛ̍ wo̍, le̍ sa̍lā lūāmāa̍ sōlīo̍o̍,

⁸²a̍ chūīŋ tōōyōo̍ le̍ sa̍la̍ fa̍ŋā yɔ̄ŋ wɔ̄ɔ̍ŋndo̍ wo̍ sōlīo̍o̍,

⁸³a̍ nāūwāā tōōyīa̍a̍ ā ŋīɔ̍ɔ̍ŋ, a̍ sāa̍ ko̍ndu̍a̍a̍ ā ŋūɛ̍ɛ̍nu̍, a̍ chūīŋāā tōōyīa̍a̍ ā ŋūɛ̍ɛ̍nu̍, o̍ ko̍ŋ kɔ̍ɔ̍lī, a̍ sāā ko̍ndu̍a̍a̍ fɔ̍ŋndu̍a̍a̍, a̍ chi̍i̍ wɔ̄sīo̍o̍ ō pīlɛ̍ wa̍ ā ŋūɛ̍ɛ̍nu̍, le̍ sa̍lā kɔ̄l nyūlōo̍ sōlīo̍o̍. Nyɛ̄m Āhi̍lūā, po̍ Ɛ̍nāŋ ndo̍, ō yɔ̄ŋgu̍ ki̍nɛ̍i̍ yo̍ŋ, mu̍ŋ wa̍ mu̍ŋ ni̍.

⁸⁴Mɛ̄ɛ̍ nyɛ̄m wāŋ bɛ̄ndūa̍a̍ I̍sɔ̄lūɛ̄ī a̍ yɔ̍ŋgu̍ o̍ ma̍āŋndo̍ chūɛ̄īya̍ŋ fāsāŋāa̍ le̍ ndu̍ mālɔ̄ɔ̍ Mɛ̄lɛ̄ka̍ o̍ bā ki̍nɛ̍i̍ yo̍ŋ, mu̍ŋ cho̍ mu̍ŋ ni̍. Hɛ̄ŋgɛ̍i̍la̍ ka̍ni̍i̍ hu̍mbūlā nda̍ yɔ̄ŋgu̍ la̍ŋ, lā wa̍ fa̍ū fa̍ū, tɔ̍ a̍ lā tīɔ̍ɔ̍ŋ, a̍ hɛ̄ŋgɛ̍i̍la̍ ka̍ni̍i̍ hu̍mbūla̍ŋ lā pīlɛ̍ la̍ŋ, la̍ŋ bɛ̍ɛ̍ lā wa̍ tɔ̍ a̍ lā tīɔ̍ɔ̍ŋ, o̍ ko̍ŋ kɔ̍ɔ̍lī, a̍ hɛ̄ŋgɛ̍i̍la̍ pɔ̍mbɔ̄lā īko̍o̍līi̍la̍ŋ tɔ̍ a̍ lā tīɔ̍ɔ̍ŋ.

⁸⁵Hɛ̄ŋgɛ̍i̍la̍ ka̍ni̍i̍ hu̍mbūla̍ŋ nda᷅ŋ ō kɛ᷅ kɛ᷅, wa̍ pa᷅ŋnda̍ŋ lā yāa̍, a̍ tɛ̄ndāa̍ tɛ̄ɛ̄ŋ. Hɛ̄ŋgɛ̍i̍la̍ ka̍ni̍i̍ hu̍mbūla̍ŋ lā pīlɛ̍ la̍ŋ, ō kɛ᷅ kɛ᷅ ndu̍ wa̍ sɔ̍ŋgɔ̍ pa᷅ŋnda̍ŋ lā tīɔ̍ɔ̍ŋ. Mɛ̄ɛ̍ fa̍ū fa̍ū, nyɛ̄m lāāndu᷄ŋ wa̍ ŋ̄ tōōsīāā a̍ ka̍ni̍ŋ hu̍mbo̍ŋ ndo̍ŋ, ŋ̄ wa̍ lūsu̍llo̍ mu᷅ŋ hi̍o̍ū pa᷅ŋnda̍ŋ be̍le̍-ŋɔ̍mpu᷅m. Ndu̍yɛ̍ sēke̍lēi̍ wāŋ bɛ̄ndūa̍a̍ I̍sɔ̄lūɛ̄ī a̍ chɛ̍la᷅ŋ chōo̍ le̍ lūsu̍l nyɔ̄ɔ̍ŋ sīnāa̍ wo̍, lēchōo̍ nda̍ hāndu̍ hɛ̄ŋgɛ̍i̍la᷅ŋ ni̍, le̍ lūsu̍l ndɔ̄ɔ̍ sīnāa̍.

⁸⁶O̍ ko̍ŋ kɔ̍ɔ̍lī, hɛ̄ŋgɛ̍i̍la̍ pɔ̍mbɔ̄lā ŋ̄ko̍o̍līi̍la̍ nda̍ yɔ̄ŋgu̍ la̍ŋ, lā wa̍ tɔ̍ a̍ lā tīɔ̍ɔ̍ŋ, ō kɛ᷅ o̍ kɛ᷅ a̍ nyɛ̄m chūŋ kɛ̄ndɔ᷄ŋ lēni᷄ŋ ŋ̍ pi̍a̍ā cha̍. Hɛ̄ŋgɛ̍i̍la̍ŋ nda᷅ŋ, ō kɛ᷅ kɛ᷅ ndu̍ o̍o̍ wa᷅ lu̍su̍llo̍ pa᷅ŋndo̍ nyɛ̄ pɔ̄mbɔ̄, mɛ̄ɛ̍ fa̍ū fa̍ū hɛ̄ŋgɛ̍i̍la̍ŋ nda᷅ŋ lā wa̍ lūsu̍llo̍ le̍ pa᷅ŋnda̍ŋ lā yāa̍. Ndu̍yɛ̍ sēke̍lēi̍ wāŋ bɛ̄ndūa̍a̍ I̍sɔ̄lūɛ̄ī a̍ chɛ̍la᷅ŋ chōo̍ le̍ lūsu̍l nyɔ̄ɔ̍ŋ sīnāa̍ wo̍, lēchōo̍ nda̍ hāndu̍ hɛ̄ŋgɛ̍i̍la᷅ŋ ni̍, le̍ lūsu̍l ndɔ̄ɔ̍ sīnāa̍.

⁸⁷O̍ ko̍ŋ kɔ̍ɔ̍lī, chɔ̄lūāā nda̍ yɔ̄ŋgu̍ le̍ sa̍lā lūāmāa̍ sōlīo̍o̍ wa̍ nda̍ wa̍ ha̍ā ni̍. Nāūwāā tōōyīāā fɔ̍ŋndu̍a̍a̍ tɔ̍ a̍ ā ŋīɔ̍ɔ̍ŋ, a̍ sāa̍ ko̍ndu̍a̍a̍ tɔ̍ a̍ ā ŋīɔ̍ɔ̍ŋ, a̍ sāā ko̍ndu̍a̍a̍ fɔ̍ŋndu̍a̍a̍ a̍ chi̍i̍ wɔ̄sīo̍o̍ ō pīlɛ̍ wa̍ tɔ̍ a̍ ŋīɔ̍ɔ̍ŋ, lātūlu̍ a̍ sa̍lā tɔ̄lɔ̄ɔ̄ ku̍llo̍ o̍ wa̍ le̍ mɔ̄sɔ̄ŋāa̍ sōlīo̍o̍ a̍ chɔ̄lūāā kāŋ ndo̍. O̍ ko̍ŋ kɔ̍ɔ̍lī, chūīŋāā tōōyīāā nda̍ yɔ̄ŋgu̍ le̍ sa̍la̍ fa̍ŋā yɔ᷅ŋ wɔ̄ɔ̍ŋndo̍ wo̍ sōlīo̍o̍ wa̍, ā wa̍ tɔ̍ a̍ ā ŋīɔ̍ɔ̍ŋ.

⁸⁸Chɔ̄lūāā nda̍ yɔ̄ŋgu̍ le̍ sa̍lā kɔ̄l nyūlōo̍ sōlīo̍o̍ wa̍ nda̍ wa̍ ha̍ā ni̍. Nāūwāā tōōyīa̍a̍ bi̍di̍i̍ŋ a̍ ā hīɔ̍ɔ̍lu̍, a̍ sāā ko̍ndu̍a̍a̍ be̍le̍-ŋɔ̍mpu᷅m, a̍ chūīŋāā tōōyīa̍a̍ be̍le̍-ŋɔ̍mpu᷅m, a̍ sāā ko̍ndu̍a̍a̍ fɔ̍ŋndu̍a̍a̍ a̍ chi̍i̍ wɔ̄sīo̍o̍ o̍ pīlɛ̍ wa̍ be̍le̍-ŋɔ̍mpu᷅m. Mɛ̄ɛ̍ sa̍lāla̍ŋ nda᷅ŋ la̍ sōli̍ŋ ni̍, o̍ ma̍āŋndo̍ chūɛ̄īya̍ŋ fāsāŋāa̍ le̍ ndu̍ mālɔ̄ɔ̍ Mɛ̄lɛ̄ka̍ o̍ ba̍ ni̍.

⁸⁹Mɛ̄ɛ̍ Mūu̍sē o̍ lu̍ɛ̍ī o̍ tɛ̍ndīi̍ chɔ᷅m māā Mɛ̄lɛ̄ka̍ Ya̍a̍wɛ̄ɛ̄ chō a̍ nya̍ lātūlu̍ wo̍ ni᷄ŋ, le̍ mbō sōo̍ nāa̍ Mɛ̄lɛ̄ka̍ Ya̍a̍wɛ̄ɛ̄ chu̍a̍, mbo̍ tu̍ɛ̍ī dīōmndo̍ sūɛ̍i̍ nāa̍ ndu̍ chu̍a̍, fūlāa̍ o̍ kpe̍ŋgbe̍i̍ īnyīɛ̍ɛ̍yo̍, o̍ wa̍ o̍ nyāā lākūmba᷅ŋāā ŋīɔ̍ɔ̍ŋnda̍ tɛ̄ɛ̄ŋ, o̍ kūmbū kɔ̍fū kpe̍ma̍a̍ chōo̍ wo̍. Mi̍ Mɛ̄lɛ̄ka̍ Ya̍a̍wɛ̄ɛ̄ o̍ su̍a̍ā nāa̍ ndu̍ chu̍a̍.

Read Southern Kisi Nɔ̍mbāā 7 Bible Online

Nɔ̍mbāā 7 - Southern Kisi bible

Nɔ̍mbāā 7