Read Southern Kisi Māla̍kāī 4 Bible Online

Māla̍kāī 4 - Southern Kisi bible

Māla̍kāī 4

¹Mɛ̄lɛ̄ka̍ Ya̍a̍wɛ̄ɛ̍ nɔ̍ kpāāyāa̍ kpo̍u̍ wo̍ dīmi̍ āā, “Te̍le̍ŋndo̍ chō fūūlūū, te̍le̍ŋ wānāā yōŋgāā bɛ̍ndu̍a̍a̍, a̍ wānāā dɛ̍nɛ̍ wɔ̍ɔ̍ŋnda̍ ā ŋūā ni̍ŋ mɛ̄ɛ̍ bīl vēsɛ̍i̍yo̍ ō ŋūā nu̍a̍ā yɛ̍ wo̍. A̍ te̍le̍ŋ ko̍ŋ, nda̍ kpo̍u̍ ā chō hūnɔ̄ɔ̄ ŋɔ̄ se̍le̍me̍nde̍ŋ, wāŋndo̍ ō pīlɛ̍ bɛ̍ɛ̍ o̍ lo᷅ ni̍ŋ te̍.

²Kɛ̍ nya̍ ke̍ ya̍ bɛ̄ɛ̄le̍ŋ nda̍, kpāāya̍ nī ba̍ŋa̍ nya̍ ni̍ŋ ndo̍ ō wā ni̍ŋ nya̍ dīōndɔ̄ɔ̍ chōo̍ mɛ̄ɛ̍ pāa̍le̍ŋ lē dīāndū nu̍a̍ā yɛ̍, ndu̍yɛ̍ mbō sīŋgi̍ nya̍. Lā wā ni̍ŋ kɔ᷅la̍ŋ a̍ nya̍a̍lo̍o̍ mɛ̄ɛ̍ nāūwāā fɔ̍ŋndu̍a̍a̍ ā fūlā nu̍a̍ā o̍ kpākīo̍o̍ ni᷄ŋ mā wa̍ kɔ̄la̍ŋ a̍ hūūlōo̍ yɛ̍.

³O̍ pāa̍le̍ le̍ŋ chōo̍, pāa̍le̍ ya̍ I̍ to̍sā ni̍ŋ sɔ̍ɔ̍ŋ mu̍ŋ nde̍ŋ, lā kpāātīāā ni̍ŋ wa̍nāā dɛ̍nɛ̍ wɔ̍ɔ̍ŋnda̍, mɛ̄ɛ̍ wāŋnda̍ kpāātīāā nu̍a̍ā chu̍ndo̍o̍ lɛ̄ŋ yɛ̍. Ya̍ Mɛ̍lɛ̄ka̍ Ya̍a̍wɛ̄ɛ̍ nɔ̍ kpāāyāa̍ kpo̍u̍ wo̍ ya̍ so̍ō ni̍.

⁴“Lā lōōnu̍ŋ ndu̍yɛ̍ mī lā tōl pɛ̄ɛ̄kūlā ya̍ I̍ ke̍ bu̍ɛ̍ī nūu̍ Mūu̍sē o̍ Pēmbīī Sa̍a̍nāīve̍ chōo̍, a̍ sāwāla̍ nīla̍ŋ nda̍ kɔ̄ɔ̄lī, ndu̍yɛ̍ mī lā tōsa̍ a̍ nyɛ̄ o̍ nyɛ̄ ya̍ I̍ di̍mu̍l ndu̍ le̍ mī wāŋnda̍ I̍sɔ̄lūɛ̄ī a̍ to̍sa̍.

⁵“Lɔ̍ɔ̍pa̍ mī pāa̍le̍ kpāāyāle̍ bɛ̄ndūle̍ŋ lē fūūlu̍u̍, pāa̍le̍ kpūndɛ̍lē le̍ŋ, I̍ cho̍ nya̍ Īla̍a̍chā, wāna̍ su̍a̍ā le̍ Mɛ̄lɛ̄ka̍ wo̍ yɔ̄ŋ.

⁶Ndu̍yɛ̍ tē ō hīŋ pɛ̍, ō chō tōsā mī fi̍nyāa̍ mūli̍ kɔ̄lta̍ŋ o̍ chūāūwāā ndāa̍ lo̍, ndu̍yɛ̍ mī chūāūwa̍ mūli̍ kɔ̄lta̍ŋ o̍ fi̍nyāā ndāa̍ lo̍. Ko̍ŋ cho̍ tōsā ni̍, I̍ tɛ̍ɛ̍mbūū lɛ̍ lɛ̄ŋndē nyāle̍ŋ mɛ̄ɛ̍ ya̍ I̍ kɔ̍ŋgɔ̍la̍ŋ le̍ le̍ŋ tɛ̄ɛ̄mbūū wo̍ yɛ̍ le̍.”