Read Southern Kisi Chɔ̄ɔ̍sūāā 12 Bible Online

Chɔ̄ɔ̍sūāā 12 - Southern Kisi bible

Chɔ̄ɔ̍sūāā 12

¹Bōōndi̍i̍ Mūu̍sē wa̍ yōōmū ve̍, mbo̍ sīm I̍sɔ̄lūɛ̍i̍ya̍ lāchī ma̍ yām māsāā ŋi̍ɔ̍ɔ̍ŋ nda̍ o̍ Pīo̍o̍ Chɔ̍ɔ̍dāŋ le̍e̍lōo̍, bā pāa̍le̍ŋ lē chāŋ ndo̍, ndu̍yɛ̍ ma̍ bīī lɛ̄ŋndē ndāle̍ŋ kpo̍u̍. Būŋgɛ̄ī māsāā ŋi̍ɔ̍ɔ̍ŋ nda̍ ha̍ā ā wa̍ māsāa̍ chōo̍ ve̍ I̍ wa̍ he̍ī ni̍. Chɔ̍ŋ o̍ dɛ̍ŋgbɔ̍ɔ̍ A̍nɔ̄ŋ, mbo̍ kūā Chɔ̍ɔ̍dāŋ o̍ pēēlo̍ o̍ ko̍ŋ kɔ̍ɔ̍lī mbo̍ kūā pɔ̍ɔ̍li̍ ba᷅ lūāŋndo̍ o̍ Pēmbīī Ha̍mɔ̄ŋnde̍.

²Māsāā ŋi̍ɔ̍ɔ̍ŋāā kāŋ ō pīlɔ̍ɔ̍ wa̍ Si̍hɔ̄ŋ ni̍ o̍ wa̍ māsa̍ māA̍mɔ̍lu̍a̍i̍tīi̍nɔ̄ɔ̍ Hɛ̍si̍bɔ̄ŋ chi̍e̍e̍ wo̍. Ndu̍ wa̍ māsāa̍ le̍ lɛ̄ŋndē Ki̍li̍a̍a̍dīle̍ŋ kpēŋgēi̍ pīlɛ̍i̍ ni̍, chɔ̍ŋ A̍lo̍yā chi̍e̍e̍ o̍ cho̍ o̍ dɛ̍ŋgbɔ̍ɔ̍ A̍nɔ̄ŋ i̍kɛ̍i̍ yo̍, a̍ chɔ̍ŋ o̍ chi̍e̍e̍ cho̍ o̍ dɛ̍ŋgbɛ̍ kōŋ ni᷄ŋ ndo̍ mbo̍ kūā pɔ̍ɔ̍li̍ o̍ Pīo̍o̍ Cha̍bɔ̍kī, o̍ pɛ̄ŋgo̍o̍ a̍ wāŋnda̍ A̍mɔ᷅ŋ.

³Būŋgɛ̄ī ndūɛ̍i̍ o̍ wa̍ māsāa̍ chōo̍ ve̍ mī ī kūā a̍ dɛ̍ŋgbɛ̍ ho̍lnu̍ŋ Chɔ̍ɔ̍dāŋ nda̍ŋ ndo̍, bā pāa̍le̍ŋ lē chāŋ ndo̍ chɔ̍ŋ o̍ Mɛ̄ŋmā Ībūŋga᷄ŋ Kāli̍lī, mbo̍ kūā o̍ Pēe̍ Mɛ̄ŋmā Īhɛ᷄llo̍. Chɔ̍ŋ vɛ̍lɛ̄ Bɛ̍tī Chɛ̍su̍i̍mɔ̍tī chi̍e̍e̍ bā tōūwo̍ mbo̍ kūā o̍ Pēmbīī Pi̍si̍kāve̍ lāndɔ᷄ŋndo̍ būŋgɛ̄ī ndūɛ̍i̍ wa̍ ke̍ŋ ni̍.

⁴Māsāa̍ pīlɔ̍ɔ̍ wa̍ Ɔ̍kū ni̍ o̍ wa̍ o̍ būŋgɛ̄ī Ba̍a̍sīāŋnde̍ ni᷄ŋ ndo̍. Wānāa̍ fu̍la̍ o̍ pūlāle̍ Lu̍ɛ̍fēm nde̍ŋ chōo̍ mi̍ nda̍ a̍a̍ wa᷅ wɔ̄ yōōmū wa̍ ndu̍ wa̍ wāŋndo̍ ō pīlɛ̍. Chi̍e̍e̍ŋ ndɔ̍ŋ lēmāsa᷄ŋ o̍ wa̍ wo̍ŋ ŋ̍ wa̍ Āsi̍ta̍lɔ̍tī a̍ I̍du̍lūēī ni̍.

⁵Būŋgɛ̄ī o̍ wa̍ māsāa̍ chōo̍ ve̍ ndi̍ i̍i̍ nɔ̍ Pēmbīī Ha̍mɔ̄ŋnde̍ ni̍ a̍ Sa̍lɛ̍kāā chi̍e̍e̍ a̍ tāndā Ba̍a̍sīāŋndo̍ kpo̍u̍, mbo̍ kūā a̍ pɛ̄ŋgu̍la̍ būŋgɛ̄ī Kɛ̍sīɔ̄ɔ̄ve̍ a̍ būŋgɛ̄ī Ma̍a̍kāāve̍ bā pāa̍le̍ŋ lē chāŋ ndo̍. Ndu̍yɛ̍ vɛ̍lɛ̄ lɛ̄ŋndē Ki̍li̍a̍a̍dīle̍ŋ kpēŋgēi̍ pīlɛ̍i̍ ki̍nɛ̍i̍, mbo̍ kūā a̍ būŋgɛ̄ī māsāa̍ Si̍hɔ̄ŋ, o̍ wa̍ Hɛ̍si̍bɔ̄ŋ ndo̍ ō wa̍ māsāa̍ chōo̍ ve̍, ndu̍ o̍o̍ nɔ̍ vɛ̄lɛ̄ lo̍ŋ ni̍.

⁶Māsāā ŋi̍ɔ̍ɔ̍ŋ nda̍ ha̍ā kpo̍u̍ mi̍ Mūu̍sē ndā wāŋnda̍ I̍sɔ̄lūɛ̄ī a̍ ya᷅m nda̍. Ndu̍yɛ̍ lɛ̄ŋndē ndāle̍ŋ ki̍nɛ̍i̍, mi̍ Mūu̍sē, bu̍ɛ̍ī Mɛ̄lɛ̄ka̍ Ya̍a̍wɛ̄ɛ̄ wo̍ ō kē yu̍ŋgu̍ Lūbɛ᷅ŋ ndo̍ a̍ yu̍ŋgu̍ Ka̍a̍dī wo̍, a̍ yu̍ŋgu̍ Mānāa̍sē wo̍ bā pāa̍le̍ŋ lē dēl lo̍ māā lɛ̄ŋndē ndā.

⁷Mi̍ Chɔ̄ɔ̍sūāā nda̍ I̍sɔ̄lūɛ̍i̍ya̍ ā yām māsāa̍ kpo̍u̍ o̍ Pīo̍o̍ Chɔ̍ɔ̍dāŋ le̍e̍lōo̍ bā pāa̍le̍ŋ lē dēl lo̍. Chɔ̍ŋ Ba̍līka̍dī chi̍e̍e̍ o̍ dɛ̍ŋgbɔ̍ɔ̍ Le̍ba̍nɔ̄ŋ, mbo̍ kūā o̍ Pēmbīī Ha̍la̍kīve̍ bā tōūwo̍ o̍ lɛ̄ŋndē I̍dɔ̄mnde̍ŋ īkɛ̄i̍ māsāa̍ wa̍ lo̍ŋ nda̍ kpo̍u̍ ma̍ yām nda̍. Ndu̍yɛ̍ lɛ̄ŋndē ndāle̍ŋ ki̍nɛ̍i̍, mi̍ Chɔ̄ɔ̍sūāā pi̍ɔ̍ū yu̍ŋgu̍la̍ tɔ᷅la̍ I̍sɔ̄lūɛ̍i̍la̍ŋ māā lɛ̄ŋnde̍ ndā.

⁸Lɛ̄ŋndē ndāle̍ le̍ŋ le̍ wa̍ le᷅ŋ ni̍. Lɛ̄ŋndē īpēmbūle̍ŋ, a̍ o̍ pēmbo᷄ŋ bɛ̄ŋgu̍ o̍ bā pāa̍le̍ŋ lē dēl lo̍, a̍ dɛ̍ŋgbɛ̍la̍ŋ Chɔ̍ɔ̍dāŋ, a̍ pēmbo᷄ŋ lāndɔ᷄ŋndo̍ a̍ po̍llo̍, a̍ lɛ̄ŋndē Ke̍nāŋnde̍ŋ bā tōūwo̍. Ndu̍yɛ̍ kāa̍la̍ wa̍ o̍ lɛ̄ŋndē le̍ŋ ni᷄ŋ nda̍ŋ la̍ wa̍ la᷅ŋ ni̍. Hi̍ta̍i̍tīi̍ya̍, a̍ A̍mɔ̍lu̍a̍i̍tīi̍ya̍, a̍ Ke̍na̍na̍i̍tīi̍ya̍, a̍ Pɛ̍lu̍i̍sa̍i̍tīi̍ya̍, a̍ Hi̍va̍i̍tīi̍ya̍, a̍ Chɛ̄bu̍sa̍i̍tīi̍ya̍.

⁹Māsāā ŋ̍wa᷅ŋ be̍le̍-ya̍a̍ a̍ ō pīlɛ̍, I̍sɔ̄lūɛ̍i̍ya̍ yēm ka̍ŋ nda̍ chi̍e̍e̍ŋ nda̍ wa̍ wo̍ŋ ŋ̍ cho̍ mu᷅ŋ ni̍. Chɛ̄lu̍i̍kō, a̍ E̍yāī, ho̍ō Bɛ̍tɛ̄ɛ̄l i̍kɛ̍i̍,

¹⁰a̍ Chūlu̍sɛ̄lɛ̄m, a̍ Hi̍būlɔ̄ŋ,

¹¹a̍ Cha̍a̍mu̍tī, a̍ La̍ki̍sī,

¹²a̍ Ɛ̍ki̍lɔ̄ŋ, a̍ Kɛ̍sɛ̄ɛ̄,

¹³a̍ Dɛ̍bi̍lūīī, a̍ Kɛ̍dɛ̄ɛ̄,

¹⁴a̍ Hɔ̍ɔ̍māā, a̍ A̍lu̍a̍dī,

¹⁵a̍ Li̍bi̍nāā, a̍ A̍du̍lām,

¹⁶a̍ Ma̍kɛ̍dāā, a̍ Bɛ̍tɛ̄ɛ̄l,

¹⁷a̍ Ta̍pūāā, a̍ Hɛ̍fā,

¹⁸A̍fɛ̍kī, a̍ La̍si̍a̍lɔ̄ŋ

¹⁹a̍ Ma̍dɔ̄ŋ, a̍ Ha̍sɔ̄ɔ̄,

²⁰a̍ Si̍mi̍lɔ̄ŋ, a̍ Ākīsi̍a̍fī,

²¹a̍ Tāāna̍kī, a̍ Mɛ̍ki̍dɔ̄ɔ̄,

²²a̍ Kɛ̍dɛ̍sī, a̍ Cho̍ki̍nīɛ̄m, o̍ wa̍ o̍ būŋgɛ̄ī Ka̍mɛ̄l ve̍ ni᷄ŋ ndo̍

²³a̍ Dɔ̍ɔ̄, o̍ wa̍ o̍ pēē bɛ̍ndōo̍ hōlnɔ᷄ŋndo̍ wo̍, a̍ ko̍yīm, o̍ wa̍ o̍ lɛ̄ŋndē Kāli̍līle̍ŋ ni᷄ŋ ndo̍,

²⁴a̍ Tɛ̍ɛ̍sāā. Chi̍o̍o̍ŋ be̍le̍-ya̍a̍ a̍ ō pīlɛ̍ I̍sɔ̄lūɛ̍i̍ya̍ yēm māsāa̍ ndāa̍ wo̍ŋ ŋ̍ cho̍ mu᷅ŋ ni̍.