Read Southern Kisi Chɔ̄ɔ̍sūāā 19 Bible Online

Chɔ̄ɔ̍sūāā 19 - Southern Kisi bible

Chɔ̄ɔ̍sūāā 19

¹O̍ ko̍ŋ kɔ̍ɔ̍lī, mi̍ Chɔ̄ɔ̍sūāā ke᷅ yu̍ŋgu̍ Si̍mīɔ̄ŋ ndo̍ būŋgɛ̄ī dīi̍ŋ ndūɛ̍i̍ mɛ̄ɛ̍ yu̍ŋgu̍la̍ ndāla̍ŋ lā chō kpɛ̍ kpɛ̍ yɛ̍. Mbo̍ kē nda̍ būŋgɛ̄i̍ o̍ būŋgɛ̄i̍ yu̍ŋgu̍ Chu̍dā tɛ̄ɛ̄ŋ.

²Chi̍e̍e̍ŋ cho̍ o̍ būŋgɛ̄ī ndɛ̄i̍ ni᷄ŋ ndo̍ŋ ŋ̍ cho̍ mu᷅ŋ ni̍. Bīɛ̄ɛ̄si̍ɛ̍bā, a̍ Si̍ɛ̍bā, a̍ Mo̍la̍dāā,

³a̍ Hāsāā Su̍a̍āl, a̍ Ba̍lāā, a̍ Ɛ̍sɛ̄m,

⁴a̍ Ɛ̄līto̍la̍dī, a̍ Bɛ̄tīhɔ̍ɔ̄, a̍ Hɔ̍ɔ̍māā,

⁵a̍ Si̍ki̍lāā a̍ Bɛ̄tī Ma̍ka̍bɔ̍tī a̍ Hāsāā Su̍sāā,

⁶a̍ Bɛ̄l Lēba̍yo̍tī, a̍ Si̍a̍lu̍hɛ̄ŋ. Kpo̍u̍ kpo̍u̍ chi̍o̍o̍ŋ tɔ̍ a̍ ŋ̄ ŋgāa̍ a̍ sɔ̄ndɔ̄kɔ̍lta̍ ba̍lu̍ mu̍ŋ nda̍ŋ.

⁷Mi̍ yu̍ŋgu̍ Si̍mīɔ̄ŋ ndo̍ ō lē sɔ̄lā vɛ̄lɛ̄ chi̍e̍e̍ŋ che̍le̍ŋ ŋ̄ hīɔ̍ɔ̍lu̍, a̍ sɔ̄ndɔ̄kɔ̍lta̍ ba̍lu̍ mu̍ŋ nda̍ŋ. Chi̍e̍e̍ŋ mu̍ŋ ŋ̍ cho̍ mu᷅ŋ ni̍. A̍ yīŋ, a̍ Lu̍i̍mɔ̄ŋ, a̍ Ɛ̍tɛ̄ɛ̄, a̍ A̍sāŋ.

⁸Chi̍e̍e̍ŋ mu̍ŋ a̍ sɔ̄ndɔ̄kɔ̍ltā ba̍lu̍ mu̍ŋ nda̍ŋ kpo̍u̍, mbo̍ kūā a̍ Bāālātī Bi̍a̍ā chi̍e̍e̍, o̍ nɔ̍ vɛ̄lɛ̄ dīōla̍ŋ ā Lu̍a̍mā wo̍ bā tōūwo̍ būŋgɛ̄ī ndɛ̄i̍ cho̍ ke̍ŋ ni̍. Būŋgɛ̄ī yu̍ŋgu̍ Si̍mīɔ̄ŋ ndo̍ ō sɔ̄la̍ a̍ yu̍ŋgu̍la̍ ndāla̍ŋ kpɛ̍ kpɛ̍ ve̍ ndi̍ cho̍ he̍ī ni̍.

⁹Būŋgɛ̄ī Chɔ̄ɔ̍sūāā ke̍ yu̍ŋgu̍ Chu̍dā wo̍ ve̍ ī wa̍ ta̍u̍, ndi̍ i̍i̍ hi̍o̍ū nda̍. Nyɛ̄ ko̍ŋ to̍sa̍ ni̍, mi̍ Chɔ̄ɔ̍sūāā ke᷅ yu̍ŋgu̍ Si̍mīɔ̄ŋ ndo̍ būŋgɛ̄i̍ o̍ būŋgɛ̄ī kēŋ tɛ̄ɛ̄ŋ.

¹⁰Mi̍ Chɔ̄ɔ̍sūāā ke᷅ yu̍ŋgu̍ Sɛ̍bu̍lɔ̄ŋ ndo̍ būŋgɛ̄ī ya̍a̍ ndūɛ̍i̍ mɛ̄ɛ̍ yu̍ŋgu̍la̍ ndāla̍ŋ lā chō kpɛ̍ kpɛ̍ yɛ̍. Būŋgɛ̄ī ndɛ̄i̍ mi̍ ī fūūlūū Sa̍lu̍i̍dī chi̍e̍e̍ di̍.

¹¹Mi̍ pɛ̄ŋgu̍la̍ būŋgɛ̄ī ndɛ̄i̍ he̍ī lā kāndu̍ŋ Sa̍lu̍i̍dī chi̍e̍e̍ mi̍ lā kūā bā pāa̍le̍ŋ lē dēl lo̍, mi̍ lā kūā a̍ Ma̍lu̍ɛ̍yāl chi̍e̍e̍, mi̍ lā kɔ̍ pi̍la̍ŋ Dābɛ̄si̍ɛ̍tī chi̍e̍e̍, mi̍ lā kūā a̍ pēē pɔ̍mbɔ̄ɔ̍ Cho̍ki̍nīɛ̄m le̍kɔ̍ɔ̍lī bā pāa̍le̍ŋ lē chāŋ ndo̍. Mi̍ lā cha᷄ŋ vɛ̍lɛ̄ sa̍lu̍i̍dī chi̍e̍e̍ ku̍mbūe̍i̍ pīlɛ̍i̍, mi̍ lā kūā kūmbū pāa̍le̍ŋ lē chāŋ ndo̍, o̍ pɛ̄ŋgu̍la̍ŋ a̍ tāndā Chīsīlɔ̄tī Ta̍bɔ̄ɔ̄ wo̍, mi̍ lā kūā a̍ Dābɛ̄si̍ɛ̍tī chi̍e̍e̍ mi̍ lā hēl a̍ Chāfi̍yā chi̍e̍e̍.

¹²Chɔ̍ŋ vɛ̍lɛ̄ Sa̍lu̍i̍dī kūmbūe̍i̍ pīlɛ̍i̍ mi̍ lā kūā a̍ bā pāa̍le̍ŋ lē chāŋ ndo̍, o̍ pɛ̄ŋgu̍la̍ŋ a̍ tāndā Chīsīlɔ̄tī Ta̍bɔ̄ɔ̄ wo̍, mi̍ lā kūā a̍ Dābɛ̄si̍ɛ̍tī chi̍e̍e̍ mi̍ lā hēl a̍ Chāfi̍yā chi̍e̍e̍.

¹³Chɔ̄nɔ᷄ŋndo̍ lo̍ŋ mi̍ lā hīāū bā pāa̍le̍ŋ lē chāŋ ndo̍, mi̍ lā kūā a̍ Kāātī Hɛ̍fā chi̍e̍e̍ mi̍ lā kūā a̍ Ɛ̄tīka̍sīŋ chi̍e̍e̍ mi̍ lā kūā Lu̍i̍mɔ̄ŋ chi̍e̍e̍. Chɔ̄nɔ᷄ŋndo̍ lo̍ŋ mi̍ lā tūndū mi̍ lā kūā Ni̍a̍ā chi̍e̍e̍.

¹⁴Mi̍ lā cha᷄ŋ lo̍ŋ mi̍ lā hēēlū bā lūāŋndo̍ mi̍ lā tūndū mi̍ lā kūā Hāna̍tɔ̄ŋ chi̍e̍e̍, mi̍ lā kɔ̍ mɛ̍ɛ̍lū o̍ dɛ̍ŋgbɔ̍ɔ̍ Īfīta̍hɛ̄l.

¹⁵Chi̍e̍e̍ŋ nda᷄ŋ o̍ būŋgɛ̄ī kēŋ ni᷄ŋ ŋ̄ ti̍ŋ ŋ̍ cho̍ mu᷅ŋ ni̍. Ka̍tāā, a̍ Nāha̍lāl, a̍ Si̍mi̍lɔ̄ŋ, a̍ I̍da̍lāā, a̍ Bɛ̍ti̍lɛ̍hɛ̄m. Kpo̍u̍ kpo̍u̍ chi̍o̍o̍ŋ tɔ̍ a̍ ŋ̄ mūu̍ŋ a̍ sɔ̄ndɔ̄kɔ̍lta̍ ba̍lu̍ mu̍ŋ nda̍ŋ.

¹⁶Chi̍o̍o̍ŋ mu᷅ŋ, a̍ sɔ̄ndɔ̄kɔ̍ltā ndāla̍ la̍ŋ yu̍ŋgu̍ Sɛ̍bu̍lɔ̄ŋndo̍ ō sɔ̄la̍ mɛ̄ɛ̍ yu̍ŋgu̍la̍ ndāla̍ŋ lā chō kpɛ̍ kpɛ̍ yɛ̍ ni̍.

¹⁷Mi̍ Chɔ̄ɔ̍sūāā ke᷅ yu̍ŋgu̍ I̍sa̍a̍kā būŋgɛ̄ī hīɔ̍ɔ̍lu̍e̍i̍ mɛ̄ɛ̍ yu̍ŋgu̍la̍ ndāla̍ŋ lā chō kpɛ̍ kpɛ̍ yɛ̍.

¹⁸Chi̍e̍e̍ŋ nda̍ŋ o̍ būŋgɛ̄ī ndɛ̄i̍ ni᷄ŋ ŋ̍ cho̍ mu᷅ŋ ni̍. Chɛ̍si̍lūɛ̄ɛ̄, a̍ Chɛ̍su̍lɔ̍tī, a̍ Si̍u̍nīm,

¹⁹a̍ Ha̍fa̍lūīm, a̍ Si̍ɔ̍ɔ̄ŋ, a̍ Ānāha̍lu̍a̍tī,

²⁰a̍ Lūābe̍tī, a̍ Ki̍sīɔ̄ŋ, a̍ Ɛ̍bɛ̍sī,

²¹a̍ Lu̍ɛ̍mɛ̍tī, a̍ Ɛ̄nīka̍nīm, a̍ Ɛ̄nī Ha̍dāā, a̍ Bɛ̄tīpa̍a̍sī.

²²Mi̍ būŋgɛ̄ī ndɛ̄i̍ kɔ̍ pi̍la᷄ŋ pe̍mbīī Ta̍bɔ̄ɔ̄ve̍, mi̍ ī kūā a̍ Sīāhāsu̍māā chi̍e̍e̍, mi̍ ī kūā Bɛ̄tī Si̍a̍mɛ̍sī chi̍e̍e̍ mi̍ ī kɔ̍ mɛ̍ɛ̍lū Chɔ̍ɔ̍dāŋ o̍ pēēlo̍. Kpo̍u̍ kpo̍u̍ chi̍o̍o̍ŋ tɔ̍ a̍ ŋ̄ ŋɔ᷄mpu᷅m a̍ sɔ̄ndɔ̄kɔ̍lta̍ ba̍lu̍ mu̍ŋ nda̍ŋ.

²³Chi̍o̍o̍ŋ mu᷅ŋ a̍ sɔ̄ndɔ̄kɔ̍ltā ndāla̍ la̍ŋ yu̍ŋgu̍ I̍sa̍a̍kā ō sɔ̄la̍ mɛ̄ɛ̍ yu̍ŋgu̍la̍ ndāla̍ŋ lā chō kpɛ̍ kpɛ̍ yɛ̍ ni̍.

²⁴Mi̍ Chɔ̄ɔ̍sūāā ke᷅ yu̍ŋgu̍ A̍sīɛ̄ɛ̄ būŋgɛ̄ī ŋūɛ̍ɛ̍nu̍e̍i̍ mɛ̄ɛ̍ nda̍ chō o̍ yu̍ŋgu̍la̍ ndāla̍ŋ ni᷄ŋ kpɛ̍ kpɛ̍ yɛ̍.

²⁵Chi̍e̍e̍ŋ nda̍ŋ o̍ būŋgɛ̄ī ndɛ̍i̍ ni᷄ŋ ŋ̄ ti̍ŋ ŋ̍ cho̍ mu᷅ŋ ni̍. Hɛ̄līka̍tī, a̍ Hāli̍, a̍ Bɛ̍tɛ̄ŋ, a̍ Ākīsi̍a̍fī,

²⁶a̍ Ālāmɛ̍lɛ̍kī, a̍ A̍ma̍dī, a̍ Mɛ̍si̍a̍kī. Būŋgɛ̄ī ndɛ̄i̍, pɛ̄ŋgu̍la̍ ndɔ̄la̍ŋ bā pāa̍le̍ŋ lē dēl lo̍ mi̍ lā kɔ̍ pi̍la̍ŋ pe̍mbīī Ka̍mɛ̄lve̍, mi̍ lā kūā a̍ Sīhɔ̄ɔ̄ Li̍bi̍na̍tī chi̍e̍e̍.

²⁷O̍ ko̍ŋ kɔ̍ɔ̍lī, mi̍ lā tūndū mi̍ lā kūā bā pāa̍le̍ŋ lē chāŋ ndo̍, mi̍ lā kūā a̍ Bɛ̄tī da̍kɔ̄ŋ chi̍e̍e̍ mi̍ lā kɔ̍ chi̍ŋā a̍ būŋgɛ̄i̍ yu̍ŋgu̍ Sɛ̍bu̍lɔ̄ŋ nde̍. Chɔ̄nɔ᷄ŋndo̍ lo̍ŋ mi̍ lā kūā a̍ dɛ̍ŋgbɔ̍ɔ̍ Īfīta̍hɛ̄l, mi̍ lā hēēlū bā lūāŋndo̍, mi̍ lā kūā a̍ Bɛ̄tīhɛ̍mɛ̍kī chi̍e̍e̍ mi̍ lā kūā a̍ Nɛ̍yīɛ̄l chi̍e̍e̍ mi̍ lā hīāū a̍ Ka̍bɔ̄l chi̍e̍e̍ ba᷅ lūāŋndo̍.

²⁸Chɔ̄nɔ᷄ŋndo̍ lo̍ŋ mi̍ lā kūā a̍ Ɛ̍būlɔ̄ŋ mi̍ lā kūā a̍ Lu̍i̍ho̍bī chi̍e̍e̍ mi̍ lā kūā a̍ Ha̍mɔ̄ŋ, mi̍ lā kūā a̍ Ka̍nāā. Mi̍ lā cha᷄ŋ lo̍ŋ mi̍ lā fūūlūū Sa̍i̍dɔ̄ŋ o̍ cho̍ chi̍e̍e̍ bɛ̍ndōo̍ wo̍.

²⁹O̍ ko̍ŋ kɔ̍ɔ̍lī, mi̍ pɛ̄ŋgu̍la̍ būŋgɛ̄i̍ ndɛ̄i̍ lā tūndū mi̍ lā kūā bā Lu̍a̍mā chi̍e̍e̍ wo̍ mi̍ lā fūūlūū Ta̍a̍yā chi̍e̍e̍, o̍ cho̍ ō bālāā a̍ kpākī bɛ̍ndū kālā ka̍lāa̍ le̍ ya̍a̍mɔ̍ɔ̍wa̍ wo̍ mi̍ lā tūndū lo̍ŋ mi̍ lā kūā bā Hɔ̍sāā chi̍e̍e̍ wo̍ mi̍ lā kɔ̍ mɛ̍ɛ̍lū o̍ pēe̍ mɛ̄ŋmā īhɛ᷄llo̍ Mɛ̄dītālu̍e̍e̍nīāā. Chi̍e̍e̍ŋ nda̍ sɔ̄la̍ wo̍ŋ ŋ̄ pīlɔ̍ŋ ŋ̍ cho̍ vɛ̄lɛ̄ mu᷅ŋ ni̍. Māhāla̍bī, a̍ A̍ki̍si̍bī,

³⁰a̍ U̍māā, a̍ A̍fɛ̍kī, a̍ Lu̍i̍ho̍bī. Kpo̍u̍ kpo̍u̍ chi̍o̍o̍ŋ bi̍dīi̍ŋ a̍, ŋ̄ mūu̍ŋ, a̍ sɔ̄ndɔ̄kɔ̍lta̍ ba̍lu̍ mu̍ŋ nda̍ŋ.

³¹Chi̍o̍o̍ŋ mu᷅ŋ a̍ sɔ̄ndɔ̄kɔ̍ltā ndāla̍ la̍ŋ yu̍ŋgu̍ A̍sīɛ̄ɛ̄ ō sɔ̄la̍ mɛ̄ɛ̍ yu̍ŋgu̍la̍ ndāla̍ŋ lā chō kpɛ̍ kpɛ̍ yɛ̍ ni̍.

³²Mi̍ Chɔ̄ɔ̍sūāā ke᷅ yu̍ŋgu̍ Nāfi̍ta̍lī wo̍ būŋgɛ̄ī ŋɔ᷄mpu᷅mnde̍ mbo̍ pīɔ̄ū nda̍ a̍ yu̍ŋgu̍la̍ ndāla̍ŋ yɛ̍ yɛ̍.

³³Būŋgɛ̄ī ndɛ̄i̍ pɛ̄ŋgu̍la̍ ndɔ̄la̍ŋ lā kāndu̍ŋ Hɛ̄lɛ̍fī chi̍e̍e̍ mi̍ lā kūā a̍ yɔ̄m bɛ̄ndu̍ cho̍ Sa̍a̍na̍nīm chi̍e̍e̍ wo̍, mi̍ lā kūā a̍ Ādāmī Ni̍kɛ̍bī, mi̍ lā kūā a̍ Cha̍mi̍nīāā chi̍e̍e̍ mi̍ lā kūā a̍ La̍kūm chi̍e̍e̍ mi̍ lā tūāl Chɔ̍ɔ̍dāŋ o̍ pēēlo̍.

³⁴O̍ ko̍ŋ kɔ̍ɔ̍lī, chɔ̄nɔ᷄ŋndo̍ lo̍ŋ, mi̍ lā tūndū mi̍ lā kūā bā pāa̍le̍ŋ lē dēl lo̍, mi̍ lā kūā a̍ Āsīnɔ̄tī Ta̍bɔ̄ɔ̄ chi̍e̍e̍ mi̍ lā kɔ̍ mɛ̍ɛ̍lū Hu̍kɔ̄ɔ̄. Mi̍ būŋgɛ̄ī ndɛ̄i̍ he̍ī kɔ̍ bɔ̍ŋā a̍ būŋgɛ̄i̍ yu̍ŋgu̍ Sɛ̍bu̍lɔ̄ŋ ndo̍ bā tōūwo̍, o̍ ko̍ŋ kɔ̍ɔ̍lī, mi̍ ī bɔ̄ŋā vɛ̄lɛ̄ a̍ būŋgɛ̄i̍ yu̍ŋgu̍ A̍sīɛ̄ɛ̄ wo̍, bā pāa̍le̍ŋ lē dēl lo̍, mi̍ ī bɔ̄ŋā vɛ̄lɛ̄ a̍ būŋgɛ̄i̍ yu̍ŋgu̍ Chu̍dā o̍ Pīo̍o̍ Chɔ̍ɔ̍dāŋ bā pāa̍le̍ŋ lē chāŋ ndo̍.

³⁵Chi̍e̍e̍ŋ cho̍ ŋ̄ bɔ̄ŋāā a̍ kpākīla̍ ka̍lā ka̍lāla̍ŋ o̍ būŋgɛ̄ī kēŋ ni᷄ŋ ndo̍ŋ mu᷅ŋ ŋ̍ cho̍ mu᷅ŋ ni̍. Si̍dīm, a̍ Sɛ̍ɛ̄, a̍ Ha̍ma̍tī, a̍ Lu̍a̍ka̍tī, a̍ Chi̍nɛ̍lu̍ɛ̍tī,

³⁶a̍ A̍da̍mā, a̍ Lu̍a̍mā, a̍ Ha̍sɔ̄ɔ̄,

³⁷a̍ Kɛ̍dɛ̍sī, a̍ Ɛ̍di̍lūɛ̄ī, a̍ Ɛ̄nīha̍sɔ̄ɔ̄,

³⁸a̍ Yi̍lɔ̄ŋ, Mākīda̍lɛ̄l, a̍ Ho̍lūɛ̄m, a̍ Bɛ̄tāna̍tī, a̍ Bɛ̄tī Si̍ɛ̍mɛ̍sī. Chi̍o̍o̍ŋ tɔ̍ a̍ ŋ̄ ŋɔ̄ma̍hīɔ̍ɔ̍lu̍, a̍ sɔ̄ndɔ̄kɔ̍lta̍ ba̍lu̍ mu̍ŋ nda̍ŋ.

³⁹Chi̍e̍e̍ŋ mu᷅ŋ, a̍ sɔ̄ndɔ̄kɔ̍ltā ndāla̍ la̍ŋ yu̍ŋgu̍ Nāfi̍ta̍lī wo̍ ō sɔ̄la̍ mɛ̄ɛ̍ yu̍ŋgu̍la̍ ndāla̍ŋ lā chō kpɛ̍ kpɛ̍ yɛ̍ ni̍.

⁴⁰O̍ ko̍ŋ kɔ̍ɔ̍lī, mi̍ Chɔ̄ɔ̍sūāā ke᷅ yu̍ŋgu̍ Da᷅ŋ ndo̍ būŋgɛ̄ī ŋɔ᷄mmɛ̍ūve̍ mɛ̄ɛ̍ nda̍ chō o̍ yu̍ŋgu̍la̍ ndāla̍ŋ ni̍ŋ kpɛ̍ kpɛ̍ yɛ̍.

⁴¹Chi̍o̍o̍ŋ o̍ būŋgɛ̄ī ndɛ̄i̍ ni᷄ŋ ŋ̍ cho̍ mu᷅ŋ ni̍. So̍lūā, a̍ Ɛ̄sīta̍wɔ̄, a̍ Īsi̍ɛ̍mɛ̍sī Si̍ɛ̍mɛ̍sī,

⁴²a̍ Si̍a̍a̍lbīm, a̍ A̍i̍cha̍lɔ̄ŋ a̍ I̍ti̍lāā,

⁴³a̍ Ɛ̍lɔ̄ŋ, a̍ Ti̍mi̍nā, a̍ Ɛ̍ki̍lɔ̄ŋ,

⁴⁴a̍ Ɛ̄līti̍kɛ̄ɛ̄, a̍ Ki̍bɛ̍tɔ̄ŋ, a̍ Ba̍la̍tī,

⁴⁵a̍ Chɛ̍hū, a̍ Bɛ̄nɛ̄bɛ̍lu̍a̍kī, a̍ Kātīlu̍i̍mɔ̄ŋ,

⁴⁶a̍ Mɛ̄cha̍kɔ̄ŋ, a̍ Lu̍a̍kɔ̄ŋ, o̍ ko̍ŋ kɔ̍ɔ̍lī, a̍ būŋgɛ̄i̍ ba̍lu̍ Cho̍pā chi̍e̍e̍ ve̍.

⁴⁷Kɛ̍ mɛ̄ɛ̍ te̍le̍ŋ ti̍ŋ hīo̍u̍, mi̍ wāŋnda̍ La̍i̍sī a̍ pu̍ū yu̍ŋgu̍ Da᷅ŋ ndo̍ lɛ̄ŋndē ndāle̍ŋ nde᷅ŋ o̍ bā. O̍ ko̍ŋ, mi̍ yu̍ŋgu̍ Da᷅ŋ ndo̍ ā kɔ̍ chi᷅ŋa̍la᷅ŋ wa᷅ŋnda̍ La̍i̍sī a̍ sɔ̍ŋgɔ̄ɔ̍ ndu̍yɛ̍, ma̍ yām wāŋnda̍ La̍i̍sī ma̍ dīū nda̍ kpo̍u̍. Ma̍ bīī La̍i̍sī mbo̍ sīmnu᷄ŋ chi̍e̍e̍ ndā. O̍ ko̍ŋ kɔ̍ɔ̍lī, ma̍ hōl dīōla̍ fi̍nyā ndāla̍ŋ a̍ chi̍e̍e̍ ko̍ŋ, ma̍ vēēlū ndu̍ āā Da᷅ŋ chi̍e̍e̍.

⁴⁸Chi̍o̍o̍ŋ mu᷅ŋ a̍ sɔ̄ndɔ̄kɔ̍ltā ndāla̍ la̍ŋ yu̍ŋgu̍ Da᷅ŋ ndo̍ ō sɔ̄la̍ mɛ̄ɛ̍ yu̍ŋgu̍la̍ ndāla̍ŋ lā chō kpɛ̍ kpɛ̍ yɛ̍ ni̍.

⁴⁹Mɛ̄ɛ̍ wāŋ bānāā I̍sɔ̄lūɛ̍i̍ya̍ ā chīi̍ I̍sɔ̄lūɛ̍i̍ya̍ lɛ̄ŋnde̍ŋ pīɔ̄ū kpo̍u̍, ma̍ kē Chɔ̄ɔ̍sūāā po̍ Nu᷅ŋ ndo̍ lɛ̄ŋnde̍ŋ le̍ ndɔ̍le̍ŋ.

⁵⁰Ma̍ tōsā mɛ̄ɛ̍ Mɛ̄lɛ̄ka̍ Ya̍a̍wɛ̄ɛ̄ o̍ di̍mu̍l nda̍ yɛ̄. Ma̍ kē ndu̍ chi̍e̍e̍ ndu̍ o̍o̍ ye̍e̍ma̍ wo̍, ndu̍ cho̍ māchūāā Tāmīnātī Sɛ̍lūāā, o̍ lɛ̄ŋndē īpēmbūle̍ŋ E̍fi̍lūēm ni̍. O̍ ko̍ŋ, mi̍ Chɔ̄ɔ̍sūāā mi̍ŋgī ndu̍ tāŋgūl mbo̍ chāl lo̍ŋ.

⁵¹I̍sɔ̄lūɛ̍i̍ya̍ kpo̍u̍ ā wa̍ ā dīya᷄ŋ ku̍ndāa̍ Si̍lɔ̄ɔ̄ chi̍e̍e̍ o̍ Tɛ̍ndīi̍ nda̍ sōōlūū Mɛ̍lɛ̄ka̍ lēni᷄ŋ ndo̍ dīō. Lo̍ŋ nda̍ wa̍ ā dīya᷄ŋ ku̍ndāa̍ ni̍, mi̍ Ɛ̄li̍a̍a̍sā, wāna̍ so̍lī sa̍lāa̍ o̍ Mɛ̄lɛ̄ka̍ lo̍ wo̍, a̍ Chɔ̄ɔ̍sūāā po᷄ Nu᷅ŋ ndo̍ a̍ wāŋ bānāā I̍sɔ̄lūɛ̍i̍ya̍, ā pīɔ̄ū nda̍ lɛ̄ŋnde̍ cho̍ o̍ Pīo̍o̍ Chɔ̍ɔ̍dāŋ le̍e̍lōo̍ le̍ŋ bā pāa̍le̍ŋ lē dēl lo̍. Ma̍ māl kōo̍ŋ le̍ mi̍ nda̍ a̍a̍ sīna̍ mɛ̄ɛ̍ Mɛ̄lɛ̄ka̍ Ya̍a̍wɛ̄ɛ̄ ndu̍ o̍o̍ ye̍e̍ma̍ mī nda̍ a̍a̍ pi̍ɔ̍u̍ le̍ŋ yɛ̍. O̍ ko̍ŋ, ma̍ chīī lɛ̄ŋnde̍ŋ pīɔ̄ū pīɔ̄ū.