Read Southern Rengma Naga BINZEN 39 Bible Online

BINZEN 39 - Southern Rengma Naga bible

BINZEN 39

¹Ishamel tsipwen dan le Josef zen Ijipt ki tsügü Potifar tse kethyü raja gü hensin nyu kedanyu nme ka jwela, tsügü le raja ka rikhun nyu sokeda thyü bin.

²Npugü le Josef zen hüo, a-thyü pe no gwakenyelo. A-le a-npugü Ijipt nyu gü kanyu bin hü,

³tsügü le Npugü le Josef zen hüo a-le nyuthyü yo aphu gwakenye kebin hyulo.

⁴Potiphar le a-shwi pe a-kenyüo no a-go thyülo; tson-o a-no a-ka lo a-hon aphu kentsen gü thyüshü.

⁵Tsügerho Josef genyu Npugü le jochü pe Ijiptnyu gü kakhün, a-kanyu kebin aphu lo a-low nyu shü.

⁶Potifar le a-ketyüketsü nti a-me tha aphu khipe Josef tenyen la. Josef le kethon keda lo zegwa,

⁷tsüselo a-npugü nu le Josef shwi a-yhüdyü lo lao no a-zenzhü lotse so.

⁸A-le nmvu le tseo tsügi ka zoshü, “Ale hika kebin genyu, a npugü le kanyu kebin dan nme rüchün a-nyun leho mvu laso. A-le ano a-hon aphu kentsen gü thyüshü laso.

⁹Ale kanyu a-hon aphu so kekvu sen bin, a-le n nti a-me thame pe aben ka shükemvu ndi. Tsonya tselo ale dihontse serikemvu thyüo mu pe Sunggigü ntsun tila?”

¹⁰Tsügi le khenyütsen Josef ka zo bin-e, a-le tsügi zenhü mvula.

¹¹Ai khenyü me Josef le kanyu a-thothyü titse yü, lo tsüka ka günyu gonyu temi nme ndi.

¹²Tsüselo tsügi le a-phi sülo-o a-ka zoshü, “Ryü azen jülo.” Ai a-le a-phi khelao tin kamhun ki chwila.

¹³A-le aphi khelao kamhun ki tinchwi kela ka,

¹⁴tsügi le a-kanyu gonyu ju koshüo zoshü, “Hi shwishü ta! Anye pfü le zenryü kanyu keshü Ibrinyu higü le ngun nshwe bin nle. A-le ajütsen ki ryü asü titse ndoso, ai ale nrasen shüla.

¹⁵Ale nrasen kebin nyülo-o, akhoka a-phi khelao tinchwi laso.”

¹⁶Tsügi le Josef npugü le ka ki ryü kemvuthen a-phi pe bin njü.

¹⁷Tson-o a-le tsü pe a-ka zoshü. “Nle zenryü hika keshü Ibrinyu do gü tsüle a-jütsen ki ryü a nshwe le.

¹⁸Ai ale nrasen keshü ka, a-phi khelao kamhun ki tinchwi la le.”

¹⁹Tsüselo Josef npugü le nthün sa-o

²⁰Josef ten pe raja gü do le bin kehü doka nyu shülao a-le tsüki bin.

²¹Ai Npugü le Josef zen hüo jochü pe a-tsü, tson-o doka kekhwen keda gü le a-shwi pe a-kenyü la.

²²A-le Josef pe do kechanyu aphu kentsen gü thyüshü, lo dokanyu thatho aphu pe a-tenyen la.

²³Doka kekhwe keda güle Josef tenyen kela dan nri mvula, Npugü le Josef zen hüo, a-tho aphu nyu a-no thyü pe gwalo kebin genyu.