Read Southern Rengma Naga BINZEN 46 Bible Online

BINZEN 46 - Southern Rengma Naga bible

BINZEN 46

¹Jakob le a-hon kebin aphu khilo njüo Beersheba nyu ryüo kershvu thyü pe a-pvü Isak Sunggigü rüshvu.

²Sunggigü le kheje nyu tsemin ki a-nthon-o, “Jakob, Jakob!” tse a-koshü. Lo a-le, “Whe, ale hika hü nle” tsonshü.

³Tsontsin a-le, “Ale Sunggigü, N pvü Sunggigü le.” Nle Ijipt ki gü nshvu nya; ale tsüki nthyü pe senye keda nme thyü shüti.

⁴Ale nzen-o Ijipt ki gü ti, lo n tsipwen zen niryüo kazü higü nyu shüti. Nkesi ka Josef le nzen bin ti.

⁵Jakob le Beersheba nyu tsonchüshü. A-nyu ju le anyugun nyenyu keshe dan lo a-nunyu dan pe Ijipt raja gü le nikeshü gari dan ka a-sin-o dunlo.

⁶A-nyu le anyugun senru lo Kanan nyu hyukelo anyugun hon sen-o Ijipt ki tsüla. Jakob le a-tsipwen aphu zen hü.

⁷A-nyu peche ju, a-nyu ju nyu peche ju, a-nyu tenu ju lo a-nyu ju nyu tenu ju.

⁸Jakob kaminyu, a-zen Ijipt ki tsü kela dan le a-nyuri gü Reuben,

⁹lo Reuben nyu: Hanok, Pallu, Hezron lo Karmi.

¹⁰Simeon lo a-nyu; Jemuel, Jamin, Ohad, Jachin, Zohar lo Kanan nyu tenunyu nme nyugü Shaul.

¹¹Levi lo a-nyu: Gershon, Kohath, lo Merari.

¹²Juda lo a-nyu: Shelah, Perez lo Zerah. (Juda nyu kecha Er lo Onan au le Kanan nyu sila) Perez nyu le Hezron lo Hamul au.

¹³Issachar lo a-nyu: Tola, Puah, Jashub lo Shimron.

¹⁴Zebulun lo a-nyu: Sered, Elon lo Jahleel.

¹⁵Hidan hile Leah le Mesopotamia ki nnyu pe Jakob tsü keshü dan lo a-nyugi Dinah ko sin. Leah ge yhunchwi keryü a-tsipwen aphu le shenryü kenshen.

¹⁶Gad lo a-nyu: Zefon, Haggi, Shuni, Ezbon, Eri, Arod lo Areli.

¹⁷Asher lo a-nyu: Imnah, Ishvah, Ishvi, Beriah lo anyu gun lügi Serah. Beriah nyu le Heber lo Malchiel.

¹⁸Min tseryü tsero hile Laban le pe a-nyugi Leah go thyü keshü gi Zilpah le nnyu pe Jakob tsü keshü dan.

¹⁹Jakob nu Rachel nyu le Josef lo Benjamin.

²⁰Josef le Ijipt kazü nyu Heliopolis ka peshükeda gü Potifera nyugi Asenath ge anyu peche Manasseh lo Efraim tse mihvu bin.

²¹Benjamin nyu le Bela, Becher, Ashbel, Gera, Naaman, Ehi, Rosh, Muppim, Huppim lo Ard.

²²Min tseryü pezi hile Rachel ge Jakob tsipwen yhun kelo dan.

²³Dan lo a-nyu Hushim.

²⁴Naftali lo a-nyu: Jahzeel, Guni, Jezer lo Shillem

²⁵Min tsenyü hile Laban le pe a-nyugi Rachel go thyü keshü gi Bilhah le nnyu pe Jakob tsü keshü dan.

²⁶Jakob tsipwen anyudan nunyu sin kemvu le min hentsero-o tsero le Ijipt ki tsüla.

²⁷Lo Ijipt ki nnyu pe Josef ketsü peche mihvu tse kesin keshü le Jakob kaminyu min hentsenyü le tsüki tsüla.

²⁸Jakob le a-mhundyü Juda nipe Josef ki shüo no ryü Goshen nyu anyugun teno lo tseshü. A-nyugun le ryü kelo ka,

²⁹Josef le a-gari nda lo njüo Goshen ki gü a-pvü teno. Anyugun keteno kelo ka Josef le a-pvü gunda ralo njüo gwenkho kethon chü tinla.

³⁰Jakob le Josef ka, “Ale sila da a-kesha thyü gwen. Ale n hyu laso lo nle rhün bin zun tse sha kela si genyu.”

³¹Tson-o Josef le a-tsasikezen ju lo a-pvü kami kechanyu dan ka, “Ale gü raja gü ka Kanan ki yhun kehü atsasikezen ju lo apvü kaminyu aphu akiryü bin nle tse zoshü mvulo shvu.

³²Ale a-ka hagun le senru nkin kehünyu lo hagun le methu, tanyü, dan lo hagun hon lihi-e zenryü bin nle tse zoshü ti.

³³Tsü genyu Raja güle hagun koshüo hagun le nyu kethyü nyuyo tse ketso shülo,

³⁴hagun le hagun yhunthen hagun bon nyu hontse senru nkin kehünyu letse zoshü lo. Hihontse shülo a-le hagun no Goshen lojvü nyu yhun loti.” Ijipt nyu le tanyü kekhwenyu zen thame thyü hü kemvu genyu Josef le hihontse zoshü.