Read Southern Rengma Naga BINZEN 5 Bible Online

BINZEN 5 - Southern Rengma Naga bible

BINZEN 5

¹Hile Adam tsipwen dan rüla thu kenjü lesü gü. (Sunggigü le temi nyhun keshüka, a-le a-npfü a-hontse kethyü au nyhun shü.

²A-le peche lo tenu nyhun shü, tson-o jochü pe au tsüshü lo au zan thope “Temi” tseshü.)

³Adam le a-keyhun che 130 ka, a-hontse kethyü peche nme nnyu lo-o, a-zan pe Seth tholo.

⁴Tsüsiki Adam le che 800 yhun. A-le a-nyenyu kecha ko bin,

⁵a-le 930 ka sila.

⁶Seth le a-keyhun 105 ka a-nyugü Enosh nnyulo;

⁷lo tsüsiki a-le che 807 yhun. A-le a-nyenyu kecha kobin;

⁸lo a-le 912 ka sila.

⁹Enosh le a-keyhun che 90 ka a-nyugü Kenan nnyulo,

¹⁰tsü siki a-le che 815 yhun. A-le a-nyenyu kecha kobin,

¹¹lo a-le che 905 ka sila.

¹²Kenan le a-keyhun che 70 ka a-nyugü Mehalalel nnyulo.

¹³Tsüsiki a-le che 840 yhun. A-le a-nyenyu kecha kobin

¹⁴lo a-le che 910 ka sila.

¹⁵Mahalahel le a-keyhun che 65 ka a-nyugü Jared nnyulo,

¹⁶tsüsiki a-le che 830 yhun. A-le a-nyenyu kecha kobin,

¹⁷lo a-le che 895 ka sila.

¹⁸Jared le a-keyhun che 162 ka a-nyugü Enok nnyulo,

¹⁹tsü siki a-le che 800 yhun. A-le a-nyenyu kecha kobin,

²⁰a-le che 962 ka sila.

²¹Enok le a-keyhun che 65 ka a-nyugü Methuselah nnyulo

²²tsüsiki Enok le Sunggigü zen kepfüsheo che 300 yhun-o a-nyenyu kecha ko bin

²³Enok keyhun aphu le 365.

²⁴A-le a-keyhunthen Sunggigü zenkepfüshe hüo hyumvula, Sunggigü le a-zen tin kela genyu.

²⁵Methuselah le a-keyhun che 187 ka a-nyu gü Lamech nnyulo,

²⁶tsüsiki a-le che 782 yhun. A-le a-nyenyu kecha kobin,

²⁷a-le che 969 ka sila.

²⁸Lamech le che 182 ka anyu peche nme nnyulo,

²⁹tson-o a-le zo, “Npugü le swetsü kela bin lika hika, ngun le thathyü hokeli kebin nyu nyu higü hile keche senryü ti; ” tsügenyu a-zan pe Noah tholo.

³⁰Lamech le tsüsiki che 595 yhun. A-le a-nyenyu kecha kobin.

³¹A-le che 777 ka sila.

³²Noah le a-keyhun che 500 siki a-nyu peche mishen le bin, Shem, Ham, lo Jafet.