Read Southern Rengma Naga 1 BINYOH 2 Bible Online

1 BINYOH 2 - Southern Rengma Naga bible

1 BINYOH 2

¹Jakob le a-nyu peche tseryü kenyhun bin: Reuben, Simeon, Levi, Juda, Issachar, Zebulun,

²Dan, Josef, Benjamin, Naftali, Gad, lo Asher.

³Juda le anyu peche aphu le mipvün. A-nu Kanan nyu tenu gi Bathshua nyu le Er, Onan, lo Shelah tse mishen. Anyu rigü Er le serimvu rio Npugü le a-boshvula.

⁴A-nu sikezen gi Tamar au nyu peche Perez lo Zerah tse mihvu le bin sin.

⁵Perez le a-nyu peche mihvu bin, Hezron, lo Hamul.

⁶A-sikezen gü Zerah le peche mipvün bin: Zimr,Ethan, Heman, Kalkol, lo Darda.

⁷Zerah tsipwen nyu nme Karmi nyugü Achan le khikho pe Sunggigü tsü kela khilo-o kenke senryü Israel nyu geshü.

⁸Ethan le a-nyu peche nme bin, a-zan le Azariah.

⁹Hezron le a-nyu peche mishen bin: Jerahmeel, Ram, lo Kaleb.

¹⁰Ram ka gü Jesse keti kami le hihontse: Ram, Amminadab, Nahshon (Juda tsipwen ka temi a-zan kentsen nme),

¹¹Salmon, Boaz,

¹²Obed, lo Jesse.

¹³Jesse le a-nyu peche mi tsenyü bin. Püshü nche kethen keshü: Eliab, Abinadab, Shammah,

¹⁴Nethanel, Raddai,

¹⁵Ozem, lo David.

¹⁶A-le a-nyu tenu ko mihvu le bin, Zeruiah lo Abigail. Jesse nyugi Zeruiah le a-nyu peche mishen bin: Abishai, Joab, lo Asahel.

¹⁷A-nyugi kecha gü Abigail le Ishmael tsipwen Jether ka kaluo au nyu peche nme le bin, a-zan le Amasa.

¹⁸Hezron nyugü Kaleb le Azubah lo-o a-nyu tenunyu a-zan le Jerioth tse kethyü nme bin. Tsügi le a-nyu peche mishen bin: Jesher, Shobah, lo Ardon.

¹⁹Azubah kesi siki Kaleb le Ephrath lo-o au nyu Hur tse kethyü peche nme bin.

²⁰Hur nyu le Uri, lo Uri nyu le Bezalel.

²¹Hezron le a-keyhun chen hentsero ka a-le Machir nyugi, Gilead lügi lo. Au nyu Segub tse kethyü peche nme bin,

²²lo Segub nyu le Jair tse kethyü peche nme bin. Jair le Gilead lojvü nyu nyida nki kenshen so keda thyü.

²³Ai Geshur lo Aram le Jair lo Kenath rünyi lo tsü khoho rünyi dan sin-o rünyi hentsero lolo la. Tsünyu keyhun nyu aphu Gilead a-pvü, Michir tsipwen.

²⁴Hezron kesi siki Kaleb le a-pvü nu Ephrath lolo. Au nyu Ashhur tse kethyü peche nme bin, tsü gü le Tekoa rünyi fü shü.

²⁵Hezron nyuri gü Jerahmeel le a-nyu peche mipvün bin: Ram le püshü tsin gü, Burah, Oren, Ozem, lo Ahijah.

²⁶Ram le a-nyu peche mishen bin: Maaz, Jamin, lo Eker. Jerahmeel le Atarah tse kethü a-nu kecha nme ko bin, tson-o au nyu Onam tse kethyü peche nme bin.

²⁷

²⁸Onam nyu peche mihvu bin, Shammai lo Jada lo Shammai nyu peche mihvu bin, Nadab lo Abishur.

²⁹Abishur le Abihail tse kethyü tenu nme lo-o au nyu peche mihvu bin, Anban lo Molid.

³⁰Abishur tsagü Nadab le a-nyu peche mihvu bin-Seled lo Appaim, ai Seled le a-nyu peche nme-e ndio sila.

³¹Appaim nyu le Ishi, Ishi nyu le Sheshan, Sheshan, nyu le Ahlai.

³²Jada, Shammai sikezen gü le a-nyu peche mihvu bin, Jether lo Jonathan, ai Jether le a-nyu peche nme-e ndio sila.

³³Jonathan le a-nyu peche mihvu bin, Peleth lo Zaza. Hidan hi aphu Jerahmeel tsipwen.

³⁴Sheshan le a-nyu peche ndi, tenu nyu nti. A-le Jarha tse kethyü Ijipt nyu a-go nme le bin,

³⁵a-le a-nyugi nme no tsü güka kalu. Au nyu a-zan le Attai tse kethyü peche nme biin.

³⁶Attai ka gü Elishama keti kami le hihontse: Attai, Nathan, Zabad,

⁴¹Jekamiah, lo Elishama.

⁴²Kaleb nyuri gü Jerahmeel sikezen gü zan le Mesha. Mesha nyu le Ziph, Ziph nyu le Mareshah, tsü le Herbon a-pvü.

⁴³Herbon le nyu peche mizi bin:Korah, Tappuah, Rekem, lo shema.

⁴⁴Shema nyu le Raham, lo Raham nyu le Jorkeam. Shema sikezen gü Rekem nyu le Shammai,

⁴⁵tsü le Maon a-pvü, Maon nyu le Bethzur.

⁴⁶Kaleb le Ephah tse kethyü a-thenu nme le bin, au nyu peche mishen le bin sin: Haran, Mora, lo Gazez. Haran ko a-nyu a-zan le Gazez tse kethyü nme le bin.

⁴⁷(Jahdai tse kethyü temi nme le a-nyu pehe mitsero bin: Regem, Jotham, Geshan, Pelet, Ephah, lo Shaaph.)

⁴⁸Kaleb le a-thenu kecha Maakah tse kethyü le bin, tsügi le peche mihvu nnyu pe atsü, Sheber, lo Tirhanah.

⁴⁹Tsüsiki tsügi le peche mihvu nnyu sin shü; Shaaph, Madmannah rünyi fü keshü gü; lo Shevah, Machbenah lo Gibeah rünyi fü keshü gü tse. Tsünyeki Kaleb nyugi Achsah tse kethyü le bin.

⁵⁰Hidan hiko Kaleb tsipwen: Hur le Kaleb nyuri gü, lo a-nu le Ephrath. Hur nyugü Shabal le Kiriath Jearim fü shü,

⁵¹a-nyu mihvu gü Salma le Bethlehem fü shü, lo a-nyu mishen gü Haraph le Bethgadar fü shü.

⁵²Shobal, Kiriath Jearim fü keshü gü le Haroeh temi Menuhoth ka kebin nyu ponha bon,

⁵³lo Kiriath Jearim nyu yhun kebin pfüphun hidan bon: Ithritnyu, Puthnyu, Shumathnyu lo Mishranyu. (Zorah lo Eshtaol nyida nyu temi le pfüphun hidan temi.)

⁵⁴Salmah, Bethlehem fü keshü gü le Atroth Beth Joab, lo Zorit ka Netophath nyu temi, anyugun le Manahath pfüphun hvu nme kanyu.

⁵⁵(Lesü kethu lo thukela kesha pfüphun hidan le Jabez rünyi: Tirathnyu, Shimeathnyu, lo Sukathnyu ka yhun. Anyugun le Rechab nyu zen kelo kethyü Kenitnyu temi.)