Read Southern Rengma Naga 1 BINYOH 23 Bible Online

1 BINYOH 23 - Southern Rengma Naga bible

1 BINYOH 23

¹David le thensa kela ki a-le a-nyugü Solomon no Israel raja thyülo.

²Raja David le Israel sharhinyu aphu, püshükeda nyu aphulo Levinyu tse ko kequen shü.

³A-le Levinyu peche nyu a-keyhun chen shenryü lo tsü so nyu aphu swülo. Kesin keshü le yie shenryüo tetse.

⁴Raja gü le temi yie nki pezi no Kershvuka nyulotho thyü lo yie tsero no kethu nyu thyü, lo mejün kera,

⁵yie zi no rikhun thothyü, lo yiezi no raja gü le hi genyu khikeshü lükhin sen lüthyü Npugü shwe lotse kenjün shü.

⁶David le Levinyu pfüshen le kebin hontse anyugun kenjün pe jünshen thyüshü: Gershon, Kohath lo Merari.

⁷Gershon le a-nyu peche mihvu bin: Ladan lo Shimei.

⁸Ladan le a-nyu peche mishen bin: Jehiel, Zetham, lo Joel,

⁹tsüdan le Ladan tsipwen pfüphun sharhi dan. (Shimei le a-nyu peche mishen bin: Shelomoth, Haziel lo Haran.)

¹⁰Shimei le a-nyu peche mizi bin: Jahath, Zina, Jeush lo Beriah, n che peshü kethen keshü. Jeush lo Beriah au le tsipwen kechon ndi, tsügenyu swü pe pfüphun nme thyüla.

¹²Kohath le a-nyu peche mizi bin: Amram, Izhar, Hebron, lo Uzziel,

¹³a-nyuri gü Amram le Mosa lo Aaron au pvü. (Aaron lo a-tsipwen dan khikho kecha thyü pe kethonthen kenshün hon dan ntsen, Npugü kershvu ka tharün kegwa ro, a-lothyü lo a-zan nyu jochü pe temi dan tsü.

¹⁴Ai Sunggigü temi gü Mosa tsipwen we pe Levinyu dan nyu shüla.)

¹⁵Mosa le a-nyu peche mihvu bin: Gershom lo Eliezer.

¹⁶Gershom nyu dan sharhi gü le Shebuel.

¹⁷Eliezer le a-nyu peche nme Rehabiah nti bin, ai Rehabiah le a-tsipwen kechon le bin.

¹⁸Kohath nyu kenyhun gü Izhar le a-nyu peche nme bin, a-zan le Shelomith, pfüphun gü pe gü.

¹⁹Kohath nyu mishen gü Hebron le a-nyu peche mizi bin: Jeriah, Amariah, Jehaziel lo Jekameam.

²⁰Kohath nyu mizi gü Uzziel le a-nyu peche mihvu bin: Micah, Isshiah.

²¹Merari le a-nyu peche mihvu bin: Mahli lo Mushi. Mahli ko a-nyu peche mihvu bin: Eleazar lo Kish,

²²ai Eleazar le a-nyu tenunyu nti a-me peche nme ndi tse sila. A-nyu dan le anyugun nyo Kish nyu da ka kalu.

²³Merari nyu kenyhun gü Mushi le a-nyu peche mishen bin: Mahli, Eder, lo Jeremoth.

²⁴Hidan hile Levi tsipwen pfüphun lo kaminyu anyugun aphu zan thu külo. A-tsipwen chen nki lo tsüsoki nyu aphu Npugü Kershvuka nyu thatho thyü kü.

²⁵David le zoshü, “Israel nyu Npugü Sunggigü le gwaketho pe a-temi tsüla so, lo a-le kethonthen Jerusalem nyu yhun ti.

²⁶Tsügenyu Levinyu le Npugü kehü phika gü lo kerüshvu ka sen kehü kanyü dan pensin kethyüi ndi so.”

²⁷David senkethyü jo kenkhin gü then-o Levinyu aphu chen nki pen lolo lotha thyü nrün a-zan thu lola hü,

²⁸tson-o thatho hidan pe anyugun tsü hü. Aaron tsipwen püshükeda dan kecheo Kershvuka nyu kerüshvu thyü; kamhun lo katsen dan nucha, lo kenshün kanyü aphu no rhula mvu nrün genyu ketsen hü;

²⁹tensü pe Npugü kerüshvu, kerüshvu ka sen nrün tho, kebu no shükemvu tensü; tensü tse pe kerüshvu, lo tho pe oliv terzü kerhün kethyü; Kershvuka nyu tha hokeshü kensu sü lo ndo;

³⁰lo lonyü kheje tsen Npugü shwe lo a-zan kechwi thyü

³¹lo lihi gwenkho kae Sabbath, Shyekeshün Nga nmvue nga kecha ka kerüshvu rope Npugü ki keshü. Gwenkho nmeme ka Levinyu mi dikho no thatho higü thyü tiyo tejvü thyü lahü. Gwenkho aphu Levinyu no Npugü rüshvubin nrün tha lahü.

³²Anyugun no Npugü kehü phika lo Kershvuka gü nyu a-nyugun shvunye nyu, Aaron tsipwen püshükeda nyu le Kerüshvuka nyu kerüshvu tho ka keche nrün khvu pe tsü küla.