Read Southern Rengma Naga 1 BINYOH 24 Bible Online

1 BINYOH 24 - Southern Rengma Naga bible

1 BINYOH 24

¹Aaron nyenyu kenjün keshü le hidan hi. Aaron le a-nyu peche mizi bin: Nadab, Abihu, Eleazar, lo Ithamar.

²Nadab lo Abihu le au tsipwen ndi tse au pvü mhundyü sila, tson-o au sikezen Eleazar lo Ithamar hvu le püshükeda thyülo.

³Raja David le Aaron nyenyu dan tho ka anyugun kenjün pe a-dan dan thyülo. Eleazar nyenyu ka Zadok lo Ithamar nyenyu ka Ahimelech tse le a-keche shü.

⁴Eleazar nyenyu kenjün pe dan tseryüo tsero thyü ai Ithamar nyenyu we kenjün pe tetse thyüshü; Eleazar kaminyu peche nyu le chonkvu kela genyu hihontse shü.

⁵Kershvuka nyu kedanyu lo kapu denzin sharhi le Eleazar lo Ithamar au mihvu nren nyenyu ka kebin genyu henshwio lotho dan kenjün shü.

⁶Eleazar lo Ithamar au nyenyu dan le keserio henshwi. Tson-o Levinyu kethu gü Nethanel nyugü nyugü Shemaiah le thu lo.Raja gü, a-hensin kedanyu, püshükedagü Zadok, Abiathar nyugü Ahimelech, püshükeda kami pe dan, lo Levinyu temi hidan aphu no shahu thyü.

⁷Kami nki pezi dan kekhin keri thyüo anyugun lotho pe tenyen shü: 1) Jehoiarib; 2) Jedaiah; 3) Harim; 4) Seorim; 5) Malchijah; 6) Majamin; 7) Hakkoz; 8) Abijah; 9) Jeshua; 10) Shekaniah; 11) Eliashib; 12) Jakim; 13) Huppah; 14) Jeshebeab; 15) Bilgah; 16) Immer; 17) Hezir; 18) Happizzez; 19) Pethahiah; 20) Jehezkel; 21) Jachin; 22) Gamul; 23) Delaiah; 24) Maaziah.

¹⁹Temi hidan zan thu lo-o anyugun no Kershvuka nyu gü a-nyu bon Aaron le Israel nyu Npugü Sunggigü jokezen nyu binzen keshü pe anyugun tenyen keshü tho gü thyüzin ti.

²⁰Hile Levi tsipwen kami kecha pe dan: Amram nyugü Shebuel tsipwen ka Jehdeiah;

²¹Rehabiah tsipwen ka Isshiah;

²²Iszha nyugü Shelomith tsipwen ka Jahath;

²³Hebron nyu peche ju nche peshü kekethen: Jeriah, Amariah, Jehaziel, lo Jekamean;

²⁴Uzziel nyugü Micah tsipwen ka Shamir;

²⁵Uzziel nyugü Micah sikezen gü Isshiah tsipwen ka Zechariah;

²⁶Merari tsipwen ka Mahli, Mushi, lo Jaaziah.

²⁷Jaaziah le a-nyu peche mishen bin: Shoham,Zaccur, lo Ibri.

²⁸Mahli le a-nyu peche mihvu bin: Eleazar lo Kish, Eleazar ,le a-nyu peche ndi, ai Kish le a-nyu peche nme bin, Jerahmeel.

³⁰Mushi le a-nyu peche mishen bin: Mahli, Eder, lo Jermoth. Hile Levi kami dan.

³¹Kami nmeme ka a-pe gü lo a-sikezen gü no anyugun shvunye Aaron nyenyu püshükeda ju hontse henshwio anyugun tenyen keshü tho kejülo. Raja David, Zadok, Ahimelech, püshükeda dan kami pe ju lo Levinyu ju le tsü shahu thyü.