Read Southern Rengma Naga 1 BINYOH 25 Bible Online

1 BINYOH 25 - Southern Rengma Naga bible

1 BINYOH 25

¹Raja David lo Levinyu sharhi ju le Levi pfüphun hidan kejü pe kerüshvu kehun sharhi thyü lo tse shü: Asaph, Heman, lo Jeduthun. Anyugun le harp lo cymbal sen lüthyüo Sunggigü jo zo nrün dan. Hile dan meme tse kerüshvu gwenkho ka lotho thyünrün genyu kejükelo dan zan:

²Asaph nyu peche mizi: Zaccur, Josef, Nethaniah, lo Asharelah. Anyugun le Asaph tsonketsin then-o lihi gwenkho kae raja gü le johoshü lo Sunggigü jo zo nrün ju dan.

³Jeduthun nyu peche mi tsero le bin: Gedaliah, Zeri, Jeshaiah, Shimei, Hashabiah, lo Mattithiah. Anyugun pvü tsonketsin then-o harp sen Npugü keshwe lo chenkeno lüthyüo Sunggigü jo zo hü.

⁴Heman nyu le peche mi tseryü pezi le bin: Bukkiah, Mattaniah, Uzziel, Shebuel, Jerimoth, Hananiah, Hanani, Eliathah, Giddalti, Romamti, Ezer, Joshbekashah, Mallothi,Hothir, lo Mahazioth.

⁵Sunggigü le peche tseryü pezi lo tenunyu mishen tse pe raja gü sidyükesha gü Heman tsüshü, kekvu pe Heman tsü nrün genyu a-le zoshwishü kenjü hontse.

⁶A-nyu peche dan aphu a-pvü tsonketsin then-o Kershvuka nyu kerüshvu gwenkho ka cymbal lo harp sen hü. L0 Asaph, Jeduthun, lo Heman tse le raja gü ahza then-o thathyü hü.

⁷Temi nki pezi hi aphu tha thyüsha; lo anyugun temi Levinyu dan le lüthyü keshanyu. Anyugun aphu kesin le temi 288.

⁸Nche lo peshü gü-e, thyükesha lo binzen kebin gü-e thatho pe tenyen nrün genyu anyugun aphu henshwio thyü.

⁹Kamimi ka temi 288 hi kenjün pe dan me ka tseryü kenyhun thyüo dan nki pezi thyü lo-o sharhi nme me no tsü ketsen. Anyugun le hi then-o a-nyu thothyü: 1) Josef, Asaph kami nyu; 2) Gedaliah; 3) Zaccur; 4) Zeri; 5) Nethaniah; 6) Bukkiah; 7) Asharelah; 8) Jeshaiah; 9) Mattaniah; 10) Shimei; 11) Uzziel; 12) Hashabiah; 13) Shebuel; 14) Mattithiah; 15) Jerimoth; 16) Hananiah; 17) Joshbekashah; 18) Hanani; 19) Mallothi; 20) Eliathah; 21) Hothir; 22) Giddalti; 23) Mahazioth; 24) Romamti Ezer.