Read Southern Rengma Naga 1 BINYOH 4 Bible Online

1 BINYOH 4 - Southern Rengma Naga bible

1 BINYOH 4

¹Hidan hile Juda tsipwen peha: Perez, Herzon, Karmi, Hur, lo Shobal.

²Shobal nyu le Reaiah, tsügü nyu le Jahath, tsügü nyu le Ahumai lo Lahad, Zorah nyu keyhun temi dan bon.

³Hur le a-pvü Kaleb nu Ephrath nyuri gü, lo a-tsipwen dan le Bethlehem nyida gü fü shü. Hur le a-nyu peche mishen bin: Etam, Penuel, lo Ezer. Etam le a-nyu peche mishen bin: Jezreel, Ishma, lo Idbash, lo Hazzelelponi tse kethyü tenunyu nme ko bin. Penuel le Gedor nyida gü lo Ezer le Hushah tse fü shü.

⁵Ashhur,Tekoa rünyi fü keshü gü le a-nu mihvu bin: Helah lo Naarah.

⁶Naarah au nyu le peche mizi bin: Ahuzzam, Hepher, Temeni, lo Haahashtari.

⁷Ashhur lo Helah au nyu le peche mishen bin: Zereth, Izhar lo Ethnam.

⁸Koz le Anub lo Zobebah au pvü, lo Aharhel, Harum nyugü tsipwen pfüphun dan bon.

⁹A-zan le Jabez tse kethyü, a-kami dan nyu teshwen kepfü tsin temi nme le bin. A-kenyu ka kenjün thyüsa kethyü genyu a-jvü le a-zan pe Jabez tholo.

¹⁰Jabez le Israel nyu Sunggigü ka kehi thyü, “Sunggigü, jochü pe atsü lo kazü kechon pe atsülo. Azen hülo, lo a nthyü nnyü lo kegwa aphu nyu a ntsenlo ta,” tsonshü. Tsontsin Sunggigü le a-kehi thyü pe tsü.

¹¹Kaleb, Shuhah sikezen gü le a-nyu peche nme a-zan le Mehir tse kethyü le bin. Mehir nyu le Eshton,

¹²tsügü le a-nyu peche mishen bin: Bethrapah, Paseah, lo Tehinnah. Tehinnah le Nahash nyida gü fü shü. Temi hidan tsipwen le Recak ka yhun.

¹³Kenaz le a-nyu peche mihvu bin, Othniel lo Seraiah. Othniel le a-nyu peche mihvu bin: Hathath lo Meonothai.

¹⁴Meonothai nyu le Ophrah. Seraiah nyu le Joab, a-le thathyü keshanyu kazü ketejon gü fü shü, tsü nyu temi aphu thathyü keshanyu.

¹⁵Kaleb, Jephunneh nyugü le a-nyu peche mishen bin: Iru, Elah, lo Naam. Lo Elah nyu le Kenaz.

¹⁶Jehallelel le a-nyu peche mizi bin: Ziph Ziphah, Tiria lo Asarel.

¹⁷Ezrah le a-nyu peche mizi bin: Jether, Mered, Epher, lo Jalon. Mered le Ijipt raja nyugi Bithaih lo-o a-nyu tenunyu nme bin, Mirian lo a-nyu peche mihvu bin: Shammai lo Ishbah. Ishbah le Eshtemoa rünyi fü shü. Mered le Juda tsipwen ka tenu kecha nme ko lo-o a-nyu peche mishen bin: Jered, Gedor fü keshü gü; Heber, Soko rünyi fü keshü gü, lo Jekutiel, Zanoah rünyi fü keshü gü.`

¹⁹Hodiah le Naham lügi lo. Anyugun tsipwen le Keilah lo Eshtemoa nyu rünyi nyu yhun kebin Garm pfüphun dan, lo Maakath pfüphun fü shü.

²⁰Shimon le a-nyu peche mizi le bin: Amnon, Rinnah, Benhanam, lo Tilon. Ishi le a-nyu peche mihvu bin: Zoheth lo Benzoheth.

²¹Shelah le Juda nyu peche nme. A-tsipwen le Er, Lecah rünyi fü keshü gü ko sin; Laadah, Maresha rünyi fü keshü gü, Beth Ashbea rünyi ka kebin linen phi do kehü pfüphun;

²²Jokim lo Kozeba rünyi nyu yhun kehü dan; Joash lo Saraph, Moab nyu tenu lo-o Bethlehem nyu yhun tinkela dan. (Hile nduka nyu rüla.)

²³Anyugun le Netaim lo Gederah rünyi nyu yhun-o raja gü lothyüo la thyü kehü nyu.

²⁴Simeon le a-nyu peche mipvün le bin: Nemuel, Jamin, Jarib, Zerah, lo Shaul.

²⁵Shaul nyu le Shallum, a-nyu gü nyu le Mibsam, lo a-nyugü nyugü nyu le Mishma.

²⁶Tson-o Mishma tsipwen ge Hammuel Zaccur lo Shimei.

²⁷Shimei le a-nyu peche tseryüo tsero lo tenu tsero tse bin, ai a-shvunye le a-nyenyu rho, tsügenyu Simeon tsipwen le Juda tsipwen hontse chon mvu.

²⁸Tsüryü David gwenkho keti Simeon tsipwen le rünyi hidan ka yhun: Beersheba, Moladah, Hazarshual,

²⁹Bilhah, Ezem, Tolad,

³⁰Bethuel, Hormah, Ziklag,

³¹Beth Marcaboth,Hazarsusim, Bethbiri, lo Shaaraim.

³²Anyugun le bin kecha pvün ka ko yhun: Etam, Ain, Rommon, Tochen, lo Ashan,

³³lo tsüte kehun rünyi dan, gü tesin-nkhün zin Baalath rünyi keti. Hidan hile anyugun le thu pe bin kenjü anyu kami lo anyugun keyhun bin dan.

³⁴Anyugun pfüphun ka temi kentsen dan le hidan: Meshobab, Jamlech, Amaziah nyugü Joshah, Joel, Jehu (Joshibiah nyugü, Seraiah nyugü, Asiel nyugü), Elioenai, Jaakobah, Jeshohaiah, Asaiah, Adiel,Jesimiel, Benaiah, Ziza (Shiphi nyugü, Allon nyugü, Jedaiah, Simri, lo Shemaiah tsipwen nyu nme.) Anyugun kami le chvü kenye kebin genyu,

³⁹anyugun le nkhün zin hen gü Gerar ti kesa, lo anyugun tanyü no a-chvü lotyü gü nphozin ketejon nyu nyida gü tila.

⁴⁰Anyugun le kazü senru chvü kebin kebwen kegwa, kevükeben kendi lojvü keda le kebin hyulo. Tsü mhundyü Hamit nyu le tsü nyu yhun.

⁴¹Juda raja Hezekiah gwenkho ka tesoki temi zan thu kebin dan le Gerar ki gü tsü nyu yhun kebin dan phika lo ka kecha dan nkela. Tsünyu anyugun tanyü chvü le chonsa kebin genyu anyugun le tsüdan hü shwilao binzin tinla.

⁴²Simeon tsipwen kecha tsipvün le nphozin Edom ki güla, Ishi nyu dan Pekatiah, Neariah, Rephaiah, lo Uzziel tse le anyugun zen-o.

⁴³Anyugun le Amelek nyu temi tin kensen dan boshvulao tsü gerho tsünyu bin lola.