Read Southern Rengma Naga 1 BINYOH 5 Bible Online

1 BINYOH 5 - Southern Rengma Naga bible

1 BINYOH 5

¹Hidan hile Jakob nyuri gü Reuben tsipwen. (A-le a-pvü thenu nme zenzhü kela genyu nyuri jün pe Josef tsüla.

²Juda tsipwen no kekvutsin thyü chwiryü tsipwen kecha dan aphu so keda thyü nrün khishü la.)

³Jakob nyuri gü Reuben le a-nyu peche mizi bin: Hanoch, Pallu, Hezron, lo Karmi.

⁴Hidan hile Joel tsipwen ge yhun tsü keryü: Shemaiah, Gog, Shimaaei, Micah, Reaiah, Baal, lo Beerah. Assiria nyu raja gü Tiglath-pileser le kami sharhi gü Beerah tenzen dothyü tinla.

⁷Reuben tsipwen ka pfüphun dan sharhi pe kami rüla lesü nyu thu kebin le hidan: Jeiel, Zechariah,

⁸lo Bela, Shema nyugü Azaz nyugü, Joel pfüphun ka. Pfüphun higü le Aroer lo Nebo tesozin lo Baal Meon lojvü nyu yhun hü.

⁹Anyugun le Gilead ka senru kechon le bin, tsügenyu nphozin gü kazü kesi gü ka gü Eufrates züri keti aphu nkhinlo.

¹⁰Raja gü Saul gwenkho ka Reuben tsipwen le gü Hagritnyu wheo tsüdan galao anyugun kazü Gilead nphozin nkhen lola.

¹¹Gad tsipwen le Reuben sozin Bashan kazü nphozin gü Selecah keti nyu yhun.

¹²Pfüphun tsügü nyu sharhi gü le Joel, tsüsika a-zan kechwi tsin gü le Shapham pfüphun, Janai lo Shaphat au le Bashan nyu pfüphun kecha dan fü shü.

¹³Tsipwen tsügü ka pfüphun kecha tsenyü dan le hi: Michael, Meshullam, Sheba, Jorai, Jacan, Zia, lo Eber.

¹⁴Anyugun le Huri nyugü Abihail tsipwen, anyu bon nyu swü tsü keryü le hihontse: Abihail, Huri, Jaroah, Gilead, Michael, Jeshishai, Jahdo, Buz,

¹⁵Ahi, Abdiel nyugü a-bon le Guni le pfüphun hidan pe gü.

¹⁶Anyugun le Bashan lo Gilead lojvü, tsünyu rünyi dan lo Sharon kazü senru chvü kelo bin tsü ka yhun.

¹⁷(Juda raja Jotham lo Israel raja Jeroboam II gwenkho ka thu pe bin kenjü hidan fü pe kerhün lo,)

¹⁸Reuben, Gad, lo nphozin kebin Manasseh hidan tsipwen ka gida, zhethon lo tholevü tse sen shasa kela shüpahü 44,760 le bin

¹⁹Anyugun le gü Hagrite tsipwen Jetur, Naphish lo Nodab dan zen-o terithyü.

²⁰Anyugun le Sunggigü tenyen-o a-ka keche hishü, tsontsin Sunggigü le anyugun kehi nyü shüo anyugun no Hagrite lo a-shwa thyüryü kebin dan sokvulo.

²¹Anyugun le shwikerüchün nyu dan hon ut,50,000, tanyü 250,000 lo gada 2,000 lo temi 100,000 tse ten lola.

²²Teri gü le Sunggigü kendo kela genyu anyugun le shwikerüchün nyu kechon gala, tson-o anyugun le lojvü tsügü nyu yhun bin-o mele anyugun tenzen tinkela ti.

²³Manasseh temi nphozin kipon nyu le Bashan lojvü nyu bin nsin gü teso tsin ki Baal Hermon, Senir, Hermon kazüthun ti, lo anyugun temi le chvü kenye sala.

²⁴Anyugun pfüphun ka temi kentsen le hidan: Epher, Ishi, Eliel, Azriel, Jeremiah, Hodaviah, lo Jahdiel. Anyugun aphu anyu pfüphun dan nyu shüpahü kepeche lo mele kesha sharhi nyu.

²⁵Ai temi dan le anyugun bon nyu Sunggigü jozen mvuo a-khelao gü Sunggigü le kazü gü nyu hü kela senye dan tero rüshvu tinla.

²⁶Tsügenyu Sunggigü le Assiria nyu raja Pul (Tiglath-pileser tse kehü gü) no anyugun kazü lolo la. A-le Reuben, Gad, lo Manasseh nphozin kipon nyu tse tenzen gü anyugun no Halah, Babor, Hara lo Gozan züri ki bin tinla.