Read Southern Rengma Naga 1 BINYOH 7 Bible Online

1 BINYOH 7 - Southern Rengma Naga bible

1 BINYOH 7

¹Issachar le a-nyu peche mizi bin: Tola, Puah, Jashub lo Shimron.

²Tola le a-nyu peche mitsero bin: Uzzi, Rephaiah, Jeriel, Jahmai, Ibsam, lo Shemuel. Anyugun le Tola pfüphun ka a-pe lo shüpahü a-zan kechwi dan. Raja David gwenkho ka anyugun tsipwen le temi 22,600 le bin.

³Uzzi le a-nyu peche nme bin, a-zan le Izrahiah. Izrahiah le a-nyu peche mizi bin: Michael, Obadiah, Joel, Isshiah, aphu kami dan sharhi.

⁴Anyugun nunyu lo anyugun nyenyu kechon le bin-o anyugun le shüpahü 36,000 chwilo kegwa le bin.

⁵Issachar tsipwen ka kami aphu zan thu kelo le teri thyülo kegwa temi 87,000 le bin.

⁶Benjamin le a-nyu peche mishen bin; Bela, Becher, lo Jediael.

⁷Bela le a-nyu peche mipvün bin: Ezbon, Uzzi, Uzziel, Jerimoth, lo Iri. Anyugun le anyu pfüphun ka kami sharhi lo anyugun aphu shüpahü a-zan kechwi nyu. Anyugun tsipwen ka shüpahü thyülo kegwa temi 22,034 le bin.

⁸Becher le a-nyu peche mi tekü le bin: Zemirah, Joash, Eliezer, Eleoenai, Omri, Jeremoth, Abijah, Anathoth, lo Alemeth.

⁹Anyugun tsipwen ka terithyü lo kegwa zan thu kelo le temi 20,000.

¹⁰Jediael le a-nyu peche nme bin: a-zan le Bilhan lo Bilhan le a-nyu peche mitsenyü bin: Jeush, Benjamin, Ehud, Chenaanah, Zethan, Tarshish, lo Ahishahar.

¹¹Anyugun le pfüphun tsü gü nyu kami sharhi dan lo anyugun aphu shüpahü a-zan kechwi nyu. Anyugun tsipwen ka terithyülo kegwa zan thu kelo le temi 17,200.

¹²Shuppim lo Huppim au ko tsipwen higü temi. Dan le a-nyu peche nme bin, a-zan le Hushim.

¹³Naftali le a-nyu peche mizi bin: Jahziel, Guni, Jezer, lo Shallum. (Anyugun le Bilhah tsipwen.)

¹⁴Manasseh le a-thenu Aramean tenugi anu nyu peche mihvu bin: Asriel lo Machir. Machir le Gilead a-pvü.

¹⁵Machir le tenu nme me fü pe Huppim lo Shuppim au tsüshü. A-lügi zan le Maacah. Machir nyu peche kenyhun gü Zelophehad le a-nyu tenu nyu nti bin.

¹⁶Machir nu Maacah le peche mihvu nnyu lo-o anyugun le au zan pe Peresh lo Sheresh tse tholo. Peresh le a-nyu peche mihvu bin: Ulam lo Rakem,

¹⁷lo Ulam le a-zan le Bedan tse kethyü a-nyu peche nme bin. Hidan hi aphu Machir nyugü Gilead tsipwen, a-bon le Manasseh.

¹⁸Gilead lügi Hammolecheth le a-nyu peche mishen bin: Ishod, Abiezer, lo Mahlah.

¹⁹(Shemida le a-nyu peche mizi bin: Ahian, Shechem, Likhi lo Aniam.)

²⁰Hile Efraim tsipwen ka kela kegun dan: Shuthelah, Bered, Tahath, Eleadah, Tahath,

²¹Zabad, Shuthelah. Efraim le Shuthelah nyeki a-nyu peche kecha mihvu le bin: Ezer lo Elead, au le Gath ka keyhun nyu senru rühu kethyü ka mele au gala.

²²Au pvü Efraim le jon kethon au chechü, tson-o a-shvunye ju le ryü a-nyuthyü nbwen hü.

²³Tson-o a-le a-nu zen kengü nishüo tsügi le nyuphu pfülo-o peche nme nnyulo. Lo anyugun le a-zan pe Beriah tholo, kekevü le anyugun kami nyu keryü genyu.

²⁴Efraim le a-nyu tenu a-zan le Sheerah tse kethyü nme bin.Tsügi le Beth Horon teso gü lo Tesin gü lo Uzzem Sheerah tse rünyi dan thyü shü.

²⁵Efraim le a-nyu peche a-zan le Rephah tse kethyü nme ko bin, tsügü tsipwen le hidan: Resheph, Telah, Tahan,

²⁶Ladan, Ammihud, Elishama,

²⁷Nun, Joshua.

²⁸Anyugun le lolo-o tsünyu binlo kela lojvü le Bethel lo tsü kehun rünyi, npho kipon Naaran lo nkhün kipon Gezer lo tsü kehun rünyi dan keti. Tsü le Shechem lo Ayyah nyida hvu lo tsü kehun rünyi dan ko sin.

²⁹Manasseh tsipwen dan le Beth Shan, Taanach, Megiddo, lo Dor nyida dan lo tsü kehun rünyi ketsen lola. Bin hi aphu Jakob, Josef nyugü tsipwen le yhun hü.

³⁰Hile Asher tsipwen dan. A-le a-nyu peche mizi bin: Imnah, Ishvah, Ishvi lo Beriah lo a-nyugi Serah ko bin.

³¹Beriah le a-nyu peche mihvu bin: Heber lo Malchiel. (Malchiel le Birzaith nyida gü füshü.)

³²Heber le a-nyu peche mishen bin: Japhet, Shamer, lo Hotham; lo tenunyu Shua tse kethyü nme le bin.

³³A-sikezen gü Shomer le a-nyu peche mishen bin: Rohgah, Jehubbah, lo Aram.

³⁴Japhlet ko a-nyu peche mishen bin: Pasach, Bimhal lo Ashvath.

³⁵A-sikezen gü Hothan le a-nyu peche mizi bin: Zophah, Imna, Shelesh lo Amal.

³⁶Zopha tsipwen ler, Suah, Harnepher, Shual, Beri, Imrah.

³⁷Bezer, Hod, Shamma, Shilshah, Ithran, lo Beera.

³⁸Jether tsipwen le Jephunneh, Pispa lo Ara,

³⁹lo Ulla tsipwen le Arah, Hanniel, lo Rizia.

⁴⁰Hidan hi aphu Asher tsipwen. Anyugun le kami pe dan, terinyu a-zan chwi kehü, mele shakehü sharhi nyu. Asher tsipwen teri nyu gülo kegwa temi 26,000 le sin.