Read Southern Rengma Naga 2 BINYOH 19 Bible Online

2 BINYOH 19 - Southern Rengma Naga bible

2 BINYOH 19

¹Juda raja Jehoshaphat le gwabin-o rani Jerusalem nyu a-rajaka ki ryülo.

²Tsüselo Henani nyugü sidyükesha gü Jehu le gü raja gü teno-o a-ka zoshü, “Nwe nkerüchün le serikemvu nyu keche kethyü, lo Npugü shwinyümvu kehü nyu kipon kebin le njü letse bin nle? Nle nyuthyü shüyo tsü le Npugü nyunkekhü senryü nge shü laso.

³Tsonya tse ai tha kegwa peha le nge bin. Nle temi le rüshvu kehü terogi Asherah men aphu pe shwe lao Sunggigü kendo then titse nyhen thyü kethyü genyu.”

⁴Raja Jehoshaphat le Jerusalem nyu yhun hü-e tesin kipon Beersheba ka gü tesozin Efraim rincho te keti a-temi dan nyu njwen zin hü, temi dan kope no rani Npugü anyugun pvübon nyu Sunggigü ki ryü nrün genyu.

⁵A-le Juda nyida chwida kebin dan ka kerathü nyu nmeme kejü shü,

⁶tson-o anyugun tsontsin shü: “Jokerathü kethyü ka pütsü salo; hagun le temi kekvu mvu, ai Npugü kekvu nyu thatho thyü bin nle, lo hagun le jopenron keshü ka a-le hagun zen hü.

⁷N0pugü rühvulo, lo pütsü sao thatho thyülo, Npugü ngun Sunggigü le njü kemvu, peha nyu sokecha kethyü nmvue jvüjwe tsü nhe bin loho.”

⁸Jehoshaphat le Jerusalem nyu Npugü tejvü gü gwenrho nmvue kekevü le nyida gü nyu soryü lo kerathü shü nrün genyu Levinyu, püshükedanyu lo phenyünyu peha kejü pe sharhi thyülo.

⁹A-le jo hidan pe anyugun ka zoshü: “Hagun le Npugü kenshvu nyu hagun tho thyü mvu loshvu, tha lihi ka-e a-jo kezen nyu bin ketsin thyülo.

¹⁰Nyida lika hika-e hagun temi le teshü, nmvue tejvü, nmvue johokeshü gwenrho kela sen hagun kiryü yatselo, anyugun no Npugü mhundyü nyu mula mvu nrün genyu anyugun ketso kethyü anyu no dihontse tse mvulo shvu yo zo kegwa thyü pe zenshü mvulo shvu. Tson mvuya tselo hagun lo hagun temi-e Npugü nyunkekhü pfüti. Ai hagun le hagun tho gü thyüshü yatselo hagun le mu mvu loti.

¹¹Nyünyü kipon yatselo püshükengun gü Amariah jo nyu tha aphu pen ti, lo kekevü kecha aphu Juda lojvü ahng gü Ishmail nyugü Zebadiah jonyu pen ti. Levinyu dan le dihontse jokerapen loyo tsü shwi ti. Tsügenyu zoshü kebin dan hi pecheo thyülo, lo Npugü no kenjü gü kipon bin lo nda!”