Read Southern Rengma Naga 2 BINYOH 3 Bible Online

2 BINYOH 3 - Southern Rengma Naga bible

2 BINYOH 3

¹Raja David, Solomon a-pvü le Kershvuka bin ketsükela pe binla. Tsüle Jerusalem nyu Moriah kazüthun ge, Npugü le David yhühyu thyükeshü, Jebus nyu Araunah le shyenyuh kehü bin. Raja Solomon le,

²Raja thyükelo chenzi gü shye hvu ka kagü thyü so.

³Raja Solomon le thyükeshü Kershvuka gü le a-kethon le miter nkio tsenyü lo keda le miter tekü.

⁴Khenpfü katsen gü le Kershvuka kenmhun miter tekü aphu pe thyü, lo ketetso le miter henpvün pezi. Katsen nyuzin le suna ketsin pe a-so jela.

⁵Katsen lvü gü le sedar sen pe hü- lo suna kenshün pe je, tsüge palm bin lo tegi kerasü joja hontse thyü shü.

⁶Raja gü le Parvaim ki sen gun keryü tso minketsen kezegwa lo suna pe Kershvuka nthyü shü.

⁷A-le suna pe Kershvuka kabon, kenpere, kakhin phakho lo kakhin dan so jela. Kabon ge cherub men züshü.

⁸Kanyutsen, Kenshüntsin Bin tse ko kehü gü le kethon miter tekü lo keda miter tekü, tsü Kershvuka gü kenmhun. Suna metric ton nki kela pe Kenshüntsin Bin gü kabon jela;

⁹suna gram 570 pe gojal thyü, lokatsen teso gü kabon ko suna pe je.

¹⁰Raja gü le tegi pe cherub kenyhun thyülo-o suna pe je lo-o pe Kenshuntsin Bin günyu shü lotse ahza shü,

¹¹tsühvu le lizin hizin so-o khenpfü ntsun bin. Nme le a-sekin kenyhun yhun, sekin nme le miter 2:2, tsü sükhun pe katsen lvü nyu nme me kesü lo kechazin le gü katsen lizin hizin ka kenmhun miter 9 tsü ti.

¹⁴Kenshüntsin Bin genyu kesunphi le linen lo tha kecha nzi, meren, lo nhon a-ge cherub zü kethyü pe thyü.

¹⁵Raja gü le kachon kethon le miter tseryü pvün-o peha kethyü kenyhun pe Kershvuka mhundyü zin shü, nmeme ge a-pekesen miter 2:2 le bin.

¹⁶Kachon hvu raki kerasü men lo lazo kheratyüsha tsime men zü shü.

¹⁷Kachon hvu pe Kershvuka nyu keyü khenpfü lizin hizin shü: tesin zin gü zan pe Jachin lo tesozin gü zan pe Boaz tse thoshü.