Read Southern Rengma Naga EZRA 10 Bible Online

EZRA 10 - Southern Rengma Naga bible

EZRA 10

¹Ezra le Kershvuka gü mhundyü nyu nkhün-o kehithyüo, chü lo kemu hidan zoshwi kebin ka- Israel nyu peche, tenu, lo ntsenyu temi kechon le a-hunpfüo chüsa bin.

²Tsüselo Elam pfüphun ka Jehiel nyugü Shecaniah le Ezra ka zoshü, “Agun le sinrünyi gü lü lo-o Sunggigü mhundyü nyu mu laso, tson yatse-e Israel nyu genyu kenrin nme le bin zun le.

³Ntsoka ngun le tenunyu hidan lo anyu nyenyu dan nila titse Sunggigü ka sweo ngun joshü lamvu loshvu. Agun le nle lo Sunggigü johokeshü rühvu kehü kechanyu dan le agun no nyuthyü lo tseyo tsü thyü ti. Sunggigü tejvü gü le nyuthyülo tseyo agun le thyü tile.

⁴Thyüshü nrün tsü le nkhvü, agun le nsika bin nyo, tsügenyu tsü thyülo.”

⁵Tson-o Ezra le püshükeda sharhinyu, Levinyu lo temi a-sen dan no Shecanih le rhikeshü tsü thyü titse keswe nme thyü.

⁶Tsüselo a-le Kershvuka mhundyü nyu bin-o gü Eliaship nyugü Jehohanan le bin kehü kanyu yüo, me dothyü tinkela dan serikemvu genyu tsüje tsüka a-nyungwamvu bin. A-le thame tyütsü mvu.

⁷Jolo nme nipe Jerusalem lo Juda aphu nyu shüo me kazü ki dothyü tinlao ranikeryü nyu aphu Jerusalem nyu keteno ti

⁸temi sharhi dan ahza ka. Ligü higü jonshen jaka ryü mvula yatselo, a-hon aphu khinlo lati, lo a-no me dan nyu temi nme thyülo kegwa -kenjü ndi lati.

⁹Jonshen jaka, shye tekü gü jonryü kenyhun nyü Juda lo Benjamin lojvü nyu keyhun nyu aphu Jerusalem nyu ryü Kershvuka gü kamhun nyu kehun lo. Tsüka tsangri sa lola, tson-o tsangkenri lo thakon kentsen kenthon titse kebin gü genyu aphu ndün kü lola.

¹⁰Püshükeda gü Ezra le solo-o a-nyu ka zoshü, “Hagun le mu laso, hagun le sinrünyi gü lü lo-o kemu senryü Israel nyu ge shü laso.

¹¹Tsügenyu ntsoka, Npugü, hagun pvübon nyu Sunggigü mhundyü nyu hagun kemu zoshwi la, lo nyu le a-kenyü yo tsü thyülo. Tesin ngun kazü nyu yhun kebin nyu dan lo hagun tse kecha thyülo lo hagun nu sinrünyi kecha nyu tsü khela lo.”

¹²Tsontsin temi dan le nrasen-o zonishü, “Nle nyu zoshü yo agun le thyü ti.”

¹³Ai anyu le zosin shü, “Temi dan le chonri lo tsangri sa bin. Agun le hika kendonyu sobin keloi mvu. Hile khenyüme jonhvu ka thyü keloimvu, agun temi kechon le kemu higü nyu bin kela genyu.

¹⁴Agun so kedanyu dan no Jerusalem nyu bin-o mvulo keshvu kon gü shalo. Tson-o gwünkho nme tho shüo sinrünyi ki tenu kelonyu aphu no a-nyida nyu sharhi lo kerathü nyu zen ryülo. Hihontse higenyu Sunggigü nyunkenta no rani lalo.”

¹⁵Asahel nyugü Jonathan lo Tikvah nyugü Jahzeiah au nti a-me kechanyu nme tharhi higü ntsun mvu, Meshullam, Shabbethai Levinyu gü tsele au nopen.

¹⁶Me rünyi ki tinlao ranikeryü dan le tharhi higü le a-kendo la, tson-o püshükeda gü Ezra le pfüphun pe dan kejü lo-o zan thu lo. Shye tseryü gü jonkerinyü tsüfü so,

¹⁷lo tsüsiki shyeshen jaka sinrünyi tenu lo kebin nyu temi aphu fü lola.

¹⁸Hile sinrünyi tenu zen kebin dan zan: Püshükedanyu pfüphun zan thu kelo: Joshua lo atsasikezen nyu, Jehozadak nyudan pfüphun: Maaseiah, Eliezer, Jarib, lo Gedaliah.

¹⁹Anyugun le a-nyu nunyu khe lati tse zoshwishü lo anyugun kemu rora genyu tenyü tse nme khishü.

²⁰Immer pfüphun: Hanani lo Zebadiah

²¹Harim pfüphun: Maaseiah, Elijah, Shemaiah, Jehiel, lo Uzziah

²²Pashhur pfüphun: Elioenai, Maaseiah, Ishmael, Nethanel, Jozabad, lo Elasah

²³Levinyu: Jozabad, Shimei, Kelaiah (Kelita tse ko kehü gü), Pethahiah, Juda, lo Eliezer

²⁴Lükethyünyu: Eliaship Kershvuka rikhun nyu: Shaallum, Telemm, lo Uri

²⁵Kechanyu dan: Parosh pfüphun: Ramiah, Izziah, Malchijh, Mijamin, Eleazar, Malchijah lo Benaiah

²⁶Elam pfüphun: Mattaniah, Zechariah, Jehiel, Abdi, Jeremoth, lo Elijah

²⁷Zattu pfüphun: Elioenai, Eliaship, Mattaniah, Jeremoth, Zabad, lo Aziza

²⁸Bebai pfüphun: Jehohanan, Hananiah, Zabbai, lo Athlai

²⁹Bani pfüphun: Meshullam, Malluch, Adaiah Jashub, Sheal, lo Jeremoth

³⁰Pahath Moab pfüphun: Adna, Chelai, Benaiah, Maaseiah, Mattaniah, Bezalel, Binnui, lo Manasseh

³¹Harim pfüphun: Eliezer, Isshijah, Malchijah, Shemaiah, Shimeon, Benjamin, Malluch, lo Shemariah

³³Hashum pfüphun: Mattenai, Mattattah, Zabad, Eliphelet, Jeremai, Manasseh, lo Shimei

³⁴Bani pfüphun: Maadai, Amram, Uel, Benaiah, Bedeiah, Cheluhi, Vaniah, Meremoth, Eliashib, Mattaniah, Mattenai, lo Jaasu

³⁸Binnui pfüphun: Shemei, Shelemaih, Nathan, Adaiah, Machnadebai, Shashai, Sharai, Azarel, Shelemiah, Shemariah, Shallum, Amariah, lo Joseph

⁴³Nebo pfüphun: Jeiel, Mattithiah, Zabad, Zebina, Jaddai, Joel, lo Benaiah

⁴⁴Temi hidan aphu sinrünyi tenu lo zen hü. Anyugun le tsüdan khela lo anyu nyenyu dan-e nila.