Read Southern Rengma Naga NEHEMIAH 1 Bible Online

NEHEMIAH 1 - Southern Rengma Naga bible

NEHEMIAH 1

¹Hile Hacaliah nyugü Nehemiah le thyü kelo rüla. Artaxerxes le Persia raja thyükelo chen tseryü kenyhun gü Kislev shye ka ale nyida gü Susa nyu bin.

²Lo asikezen gü Hanani le Juda ki bin-o temi dan me zen ryü, tsüka ale Jerusalem rüla lo Babilon ki me dothyü tseo rani keryü Juda nyu rüla ketsoshü.

³Anyugun le, rhünbin-o kaki ranikeryü dan le kenjün thyüsa bin lo sinrünyi anyu khoka kebin dan le anyu nshwen kebin aka zoshü. Anyugun le Jerusalem chwida le nren bin zun lo khinrun rokela siki thyünilo mvuzun letse kethyü ko zoshü.

⁴Ale hi aphu nyükelo ka dun-o chü tinla. Jonshen jonzi ale chüo tyütsü mvula. Ale Sunggigü ka kehithyü,

⁵“Tsangge kebin Npugü Sunggigü! Nle gon lo agun le n nshvu hü. Nle nso lo n johokeshü thyü kehünyu ge nzen kejozenkelo tsü thyü shühü.

⁶Npugü, a nrishü, lo a kehi nyü shüta, ale khensin, jongwün ngonyu dan Israel nyu genyu hibin nle. Agun, Israel nyu le mu laso tse ale zoshwi shü bin nle. Apvübon nyu lo ale mu laso.

⁷Agun le serikemvu thyü pe n ntsun lo nle johokeshü thyümvu laso. Nle ngo gü Mosa ge tejvü pe agun tsü keshü gü zen mvula.

⁸Ntsoka nle Mosa ka nyu zoshü yo rüchün shülo: ‘Hagun Israel nyu le ajvü then mvu yatselo, ale hagun no senye kecha dan nyu nrenru lati.

⁹Ai hagun le rani akiryü, lo ale hagun no thyülo tse keshü thyü yatselo, hagun le kazü keni keti nrenru tinlae hagun zen niryü a kerüshvubin thyü titse ale kejü kelo bin gü nyu shü lati.’

¹⁰“Npugü, hidan hile ngonyu, n npvü n temi le. Nle nkekvu keda lo nkenko nyu anyu kenishwi shü.

¹¹Ntsoka, akehi lo nrühvu nyü kehü ngo kechanyu dan kehi nyü shüta. Ano nthu tha thyü tokelo lo raja gü no ashwinjün keshü khi shüta.” Tsügwünkho ka ale raja gü vainzu kentsen gü thyü hü.