Read Southern Rengma Naga NEHEMIAH 10 Bible Online

NEHEMIAH 10 - Southern Rengma Naga bible

NEHEMIAH 10

¹Zan thu shü nrün kerigü le ahng gü Nehemiah, Hakaliah nyugü, tsüsika Zedekiah. Temi hidan ko zan thu shü:

²Püshükedanyu: Seraiah, Azariah, Jeremiah, Pashhur, Amariah, Malchijah Hattush, Shebaniah, Malluch Harim, Meremoth, Obadiah, Daniel, Ginnethon, Baruch, Meshullam, Abijah, Mijamin, Maaziah, Bilgai, lo Shemaiah.

⁹Levinyu: Azaniah nyugü Jeshua, Henadad pfüphun ka Binnui, Kadmiel, Shebaniah, Hodiah, Kelita, Pelaiah, Hanan, Mika, Rehob, Hashabiah, Zakkur, Sherebiah, Shabaniah, Hodiah, Bani, lo Beninu.

¹⁴Sharhinyu dan: Parosh, Pahath, Moab, Elam, Zattu, Bani, Bunni, Azgad, Bebai, Adonijah, Bigvai, Adin, Ater, Hezekiah, Azzur, Hodiah, Hashum, Bezai, Hariph, Anothoth, Nebai, Magpiash, Meshullam, Hezir, Meshezabel, Zadok, Jaddua, Pelatiah, Hanan, Anaiah, Hoshea, Hananiah, Hasshub, Hallohesh,Pilha, Shobek, Rehum, Hashabnah, Maaseiah, Ahiah, Hanan, Anan, Malluch, Harim, lo Baanah.

²⁸Ngun Israel nyu, Püshükedanyu, Levinyu, Kershvuka rikhun nyu, Kershvuka nyu lü kethyü nyu, Kershvuka nyu thatho kethyü nyu, lo kechanyu Sunggigü tejvü zen titse kethyü nyu aphu ngun kazü nyu yhun kebin sinrünyi kechanyu dan nyu nkhikho kecha thyülo, ngun lo ngun nunyu lo ngun nyenyu peshü lao kegwakeshvu shakekho lo kelanyu aphu,

²⁹ngun sharhi nyu zen kengüo ngun le tsü gwünrho lalo shochün no ryü lotse swe bin nyo, tsüle Sunggigü le pe a-go gü Mosa tsü keshü Sunggigü tejvü gü then-o yhun ti; Npugü ngun Npugü le johokeshü aphu zenti; lo a-tejvü günyu thyülo tse keshü aphu zenti.

³⁰Ngun le nkazü nyu kebin sinrünyi kecha zen-o sunthyü loho.

³¹Sinrünyi kechanyu le Sabbath jon nyü nmvue kenshün jon kecha ka shyeni nmvue tha lihie jwe ryülo hei loha. Chen tsenyü nyü ka ngun le low tsü loho, lo tepu aphu jü ketsü lati.

³²Chen kechwi ngun nmeme tse rakagi gram pvün pe Kershvuka genyu kenke keche shüti.

³³Agun le tha hidan pe Kershvuka nyu kerüshvu tho ka shüti: Kenshün tensü, Khenyütsen shyeni pe kerüshvu, khenyütsen senru rope kerüshvu, Sabbath nyü kenshün kerüshvu, shye keshün Nga, lo Nga kecha, kenshün kerüshvu kecha, Israel nyu kemu sen tinla nrün genyu kerüshvu, lo Kershvuka genyu sen mvulo keshvu lihie.

³⁴Tejvü thu kenjü hontse chen kechwi ngun temi, püshükedanyu lo Levinyu dan le pfüphun digü no Npugü ngun Sunggigü kerüshvu dan ro nrün tesen khishü tiyo kejü loti.

³⁵Chen kechwi ngun low gvülo keritsin shye lo ngun rashabin ge nyen lo kerigü sen Kershvuka ki gü ti.

³⁶Tejvü nyu thu kenjü hontse ngun nmeme tse peche nyuri gü zen Kershvuka ki püshükedanyu ki gü thyü kenshün pe Sunggigü tsüti. Ngun le ngun thu, tanyü, lo tenyü dan-e nchelo kerigü thyükenshün ti.

³⁷Ngun le low gvülo keritsin pe tensü kethyü, lo kerüshvu kecha, vainzu, oliv terzü, lo terasha kechacha aphu sen Kershvuka nyu püshükedanyu ki gü ti. Ngun le nkazünyu nshakelo jüntseryü ka jünme sen, low ketsü rünyi dan ka jüntseryü ka jünme khilo kehü Levinyu dan ki güti.

³⁸Jüntseryü ka jünme kequen kethyü ka Aaron tsipwen püshükeda dan le Levinyu zen-o bin ti. Levinyu dan le jüntseryü ka jünme hyukelo aphu ka jüntseryü ka jünme pe Kershvuka nyu sen nrün genyu Kershvuka nyu kenya kequen khin ki gü lati.

³⁹Israel nyu temi lo Levinyu dan le me le hokeshü shye, vainzu lo oliv terzü sen Kershvuka nyu kesen lalü pe shü kebin lo püshükeda lotho thyü kebin dan, kershvuka rikhun nyu, lo kershvuka nyu lü kethyü nyu kebin ka ki gü ti. N gun le n gun Sunggigü Kershvuka kelila loho.