Read Southern Rengma Naga NEHEMIAH 11 Bible Online

NEHEMIAH 11 - Southern Rengma Naga bible

NEHEMIAH 11

¹Sharhinyu le Jerusalem nyu binlo, lo a-sen dan whe shwio kami tseryü ka kami nmeme no Jerusalem nyida kenshün günyu yhun nrün kejü, lo a-sen no nyida lo rünyi keshe dan ka yhun lo.

²Temi dan le a-npvü a-kendo ka Jerusalem nyu yhun titse kelo dan shwe shü.

³Rünyi lo nyida kecha dan ka Israel nyu temi, püshükedanyu, Levinyu, kershvuka nyu thatho kethyü nyu lo Solomon gonyu tsipwen dan le a-npvü a-rünyi nyu a-hon hon ka binlo. Hidan hile Judia kazüsakethü günyu sharhi phennyü nyu le Jerusalem nyu keyhun dan zan:

⁴Juda tsipwen nyu: Uzziah nyugü Athaiah, a-bon le Zechariah. A-pvübon nyu le hidan Amariah, Shephatiah, lo Mahalalel, Juda nyugü Perez tsipwen.

⁵Baruch nyugü Maaseiah, a-bon le Kolhozeh. A-pvübon nyu le hidan Zazaiah, Adaiah, Joiarib lo Zechariah, Juda nyugü Shelah tsipwen.

⁶Perez tsipwen ka temi kegwa 468 le Jerusalem nyu yhun.

⁷Benjamin tsipwen nyu: Meshullam nyugü Sallu, a-bon le Joed. A-pvübon nyu le hidan Pedaiah, Kolaiah, Maaseiah, Ithiel, lo Jeshaiah.

⁸Gabbai lo Sallai au le Sallu shvunye a-kho keni hvu: Benjamin tsipwen Jerusalem nyu keyhun aphu kesin le 928.

⁹Zichri nyugü joel le anyugun sharhi thyü, lo Hassenuah nyugü Juda le nyida gü nyu a-hensin kedagü thyü.

¹⁰Püshükedanyu: Joiarib nyugü Jedaiah lo Jachin.

¹¹Hilkiah nyugü Seraiah, a-bon le Meshullam. A-pvübon nyu le Zadok, Meraioth, lo püshükengun gü Ahitub.

¹²Pfüphun higü ka aphu kesin le 822 le Kershvuka nyu lotho thyü. Jehoram nyugü Adaiah, a-bon le Pelaliah. A-pvübon nyu le hidan Amzi, Zechariah, Passhur, lo Malchijah.

¹³Pfüphun higü ka kami pe aphu le 242. Azarel nyugü Amashsai, a-bon le Ahzai. A-pvübon nyu le Meshillemoth lo Immer.

¹⁴Pfüphun higü ka shüpahü kegwa temi 128 le bin. Anyugun sharhi gü le Zabdiel, kami kegwanyu temi nme.

¹⁵Levinyu: Hasshub nyugü Shemaiah, a-bon le Azrikam. A-pvübon nyu le Hashabiah lo Bunni.

¹⁶Shabbethai lo Jozabad au le Levinyu dan nyu a-zan kechwi nyu, Kershvuka tegwen ki thatho ketsen hü.

¹⁷Mika nyugü Mattaniah, a-bon le Zebdi, Asaph tsipwen gü le shwalü sharhi thyüo Kershvuka nyu chenkeno pe ketsü kehi lü thyü. Bakbukiah le Mattaniah keche gü thyü. Shammua nyugü Abda, a-bon le Galal, Jeduthun tsipwen gü.

¹⁸Levinyu aphu kesin 284 le Jerusalem nyida kenshün gü nyu yhun.

¹⁹Kershvuka rikhun nyu: Akkub, Talmon lo au shvunye aphu le 172.

²⁰Israel nyu a-sen dan, püshükedanyu lo Levinyu nsen kebin dan tsele Juda nyida dan lo rünyi kecha dan ka a-npvü a-hon ka bin külo.

²¹Kershvuka nyu thatho kethyü nyu dan le Ophel tse ko kehü Jerusalem peha ka bin-o Ziha lo Gishpa hensin ka thatho thyü.

²²Jerusalem nyu keyhun Levinyu dan kentsen gü le Bani nyugü Uzzi, a-bon le Hashabiah. A-pvübon nyu le Mattaniah lo Mika kobin. A-le Asaph pfüphun, pfüphun tsügü le Kershvuka nyu kehun gwünkho ka lü kethyü le anyugun tho.

²³Raja gü le pfüphun dan no keserio khenyütsen lü kethyü sharhi thyü lolo tse tejvü khishü.

²⁴Meshazabel nyugü Pethahiah, Juda tsipwen ka Zerah pfüphun nyu nme no Israel nyu temi sunka Persia nyu jokerabin nyu bin.

²⁵Temi kechon le a-low khoka rünyi dan ka yhun tinla. Juda tsipwen dan le Kiriath, Arba, Dibon, Jekabzeel nyida hidan kehun rünyi dan ka yhun.

²⁶Anyugun le Jeshua, Moladah, Bethpelet,

²⁷Hazarshual, Beersheba nyida dan lo tsü kehun rünyi dan ka ko bin.

²⁸Anyugun le Mekonah ka Ziklag nyida lo rünyi dan ka bin,

²⁹Enrimmon, Zorah, Jarmuth,

³⁰Zanoah, Adullam, nyida hidan kehun rünyi ka bin. Anyugun le Lachish lo tsü khoka low nyu, lo Azekah lo tsü rünyi dan ka bin. Tsüle Juda temi dan le tesinzin Beersheba lo tesozin Hinnom ketejon au ja lojvü gü nyu bin.

³¹Benjamin tsipwen le Geba, Michmash, Ai, Bethel, lo tsü kehun rünyi dan ka bin,

³²Anathoth, Nob, Ananiah,

³³Hazor, Ramah, Gittaim,

³⁴Hadid, Zeboim, Neballat,

³⁵Lod, Ono, lo bentho thyü kehü ketejon ki bin.

³⁶Juda lojvü nyu kebin Levinyu dan peha no Benjamin temi dan zen bin lotse thoshü. rünyi dan ka bin.