Read Southern Rengma Naga NEHEMIAH 12 Bible Online

NEHEMIAH 12 - Southern Rengma Naga bible

NEHEMIAH 12

¹Püshükedanyu lo Levinyu hidan hile me kazü ki dothyü hüo Shealtiel nyugü Zerubbabel lo püshükengun gü Joshua zen-o raniryü kelo dan:

²Priests: Seraiah, Jeremiah, Ezra, Amariah, Malluch, Hattush, Shekaniah, Rehum, Meremoth, Iddo, Ginnethoi, Abijah, Mijamin, Maadiah, Bilgah, Shemaiah, Joiarib, Jedaiah, Sallu, Amok, Hilkiah, lo Jediah. Temi hidan hile Joshua gwünkho ka püshükeda kechanyu dan aphu sa sharhi dan.

⁸Levinyu: Hidan hile chenkeno khikeshü lü kethyü ka ketsen kehü dan: Jeshua, Binnui, Kadmiel, Sherebiah, Judah, lo Mataniah.

⁹Hidan hile lüthyü pe lüthyü keshü dan kepen shü kehü dan: Bakbukiah, Unno, lo anyugun pvünyu Levinyu dan.

¹⁰Joshua nyu le Joiakim, Joiakim nyu le Eliashib; Eliashib nyu le Joiada;

¹¹Joiada nyu le Jonathan ; Jonathan nyu le Jaddua.

¹²Joiakim le Püshükengun thyü kebin ka püshükedanyu hidan hile püshükeda pfüphun pe thyü: [Püshükeda] — Pfüphun Meraiah — Seraiah Hananiah — Jeremiah Meshullam — Ezra Jehohanan — Amariah Jonathan — Malluchi Joseph — Shebaniah Adna — Harim Helkai — Meraioth Zechariah — Iddo Meshullam — Ginnethon Zichri — Abijah ...s — Miniamin Piltai — Moadiah Shammua — Bilgah Jehonathan — Shemaiah Mattenai — Joiarib Uzzi — Jedaiah Kallai — Sallai Eber — Amok Hashabiah — Hilkiah Nethanel — Jedaiah

²²Temi hidan le püshükengun thyü kebin ka Levi kami lo püshükeda kami pe dan zan thu pe bin jü: Eliashib, Joiada, Jonathan, lo Jaddua. Darius le Persia nyu raja thyü kebin ka higü hi thu penlo.

²³Tson-e Levinyu kami pe dan rüla le Eliashib nyugü nyu Jonathan gwünkho kinyu pe thu lo.

²⁴Hashabiah, Sherebiah, Jeshua, Binnui, lo Kadmiel hidan tsonketsin then-o Levinyu kenjünkho pe a-dandan thyülo. Gwüngwa meka dan hvu no keserio Sunggigü temi gü Raja David le zokeshü hontse Sunggigü shwe lo chenkeno pe a-tsü.

²⁵Kershvuka rikhun nyu hidan hino Kershvuka ki kegü khinrun ka kenya ka gü rikhun: Mattaniah, Bakbukiah, Obadiah, Meshullam, Talmon lo Akkub.

²⁶Temi hidan le Joshua nyugü Joiakim, a-bon le Jehozadak, lo Nehemiah le ahng thyü, lo Ezra püshükeda gü le tejvü lesü keshatsin thyü kebin gwünkho ka yhun.

²⁷Jerusalem nyida gü chwida thyükenshün kethyü ka, Levinyu le lika hika bin-e zenryüo no symbal lo harp sen kengü chenkeno khikeshü shekerhün lü thyüshü.

²⁸Levi kami lü kethyü nyu Jerusalem tekehun ka lo Nelophah hun kebin rünyi nyu kebin dan,

²⁹Bethgilgal, Geba, lo Azmaveth nyu kebin dan le kequen lo.

³⁰Püshükedanyu lo Levinyu dan, anyu npvü anyugun, temi dan, khinrun lo nyida gü chwida tse thyükenshün jvü thyülo.

³¹Ale Juda sharhinyu ko kequen pe chwida pesun ge shüo anyugun no danda kenyhun zen tsonchü nyida gü hun-o chenkeno pe Sunggigü tsü. Dan kerigü le chwida pesun ge tezhüzin kerhu pe shükehü khinrun ki gü.

³²Hoshaiah le lü kethyünyu sithen lo Juda sharhinyu ponha le a-sithen.

³³Tsüsika püshükedanyu hidan le shukhun-o then: Azariah, Ezra, Meshullam, Juda, Benjamin, Shemaiah, lo Jeremiah. Tsüsika Jonathan nyugü Zechariah, a-bon le Shemaiah. (A-pvübon nyu le Asaph pfüphun Mattaniah, Mikaiah, lo Zakkur, dan sin.)

³⁶A-pfüphun Azarel, Milalai, Gilalai, Maai, Nethanel, Juda, lo Hanani anyugun aphu Sunggigü temi gü David le sen kehü lü kethyü khin gi nyu sen. Lesükeshatsin gü Ezra le dan higü tson rio kethen.

³⁷Zükepen Khinrun ka bin-o phalvu kedo then sen tse David nyida nyu güo David rajaka nken-o nyida nphozin Zü Khinrun ka ryü.

³⁸Chenkeno khishü kebin a-dan kecha gü le chwida pesun ki tsonchüo tegwazin gü, lo temi dan ponha kho le then. Agun le Mahphun Tsokhwe gü nken-o chwida kenmhun gü kiryü,

³⁹Efraim Khinrun, Jeshanah Khinrun, Tsehü Khinrun, Hananel Tsokhwe, Tsip gü Tsokhwe tse nken-o Tanyü Khinrun karyü. Agun le ryü Kershvuka Khinrun khoka a-keni thyüla.

⁴⁰Tsü hontseo keshwe pe Sunggigü tsü kebin dan kenyhun nren Kershvuka tilo. Azen kehü sharhi dan nyeki,

⁴¹Püshükedanyu hidan le agun dan ka bin-o shukhun hü: Eliakim, Maasiah, Miniamin, Mikaiah, Elioenai, Zechariah lo Hananiah;

⁴²anyugun then kehü dan le Maasiah, Shemaiah, Eleazar, Uzzi, Jehohanan, Malchijah, Elam, lo Ezewr. Jezrahiah le lü kethyü nyu zen-o lüthyü tetso sashü.

⁴³Tsünyü anyugun le kerüshvu kechon thyüshü, lo Sunggigü le anyugun thyü sherhün sa keshü genyu temi dan le shekerhün thyü. Tenunyu lo ntsenyu dan ko anyugun zen-o shekerhün thyü, tson-o anyugun kenra khwe le nithen kie nyüla.

⁴⁴Tsügwünkho ka temi peha no me le Kershvuka genyu chen kechwi jüntseryü ka jünme , logvülo keri shye lo terasha münlo keri sen keryü pe keshü kenya ka keshwi kejülo. Temi hidan hile tejvü günyu kebin hontse püshükedanyu lo Levinyu genyu nyida dan khoho low ketsünyu ka thashvu kelo le anyugun tho. Juda temi dan aphu püshükedanyu lo Levinyu dan shwi anyu kenyüla,

⁴⁵anyugun le Sunggigü le johokeshü hontse thyünshün kelo tho lo kerüshvu tho kecha dan thyü keshü genyu. Kershvuka nyu lü kethyü nyu lo rikhun nyu dan ko Raja David lo a-nyugü Solomon le thyü keshü hontse anyugun tho thyü shü.

⁴⁶Kethon gü kela ka Raja David lo lü kethyü gü Asaph au le lü kethyü nyu zen-o keshwe lo chenkeno lüthyü pe Sunggigü ki shü hü.

⁴⁷Zerubbabel lo Nehemiah gwünkho ka ko Israel nyu aphu khenyütsen jwe khipe Kershvuka nyu lü kethyü nyu lo rikhun nyu keche hü. Temi dan le kenshün ka thahoshü pe Levinyu tsüshü, lo Levinyu le püshükedanyu genyu sen mvulokeshvu kho pe tsü hü.