Read Southern Rengma Naga NEHEMIAH 3 Bible Online

NEHEMIAH 3 - Southern Rengma Naga bible

NEHEMIAH 3

¹Hihontse nyida gü chwida khwelo. Püshü Kengun gü Eliashib lo püshükedanyu jule Tanyü Khinrun gü khwenilo-o thyü kenshün lo, lo Khinrun kakhin pe shülo. Anyugun le Tsokhwe Tsip gü kagü Hananel Tsokhwe gü keti chwida gü thyü kenshün lo.

²Tsü senshvu le Jeriko temi dan le thyü. Lo tsü senshvu Imri nyugü Zakur le thyü.

³Hassenaah pfüphun le Tsehü Khinrun gü thyü. Anyugun le Phasin lo Kakhin dan pe shüo Khinrun khin nrün khincha dan thyüshü.

⁴Tsü senshvu le Uriah nyugü Meremoth, a-bon le Hakoz gü le thyü. Tsü senshvu le Berechiah nyugü Meshullam, a-bon le Meshezabel gü le thyü. Tsü senshvu Baana nyugü Zadok le thyü.

⁵Tsü senshvu Tekoa temi le thyü, ai thatho keshwinyu le pe tenyen keshü thatho keshe dan rünyi tsü nyu sharhi jule thyü mvule tsela.

⁶Paseah nyugü Joiada lo Besodeiah nyugü Meshullam le Jeshanah Khinrun thyüni. Au le Khinrun khin nrün genyu Phasin, kakhin lo khincha dan pe shüshü.

⁷Gibeon nyu Melatiah, Meronoth nyu Jadon, lo Gibeon lo Mizpah temi dan le tsü senshvu kagü Eufrates nkhünzin ahng gü ka keti thyü.

⁸Harhaiah nyugü Uzziel sun kecha gü le tsü senshvu thyü. Hananiah tharünkegwa thyü kehü gü le tsü senshvu thyü gü Chwida Kenmhun ti.

⁹Hur nyugü Refaiah Jerusalem rünyi sakethü ponha so kedagü le tsü senshvu thyü.

¹⁰Harumaph nyugü Jedaiah le tsü senshvu thyü, tsü le a-npvü a-ka khoka. Hashabneiah nyugü Hattush le tsü senshvu thyü.

¹¹Harim nyugü Malchijah lo Moab nyu Pahath nyugü Hasshub au le tsü senshvu lo Ovens Tsokhwe tse thyü.

¹²Hallohesh nyugü Shallum, Jerusalem ponha so kedagü le tsü senshvu thyü (A-nyugi jule thatho thyü keche shü.)

¹³Janun lo Zanoah nyida nyu kebin dan le Ketejon Khinrun gü thyüni shü. Anyugun le kakhin dan, khinrun khin nrün khincha lo chwida, kerhu pe shü kehü khinrun keti miter 440 thyü ketsü shü.

¹⁴Rechab nyugü Malchijah, Beth Haccherem kazü sakethü so kedagü le kerhu pe shükehü Khinrun thyü ketsüni shü. A-le kakhin dan, lo khinrun khincha dan thyüshü.

¹⁵Kochozeh nyugü Shallum, Mizpah kazüsakethü so kedagü le Zükepen Khinrun gü thyüketsü nishü. A-le Shelah Zi raja chwi gü senshvu chwida gü thyü gü David nyida ka nshyekeryü phalvu kedo gü tishü.

¹⁶Azbuk nyugü Nehemiah Bethzur kazüsakethü ponha so kedagü le tsü senshvu thyü gü David sika, Zi gü lo rikhun nyu ka keti thyü.

¹⁷Levinyu hidan hile tsü senshvu binshen binzi thyü ketsü nishü. Bani nyugü Rehum le tsü senshvu thyü; Hashabiah, Keilah kazüsakethü ponha so kedagü le a-temi dan sunka tsü senshvu thyü;

¹⁸Henadah nyugü Bavvai, Keilah kazüsakethü kecha ponha so kedagü le tsü senshvu thyü;

¹⁹Jeshua nyugü Ezer, Mizpah ka kedagü le terironye shü kehü bin mhundyü ka gü chwida kese bin keti thyü;

²⁰Zabbai nyugü Baruch le tsü senshvu thyü gü Püshü Kengun gü Eliashib ka gü nyu keyü tson ti;

²¹Uriah nyugü Meremoth, a-bon le Hakkoz gü le tsü senshvu thyü gü Eliashib ka keni ti.

²²Püshükedanyu hidan le tsü senshvu binshen binzi thyü ketsü shü: Jerusalem tehun kebin püshükedanyu jule tsü senshvu thyü;

²³Benjamin lo Hasshub au le tsü senshvu au ka kentsun ka thyü shü; Maaseiah nyugü Azariah, a-bon le Ananiah gü le tsü senshvu a-ka kentsun ka thyü shü;

²⁴Henadad nyugü Binnui le tsü senshvu ka Azariah ka gü chwida kese keti thyü shü;

²⁵Uzai nyugü Palal le tsü senshvu, chwida kese lo raja ka tesogü tsokhwe rikhun nyu jokerabin khoka tsü thyü; Parosh nyugü Pedaiah le tsü senshvu ka gü nphozin Zü Khinrun khoka lo Kershvuka rikhun kehü tsokhwe keti thyü. (Hile nyida gü nyu Kershvuka nyu thatho kethyü nyu le bin kehü Ophel tse ko kehü bin khoka.)

²⁷Tekoa temi dan le tsü senshvu kecha nme thyüni shü, Kershvuka rikhun kehü tsokhwe kedagü ka gü Ophel keti.

²⁸Püshükedanyu dan me le tsü senshvu thyü; Keru Khinrun tesozin a-npvü pvü a-ka kentsun ka.

²⁹Immer nyugü Zadok le tsü senshvu a-ka kentsun ka thyü shü. Shekaniah nyugü Shemaiah, nphozin Khinrun kekhwe gü le tsü senshvu thyü.

³⁰Shelemiah nyugü Hananiah lo Zalaph nyu mi tsero gü Hanun au le tsü senshvu thyü, hile au le thyükeshü kenyhun gü. Berechiah nyugü Meshullam le tsü senshvu a-ka kentsun ka thyü.

³¹Suna kechagü Malchijah le tsü senshvu ka gü Kershvuka nyu thatho thyükehünyu lo hakethyü nyu le bin kehü ka Miphkad Khinrun, npho-tesozin teso ki katsen khoka tsü thyüshü.

³²Suna kechanyu lo hakethyü nyu le a-quen ka katsen le kebin ka gü Tanyü Chwida keti kenkhintsin gü thyüshü.