Read Southern Rengma Naga CHWEKETIN 25 Bible Online

CHWEKETIN 25 - Southern Rengma Naga bible

CHWEKETIN 25

¹Npugü le Mosa ka zoshü,

²“Israel nyu no tha hope atsü shülo tse zoshülo. Temi lihigü anyun nyüo hoshü lo lihi-e khilo.

³Hoshü nrün le hidan: suna, rakagi lo lazo;

⁴linen phikegwa; thyühü phi kenzi, kemeren lo kenhon; tenyühü pe kedo phi;

⁵Tanyü gi rün nhon kela, thyügi kegwa; akakia sen;

⁶makhin genyu terzü;

⁷karnelians lo tsominketsen kecha püshü kengun gü shüntyü ka shü nrün dan.

⁸Ano a-nyugun dan nyu yhun nrün genyu temi dan no agenyu phika kenshün nme thyü shü mvuloshvu.

⁹ale tsinpe nhi keshü hontse kerüshvu phika gü lo tsünyu kanyü dan aphu thyülo.

¹⁰Akakia sen pe Khinpha nme thyülo, kethon tsuhvuo peha, a-kedano tsu meo peha lo ketetso tsu meo peha.

¹¹Suna ketsin pe a-nyuzin lo a-sozin-e jeh la lo suna pe a-tekho thyüpe hun kenthün shü.

¹²Suna pe raho pezi thyülo-o pe phazi dan ka senkesü shü, peha zin kenyhunyhun pe shüo.

¹³Akakia sen pe kepenvü thyülo-o suna pe jeh la

¹⁴tson-o pe khinpha gü lizin hizin raho nyutsü nnala.

¹⁵Kepenvü tsüpe rahonyu shü la-o tsü thoni nya.

¹⁶Tson-o ale khishü nrün johokeshü dan pe a-ge thu kenjü tsohvu tsüpe khinpha günyu shülo.

¹⁷“Suna ketsin pe shwikenjün bin nme thyülo, kethon tsu hvuo peha, a-keda tsu meo peha.

¹⁸Kejonvü pe suna jonpe Cherub kenyhun thyülo,

¹⁹A-te pehazin nme lo kechazin nme tselo. Shwikenjün bin au thyükesü pe nme thyülo.

²⁰Cherub hvu no au mhun pe kentsun-o au sekin sükhun pe shwikenjün bin gü hen ti.

²¹Tso ponhvu tsüpe khinpha gü nyu shüo, a-kesen shwikenjün bin gü tsüpe a-soge shülo.

²²Ale tsüka n teno ti, tson-o cherub hvu jaka shwikenjün bin ge ale Israel temi genyu a tejvü aphu khipe ntsu shüti.

²³“Akakia sen pe miz nme thyülo; kethon tsu hvu, a-keda tsu me lo ketetso tsu meo peha.

²⁴Suna ketsin pe jeh la, lo suna pe tekho thyüpe hunla.

²⁵A-tekesun benje kho thyüpe hunlo lo suna pe a-tekesun tsü tekho pe hunlalo.

²⁶Lo tsü genyu suna pe raho pezi thyülo-o pe quenzi dan ka a-pha ge senkesü lo.

²⁷Raho dan tsüno a-tekesun gü khoka binti ke penvü hvu pe tsünyu nna-o miz gü pen nrün genyu.

²⁸Akakia sen pe kepenvü thyü lo-o suna pe jehla.

²⁹Vainzu pe kerüshvu thyü nrün genyu khun, honpen, nja, lo rünkegwa kerokhun dan thyülo. Hidan hi aphu suna ketsin pe thyülo mvuloshvu.

³⁰Miz gü pe kejozenkelo khinpha gü mhundyü ka shüti lo a-zin tse miz gü ge a ketsü tensü kenshün gü no bin ti.

³¹“Suna ketsin pe makenben bin nme thyülo. Kejonvü lo suna jon pe a-thin lo ketejen bin thyülo; thyükezegwa kethyü nyekepun, a-kesun lo kengen sin-o thyü kesü nme thyülo.

³²A-teki a-ro tsero no binti, nmezin kenshen lo kechazin kenshen tse.

³³A-ro tsero dan nme me ge almond le sen, nngen lo pun kebin hontse nyekepun thyükezegwa kethyü kenshen shen no bin ti.

³⁴Makenben bin ketejen bin no almond le sen, nngen-o pun kebin hontse nyekepun thyükezegwa kethyü pezi no binti.

³⁵A-ro kenshen dan hensin nyu a-kesen nmeme no binti.

³⁶A-kesen, a-ro makenben bin tse kesin kejonvü no jon kethyü suna thün me pe thyüti.

³⁷Makenben bin gü genyu makhin tsenyü thyülo-o no mhundyü zin ben nrün genyu khi so shülo.

³⁸Suna ketsin pe ketsevü lo khun dan thyülo.

³⁹Suna ketsin kilogram shenryü pvün pe makenben bin lo tha kanyü hidan aphu thyülo.

⁴⁰Nyuyhün-o ale kazüthun gü ge rhipe nhishü kela hontse thyülo.