Read Southern Rengma Naga JOB 14 Bible Online

JOB 14 - Southern Rengma Naga bible

JOB 14

¹Tenunyu ge nnyun keryü temi aphu a keyhun jon le zü ri lo kejün kethyü le sü.

²Ngun le nyekepun hontse yhun soryüo rügu whütse lahü; ngun le kengü hontse hyumvu lahü.

³Nle ahi-e n riti ole, Sunggigü, nmvue a kegwa keshvu nrio a jünkera ti ole?

⁴Temi hontse nshün kemvu nyu ge kenshün nme chwiryü keloi mvule.

⁵Nchwenyu a-keyhun jon kethon kezü tho pe bin la- a-le yhun nrün shye swüpe bin la. Nle tsü thyü lao, tsü kelu lo nrün ndi.

⁶A-nri nyao a-khepe no a-npfü hülo; a-le tsonlo gwa yatselo, rüsao yhun bin-e no a-sherhünlo.

⁷Senbin nme le phün la yatse-e; tsüle rhün-o senni chwiryü logwa.

⁸A-me dan le peshüla, lo a-bin le silae,

⁹zü le ntsen shülo tsüle senbin bwe hontse senni lohü.

¹⁰Ai temi we sila lo, tsüle a-genyu keniso; a-le sila lo, a-le dikibin semon?

¹¹Züri le tsun mvukela, lo zi le sin kela hontse,

¹²temi le sila lo, niso loho. Tsang le kebinthen anyugun le chonsoryü loho; anyugun kezhü kesun loho.

¹³Ale nno alope kesinyu kazü ki kebu lanyü le; nnyunkenta ponla kemvuthen alope kebu lata, tson-o a rüchünkelo gwünkho nme pe bin njü ta.

¹⁴Temi nme le sila lo, a-le rhüniryü logwa ole? Ai ale gwünkho gwakvu kethyü khweti, kenjün kethyü gwünkho hile kenithyü kela khwe ti.

¹⁵Tson-o nle ako shülo ale khin shüti, lo nle nyhun keshü, ahigü shwi n kenyü ti.

¹⁶Tsüselo nle a kenkvu aphu nri ti, ai nle akemu rüchün bin loho.

¹⁷Nle tsü jüshüla lo tsü pe shwe lati; nle ale thyüzü kela aphu shon lati.

¹⁸Kazüthun dan le che lalo gwünkho nme le ryü ti lo tsonkhin no ketu lati.

¹⁹Zü le tsonye chweshe sentin la, lo tsangrida le nnyo chün sentin lahü; tsühontse temi le a-keyhun ka nrin kebin tsü nle nke lahü.

²⁰Nle temi nme nye kvulo-o kethonthen a-nishü lahü; silao a-mhun thyü kelu lahü.

²¹A-nyudan le teshwe hyu lohü, ai a-le thame ka tsü shamvu, nmvue anyugun le kemeni lae pe a-ka zomvu.

²²A-le a-min ge kenjün kethyü lo anyun nyu nyugwa kemvu nti kesha.