Read Southern Rengma Naga JOB 17 Bible Online

JOB 17 - Southern Rengma Naga bible

JOB 17

¹A keyhun keni kho nni laso. Ale ateshe hen loho la sele; sika nti ame agenyu thakecha ndi so.

²Temi aphu nyuntao ashwinyü kebin ale nri bin nle.

³Ale njü bin le, Sunggigü. Ajo loshü ta. Ale nyu zobin yo tsü keche kethyü temi nme ndi.

⁴Nle anyugun nyun khinlao anyu le rüchün lomvu laso; ntsoka anyugun no asa kvu lanya lo.

⁵Ndukanyu thakesha jo le temi nme le pisa genyu a-pfünyu sala lo a-nyenyu le tsügenyu kenjün thyü ti.

⁶Ntsoka we temi dan le thakeshajo higü zo a ntsun bin laso; anyugun le ryü nsü pe amhun nye.

⁷Anyugwa kemvu le ayhütyü thyü pe zün güjü la sele; apha ben le nthü pe thashe hontse laso.

⁸Temi njü letse kehü nyu le a-kerüla, lo anyugun aphu ale Sunggigü shamvu letse a nmula.

⁹Anyugun le rühvulokekü nyu letse kehü dan le anyu le njü letse rüchün kvu laso.

¹⁰Ai anyugun aphu ryü amhundyü ka solo yatse kethyü we, anyugun nme-e thasha kethyü ale hyu loho.

¹¹Ajon dan le tin laso, ale rhi kebin dan thyülo mvu laso ; akenrin le tinla sele.

¹²Ai apfünyu ju le khejenyu le tsangkeben letse; anyugun le keben tsügü le akhonni bin nle tse zo, ai ale kezün nyu kebin ale shabin nle.

¹³A kenrin le kesi kazü gü nti, ale tsüki kezün nyu zhü bin ti.

¹⁴Ale sika ka apvü tse koti, lo -tyü kebin ntse ka nle ajvü lo alügi letse ti.

¹⁵Tsüki a kenrin peha le bin nle? Segü le hyu ola?

¹⁶Kenrin le azen-o gü loho, ale kesinyu kazü ki gü lo.