Read Southern Rengma Naga JOB 18 Bible Online

JOB 18 - Southern Rengma Naga bible

JOB 18

¹Job, nhontse kethyü temi le matsela hü mvule? Nle khelao agun khwenyü yatselo, agun le nnthon ti.

³Nyuthyüo nle agun le pho pe senru hontse letse rüchün hü nla?

⁴Nle n npfü nnyuntao nnthyü nnyü kebin gwünzin. Nnyunkenta genyu kazü gü khela ti ole? Nno rünyulo nrün genyu Sunggigü le kazüthun khiketu lati ole?

⁵Serikemvu gü mah kenben bokemhü lati; tsüno nnyü nimvu lati.

⁶A-phika nyu a-mahkenben no züntin lati.

⁷A-phalvu kedo le nnumvubin, ai ntsoka we a-pha nsüla; a-npfü ada ka a-le che lati.

⁸A-le tsonchüo joh nyu yüla, tson-o a-pha dyülo la;

⁹sen nme nyu a-phagun dyüo a-sü lola.

¹⁰Kazünyu kebuo sen nme thyü njü; a-tson nyu sen nme thyü bin.

¹¹A-tekehun aphu kenshvu le khwe bin; tsüle kenkvü aphu nyu a-then hü.

¹²A-le kenya nyu thyü hü, ai ntsoka we a-le nnyo tin laso; kenke le a-khoka so-o khwebin.

¹³Kethyükenyü gwakemvu le a-minpen süo a-phaben le ten bin.

¹⁴A-le kenshvu ndi tse yhun kebin a-kanyu a-sürhen lati, tson-o a-süzen gü Kesi Raja teno ti.

¹⁵Mahtso pe a-kanyu kezen shü kela siki- ligü higü tsünyu yhun logwa!

¹⁶A-men lo a-rodan le rüguo nko lati.

¹⁷Kanyu lo tegwenki-e a-rüla kegwa kezo le kenithyü la; temi nme a-rüchün nimvula ti.

¹⁸Kerhün nyu kazünyu a-hü pe shwela, keben nyu a-hüpe kezün nyu shü lati.

¹⁹A-le a-tsipwen rhün kebin nme ndi lati.

²⁰Nphozin gü nkhün keti a-rüla nyükelo nyu aphu nshvuo a-kensü ti.

²¹Temi gwakemvu nyu ge tsühontse ti, Sunggigü süjün hükemvu nyu le tsonti.