Read Southern Rengma Naga JOB 19 Bible Online

JOB 19 - Southern Rengma Naga bible

JOB 19

¹Nyuthyüo hagun le jozo pe ata agvü bin hü nla?

³Hagun le anshwe lo nshwe nini lo akenhi genyu keja kethyü ndi ayila.

⁴Ale thyü züla yatse-e, tsüle hagun ge ole?

⁵Hagun kerüchün le hagun le anyeki gwa,, lo ale kenjünthyü kebin hile akemu genyu tse bin nyo.

⁶Sunggigü le hi thyüshü tse kethyü hagun le hyu mvu ole? A-le atenlo titse a nsen shü.

⁷Ale a-zümvu le tseshü; ai temi nme-e tsünyü mvu; temi nme-e ale kenjü kehi tsü nyüshü mvu.

⁸Sunggigü le atsonkhin lao ale tsü nken loho laso; a-le atson pe kezün nyu kebula.

⁹A-le akenya aphu sen tinla lo azan kegwa nkela.

¹⁰A-le lizin hizin avüshü. A-le akenrin menphü lao ano rügu lo si güjü laso.

¹¹Sunggigü le anyunta lo nthün-o a ntsun bin; a-le alope a-shwinyükemvu ketsin nyu hontse bin.

¹²A-le a-rihüdan nipe awhe bin; anyugun le kürun lo-o tsünyu bin aka hun lola.

¹³Sunggigü le asikezen nyu dan no akhela; ale asha kehünyu mhundyü ka tetsin nme thyü laso;

¹⁴ashvunye lo apfünyu dan le tinla.

¹⁵Tesin thyü aka nyu bin kehü dan le a nmhinla; agogi dan le akhipe shahükemvu nyu sinrünyi nyu hontse la.

¹⁶Ale agonyu nme ko shüe a-le khinshümvu- a-no ache shülo tse ale hibin-e.

¹⁷A nu le ateshe rün nyü nyümvu, lo a npfü asikezen nyu le akho nniryü mvu.

¹⁸Ntsenyu dan le ahyu shülo a nkhin-o ashwinyü.

¹⁹Apfünyu akhokenitsin nyu le ashwi ntsü; ale sotsin kehü nyu le a ntsun.

²⁰Agi nti pe aru je pfü; ale sila kemvu gwünzin.

²¹Hagun le apfünyu le! A njün shüta! Sunggigü ben le avüshe la sele.

²²Nyuthyüo hagun le Sunggigü hontse a nshwe tila? Hagun le anthyünnyü pe gwaso tselo mvuzun le?

²³Temi peha no ajo dan rüchün lo-o pe lesü nme ka thu njü lo akenyü ti!

²⁴Nmvue keyhenvü pe tsoge ajo dan thu lao tsüno kethonthen bin nyü le.

²⁵Ai tsangge peha le kenkhin ki ryüo anopen loti tse ale shabin nle.

²⁶Kethyünyu le agi hi tyü kela siki-e ale amin hinyu kebin ka Sunggigü hyuti.

²⁷Ale ahyuti lo a-le tesin nme hontse loho. A kepeche ndila kechamvule hagun le zo,

²⁸“Ngun dihontse a-nthyünnyü lo tila?” Ngun thakon peha fülo-o awhe tile.

²⁹Ai ntsoka zhethon gü nshvulo- Sunggigü nyukekhü senryü kemu geshü kehü zhethon gü, tson-o hagun le mejün kera kehü nme le bin tse sha loti.