Read Southern Rengma Naga JOB 23 Bible Online

JOB 23 - Southern Rengma Naga bible

JOB 23

¹Ale Sunggigü ge kenya bin zun le; a kenjün kethyü hi süni keloimvu.

³Dika a-hyulo gwayo, lo dihontse a-kehü bin ka gü tiyo shala nyü le.

⁴Ale a-mhundyü nyu arüla zoshü lo ale kenyi kebin aphu pe a-mhundyü ka shü ti.

⁵A-le nyu zo tiyo ale shalo nyü lo dihontse a-le ajo kenishü tiyo.

⁶Sunggigü le a-kekvu aphu sen a ntsun tile? Nmvu, ale jo zoshülo a-le nyü shüti.

⁷Ale njü le, ale Sunggigü zen kenthon logwa; A-le gwüngwa ka kethonthen ale njü letse zoshwi shüti.

⁸Ale nphozin fü, ai Sunggigü le tsüki ndi; ale nkhüzin füe a-hyu lomvu.

⁹Sunggigü le tesozin lo tesinzin thatho thyü bin, ai ale a-hyulo mvu.

¹⁰Tson-e Sunggigü le akekvu aphu sha; a-le akegwa keshvu shwishü yatselo, ale nshün kethyü hyu loti.

¹¹Ale joketsin sen-o a-le kejükelo tson dan then hü, lo lizin hizin keja tin lamvu.

¹²Ale a-zintse Sunggigü le nyu johoshü yo thyü hü; ale a-kendo then hü, a npfü akenyü gü mvule.

¹³A-le thame kae kelu hümvu. Temi nme-e a-ntsun loho nmvue a-le nyuthyü nyü bin yo khin loho.

¹⁴A-le agenyu nyu rhisen bin yo thyü pen ti; tsü le a-le rhi kebin kechon dan nyu nme nti;

¹⁵ale a-mhundyü nyu nshvuo ndün hü.

¹⁶Kekvutsin Sunggigü le akepeche nke laso. Athyü pe ano nshvu kebin tsüle, kezün gü le kemvu, tsü le Sunggigü le- kezün gü le athyü pe ano thahyumvu laya tse-e.