Read Southern Rengma Naga JOB 27 Bible Online

JOB 27 - Southern Rengma Naga bible

JOB 27

¹Ale rhün kehü Kekvutsin Sunggigü zan nyu swe bin nle, a-le age kenjü gü thyüshü mvuo akeyhun no kenjün thyü bin-

³Sunggigü le a-teshe khishü kebin then,

⁴amün pe jo gwakemvu nme-e zo loho, ayi le kenku jo nme-e zo loho.

⁵Hagun le njü letse ale thame kae zo loho; ale akemu ndi letse tenge bin-o akesi jon titi.

⁶Ale njü le tse zokebin gü kheshü loho; anyun tsentsü bin nle.

⁷A ntsun lo a nren kebin nyu aphu no temi serikemvu lo njükemvu nyu hontse shaja hyulo letse nda.

⁸Sunggigü tenyen hükemvu nyu le Sunggigü le a-keyhun khilo lati tse kethyü gwünkho gü le keryü ka, a-kenrin nyu le bin nla?

⁹Kenjün kethyü le keryü ka, Sunggigü le anyugun khwenyü shüti ole?

¹⁰Anyugun le a-le khishü kebin shekerhün gü tepen mvu loshvu; anyugun le a-ka hizin hü mvu loshvu.

¹¹Sunggigü kekvu le ditsüki gon yo ano pe hagun senthyü shüta, lo Kekvutsin Sunggigü le nyu ndo binyo a-kon zokekho shüta.

¹²Ai tsonmvu, hagun le hagun npfü hyu kela si genyu, tsonlo nyuthyüo a-kon kendi tsühontse kethyü zohü nla?

¹³Kekvutsin Sunggigü le hihontse temi serikemvu, mekemvu thyü kehü nyu shaja pe tsü bin nle.

¹⁴Anyugun nyu peche kechon le bin logwa ai aphu terinyu boshvu kü lati; anyugun nyenyu dan le tyütsü a-nyu ginyü loho.

¹⁵N senkelo dan le npen sila ti lo anyugun maginyu dan-e tsüdan kesi chechü loho.

¹⁶Serikemvu gü le raka swülobu keho le bin lo phinya senmvulo keshvu nye kerüche le bin logwa;

¹⁷ai temi kegwanyu peha le phinya gü bin; lo temi ketsin nyu peha le raka gü tsü khilo ti.

¹⁸Serikemvu nyu le ka thyÜ pe kentero le a-meren kenjü hontse nmvue low khwe kebin donyu nme then hontse bin ti.

¹⁹Gwünkho kekhin nme ka anyugun le nnya bin-o zhütsü tson-o soryülo, anyugun kenya le ndi kela hyu loti.

²⁰Whütse züda keryü hontse kenshvu le ryü lati; khejenyu tsangkenbu nme le ryü anyugun whün sen tin lati;

²¹npho tsangkenbu le ryü anyugun ka nyu anyugun whün sentin lati;

²²tsüle anyugun shwinjün mvutse anyugun whün ti anyugun le tinla titse ndo kebin ka.

²³Anyugun le tin kebin ka tsangnbu tun tun tse kenke kekvu senryü anyugun ketsun ti.