Read Southern Rengma Naga JOB 35 Bible Online

JOB 35 - Southern Rengma Naga bible

JOB 35

¹Job, nle Sunggigü mhundyü nyu nkemu ndi le tse kezo tsüle a-zü mvu le,

³nmvue Sunggigü ketso-o, “A kemu le nge nyuthyü shüla? Ale kemu thyü kemvu genyu nyukechwi hyulo la?”

⁴Ale nle lo npfünyu ko tse jo kenishü ti.

⁵Tsangge nrishü! Nmhu dan le ditsüki tetso yo shwi shüta!

⁶Nle mu lalo, tsüle Sunggigü nthyünnyü lamvu. Nle gwün kechon thyüzü lalo agenyu tha peha thyüla ole?

⁷Nle ntsenseri sa kethyü genyu Sunggigü kechelo ole? Sunggigü le nsen mvulo keshvu nme ndi.

⁸N kemu dan genyu nhontse kethyü temi le kenjün thyü lahü, lo nle thakegwa thyü keshü le a-che lohü.

⁹Temi le me le anyugun nshwe shülo, anyunkenjün thyüo; peha no anyugun kenishü lotse nra so lahü.

¹⁰Ai anyugun le ranio Sunggigü anyugun nyhun keshü gü kiryü hümvu, anyugun genyu tsangkezün tsin gwünkho ka anyugun kenrin khishü kehü gü.

¹¹Anyugun le ngun thyü pe thasha keshÜ gü Sunggigü ki raniryü hümvu, a-le ngun thyü pe tehenthyü lo tegü dan nyeki thasha shü.

¹²Anyugun le kechehi, ai Sunggigü le kenishü mvu, anyugun le ketekho lo temi gwakemvu nyu genyu.

¹³Anyugun le nra kebin tsüle a-kenrun genyu; Kekvutsin Sunggigü le anyugun nri nmvue khwenyü shümvu.

¹⁴Job, nle Sunggigü hyu loho tsezo; ai nyhenhio khwetse ta- nrüla le a-mhundyü nyu bin nle.

¹⁵Nle Sunggigü le shaja pe me tsü hümvu, a-le kemu pe lihi letse hümvu tse rüchün bin.

¹⁶Nle jozo kebin tsü le a-kenrun le; tsüle nle nyu zobin yo shamvu tsentsü bin nyo.