Read Southern Rengma Naga JOB 40 Bible Online

JOB 40 - Southern Rengma Naga bible

JOB 40

¹Job, nle Kekvutsin Sunggigü khe bin; nle ntsoka khela tile, nle kenishü mon?

³Ale tharüchün mvuo zo laso, Npugü, ale nyu zolo mon? Ale thame zoni titse loho.

⁵Ale zomvulo keshvu nyeki kerüche zo laso.

⁶Tsüselo tsangkenbu terhi ka Npugü le Job nthon gwa nishü.

⁷Ntsoka pechenyu hontse so-o ajo dan kenishü lo.

⁸Nle ale njümvu letse tsinshü titse bin nle- a khipe njükemvu nyu shü lo nle njü la?

⁹Nle a hontse nko ole? Nle a hontse nra pe tsangkesen khwe thyü shü logwa le?

¹⁰Tsonyatselo, n kerühvu lo ketekho nyu solo; n npfü terün lo zankechwi khi ben lo.

¹¹Ketekho kebin nyu nrishüo; nnyunkekhü run shüo tsünyu thyü ketsenyo lalo.

¹²Ele, anyugun nrishüo, anyugun khishe lalo; serikemvu nyu le dika sobin yo boren lalo.

¹³Kazü gü nyu anyugun aphu sunla; kesinyu kazü gü ki anyugun phinla.

¹⁴Tsonlo ale nshwe teri ti, lo ale nle nnpfü kvulola sele tse ti.

¹⁵Züringü Behemonth nrishü ta. ale a-nyhun shü lo nnyhun shü. A-le methu hontse tehen sütyü,

¹⁶ai a-min ge kenko dihontse kethyü le bin, lo a-tsi ge kekvu dihontse kethyü le bin nla!

¹⁷A-ma le Sedar bin hontse ndun bin, lo a-pha ge a-tsi dan le nko.

¹⁸A-ru le lazo hontse nko lo a-pha le tegi hontse.

¹⁹Ale thyükeshü nyukhu aphu dan nyu ndun kethyü tsin gü! A-nyhun keshü gü le a-nyeki kvulo kegwa nti.

²⁰Tehen tyüo min lo, tehenthyü le nda kehü rincho ge.

²¹A-le tsehüphun hensin ki zhübin lo dyükenbe nbala nyu kebu bin.

²²Rinyu seki tsehüphun lo sentyüro dan kengü le a-sun.

²³A-le zükeda nshvu mvu; Jordan züri le tsun a-mhun shwe bin-e ntsema tse.

²⁴Segü le a-yhütyü bopha lao a-tenlo gwa tila? Nmvue chwa nme nyu a-hinkon dyülo tila?