Read Southern Rengma Naga JOB 7 Bible Online

JOB 7 - Southern Rengma Naga bible

JOB 7

¹Kazü nyu temi keyhun le a-tho le rüsa, lo a-keyhun gwünkho le jonshe zen kebin nyu hontse mvu ole,

²donyu le kengü kekun nnyüho kehü hontse; thatho kethyü nyu le a-chün khwe kebin hontse le.

³Shye jon kethon ale nyuthyüo yhun nrün ndi; khejetsen anyun kenjün thyü.

⁴Ale zhü titse keto tsülo, zhü lomvu, khensin kekhen kekho-o tsangkeben khwe loho.

⁵Kethyü nyu le amin sü; kethyü kakü le tsüje pfü; a kethyü le pon chwiryü.

⁶Akenrin ndi tse ajon dan le gü jü; dyükedanyu dyüchvü nyeki nmhe tin jü laso.

⁷Rüchün shüta, O Sunggigü a keyhun hile hengwa nti le; anyun kenyü le a-keni thyüla so.

⁸Nle ntsoka ahyu bin, ai hyuni mvuso. Nle afüe, ale ndi kelai so.

⁹Nmhu le tinlao hyu mvula kehü hontse temi le sila lo raniryü hümvu; a-keshanyu aphu a-nmhinla hünyo.

¹¹Nmvu! Ale ntsema bin loho! Ale anyunta lo kenjün thyü bin nle. Ale jozo ti.

¹²Nle nyuthyüo akhwe bin nla? Ale zünyu kehü nyukhu nme ole?

¹³Ale rüyü lo titseo keto tsü; a kethyü no bwekelo nri bin.

¹⁴Ai nle ano amiki akerü soryü la; nle tsemin lo rümen nishü la,

¹⁵ano kenjün thyüo min higü nyu yhun kebin nyeki khvüshon sila nyükvulo kemvuthen.

¹⁶Ale khela ti; yhunbin anyu tsemi laso.

¹⁷Temi hile nyuthyüo nmhundyü ka gonri tsinla? Nyuthy"yo a-le nyuthyü bin yo tsü rüchün hü nla?

¹⁸Lonyütsen nle a-nri lo gwünkho aphu a-kegwakeshvu shwi.

¹⁹Nle a nrimvu gwa shüo ano atsizü nyüshü lomvu ti ole?

²⁰A kemu le nnthyü nnyü la le, nle doka kekhwe gü? Nle nyuthyüo a lope nle nriton kebin gü thyüla la? Ale ngenyu khvü nsuri tsin kethyü nme la le?

²¹Nle a kemu jüshü keloimvu se ole? Athyü kezü jülo nrün ndi le? Thon mvutse ale asika nyu bin tin lati, lo nle afü kethyü ka ale bin mvu lati.