Read Southern Rengma Naga JOB 8 Bible Online

JOB 8 - Southern Rengma Naga bible

JOB 8

¹Nle dithenki kenrun kenryü jo zobin tila?

³Sunggigü le kenjü tsü khi kelula hümvu; nyu le njüyo a-le tsü thyüshü mvula hümvu.

⁴N nyenyu jule Sunggigü mhundyü nyu mukela genyu, anyugun le mukela hontse a-le shaja pe anyugun tsü laso.

⁵Ai nle ntsoka raniryü Kekvutsin Sunggigü ka n shwikenjün hi lolo;

⁶nle njü lo nshün yatselo, Sunggigü le ryü nche shüti lo nkami penso nipe nchün thyü shüti.

⁷Tson-o nle nkekela kenya tsü aphu pe Sunggigü le ntsü shü nrün zen kendyü loho.

⁸Gwüngwa me nduka kensü nri shü; ngun pvübon nyu le shakelo ketsin gü rüchün shü.

⁹Ngun keyhun le züri, ngun le thame shamvu; ngun le kengü hontse tin lahü.

¹⁰Ai nduka temi keseri nyu no nsenthyü shüta; anyugun le nyu zoshü tiyo nyüshü:

¹¹“Zü kendi bin ka nba le yhun hümvu; tsüle dyükenbe kendi ki bin hümvu.

¹²Zü le sin lalo tsüle rügu lahü, bwe rio gwe pe thatho thyü kü kemvu ka.

¹³Temi Sunggigü shahü kemvu nyu le nba tsüdan hontse lati; anyugun kenrin le tinla hü, Sunggigü nmhinla kehü nyu le.

¹⁴Anyugun ketenyen le kentero men,

¹⁵Anyugun le kentero men ge nngü yatselo tsüle a-no loti ole? Anyugun le tsü nrhisü lolo, sobin loti ole?”

¹⁶Temi gwakemvu nyule yhüko mhundyü nyu jontsü hontse yhun chwiryü, jontsü hontse yhun pe chwi kesü thyü bin.

¹⁷Anyugun men tsen pe tsonye ka ryü pfü bin hü.

¹⁸Ai phü lalo- anyugun le tsüka bin tse kethyü temi nme sha loho.

¹⁹Ele, temi gwakemvu nyu shekerhün aphu le tsü; temi kechanyu le ryü anyugun bin khinlo lahü.

²⁰Ai Sunggigü le temi kegwanyu khela loho, nmvue temi gwakemvu nyu che hümvu.

²¹A-le nno nnyü lo nra sen niti,

²²ai a-le keja kepfü senryü n kenrhinyu ge shüti, lo serikemvu nyu kakhwün le ndi lati.