Read Southern Rengma Naga LÜHIN 101 Bible Online

LÜHIN 101 - Southern Rengma Naga bible

LÜHIN 101

¹Ale joketsin lo kenjü rüla lüthyü pe, nkishü tile, O Npugü, ale lüthyüti.

²Ale petsüo nmulo keho tson then ti. O nle dinyü aki ryü tila? Ale a kanyu anyun nshün-o yhun ti;

³Sunggigü kipon rani kelanyu tho tsü ale ntsü. Ale anyu zen thame thyü loho.

⁴Ketsinkemvu nyun no azen nithen ti; ale tha gwakemvu nme sha loha.

⁵Kebu-o a-kajonkazin ka selü thyü kehünyu; ale tsünyu nkela ti ketekho kehü lo me ntsun kehü nyun kepfü nyu ale kheshü loho.

⁶Senyu le Sunggigü mhundyü nyu joketsin zo hüyo ale tsünyu le gwa le tseti lo anyugun no a raja bin nyu yhun ti, Meno nmulo keho tson günyu sonchü kehü gü no a lothyü ti.

⁷Kenku nyu nme no akanyu yhun loho; kerokon nyu nme no amhundyü nyu bin loha.

⁸Lonyütsen ale kazü günyu serikemvunyu aphu nkela ti; Npugü nyida günyu gwakemvu thyü kehünyu aphu hü lati.