Read Southern Rengma Naga LÜHIN 108 Bible Online

LÜHIN 108 - Southern Rengma Naga bible

LÜHIN 108

¹A nyun tsekho bin nle, O Sunggigü, a nyun le tsekho bin nle! Ale lüthyü nshwen ti! Soryülo, a kapu!

²Soryülo, a harp lo leyre! Ale tsangkeben gü kesun shü ti.

³O Npugü, ale temi dan nyu chenkeno pe ntsü ti. Senye dan nyu ale lüthyü n shwen tile.

⁴Nle sozin kehü tsüle tsang nye tetso; lo nketsin le kügü nmhu ti kebin genyu.

⁵O Sunggigü, tsangge n kekvu pe tesha shülo, nzan kechwi no kazü aphu sa bin lolo.

⁶N keso gü kenishü nrün genyu, a kehi nyü shüo n kekvu nyu a gun kenishü ta.

⁷Sunggig'u le a-Kershvuka nyu a-johokeshü le, “Kvukelo nyu ale shekem kenjün ti, lo Sukkot ketejon kenjün pe a temi tsüti.

⁸Gilead le ahon; Manasseh ko ahon; Efraim le a perün, Juda le a raja thün.

⁹Moab le aben ketsekhun, ale a phaje shwe pe Edom ge shüti, ale Filistian so kvukelo khwen thyü sen ti.”

¹⁰Següle a zen gü chwida kebin nyida nyu shü tila? Següle a tsonri gü Edom ki shü mon?

¹¹O Sunggigü, nle a gun khela ole? O Sunggigü, nle a gun rihü dan zen chwi mvula ti ole?

¹²A gun cheo a gun rinyu nren shülo, temi kekeche tsüle a-kenrun genyu.

¹³Sunggigü le nzen hülo n gun le kvu loti; a-le n gun shwikerüchün so kvu loti.