Read Southern Rengma Naga LÜHIN 11 Bible Online

LÜHIN 11 - Southern Rengma Naga bible

LÜHIN 11

¹Npugü le a ntsen loti tse ale tenyen bin nyo. Hagun le aka, “tegü hontse nyeo kazüthun ge güla lo, tson kezo tsüle hagun kepho,

²kechamvule serikemvu nyule a-levü sügi lo tho pe shü lo-o kezün ki temi kegwanyu shwe titse ndo bin hünyo.

³Temi kegwa güe nyu thyülo tila tha lihie cheküla yatselo.”

⁴Npugü le a-Kershvuka kenshün gü nyu bin nyo; a-rajakhün le tsangge bin. A-le lihika temi shwio anyugun le nyuthyü binyo shabin.

⁵A-le temi kegwanyue serikemvu nyue nri hü; anyun aphu pe serikemvunyu ntsü hü.

⁶A-le mahgi kenhon lo mah tso nipe serikemvunyu ge shüti; a-le tsangkenbu kenyün shaja pe anyugun ge shüti.

⁷Npugü le kentsen gü, lo thatho kegwa thyü kehünyu sohü; tsühontse thyü kehünyu le a-mhundyü nyu yhunti.