Read Southern Rengma Naga LÜHIN 110 Bible Online

LÜHIN 110 - Southern Rengma Naga bible

LÜHIN 110

¹Npugü le a Npugü ka, “Ale n shwikerüchün nyu pe n phabin thyüla kemvu then nle a njüzin binlo,” tsonzo.

²Npugü le Zion nyu n kekvu thün nishwi shüti. “N kenrhinyu dan nyu keda thyülo,” tsonzo.

³Nle kazüthun kenshün gü ge n temi danda tsonri kechwi jonyü n temi dan le anyu npvü anyugun khipe ntsüti. Lonyü nshwe kanyu n selo dan le khezezü hontse nki ryüti.

⁴Npugü le swen laso lo a-le a-kerüchün kelu la loha, “Nle Melchizedek hontse kethonthen püshükeda nme thyü laso.”

⁵Npugü le n njünzin hü; a-le a-nyunkekhü jon nyü raja dan nkela ti.

⁶A-le Senye dan jünkera ti, tson-o simin le kesü thyü lati; a-le kazü aphu nyu raja dan nkela ti.

⁷Raja gü le tson khoka rinyu zü tsüti, tson-o a-thyü nko lo-o kvu loti.