Read Southern Rengma Naga LÜHIN 111 Bible Online

LÜHIN 111 - Southern Rengma Naga bible

LÜHIN 111

¹Npugü shwen! Ale anyun aphu pe temi kenjünyu dan nyu lo süda kehun nyu chenkeno khipe Npugü tsüti.

²Npugü tho dan le gon! Lo tsünyu a-kenyü kehünyu aphu tsü shalo nyü hünyo.

³A-tha le kerühvu lo terün le bin, lo a-kemitsin le kethonthen bin hü.

⁴A-le rüchün hülo nrün a-tho ndun kethyü dan thyü shü laso; Npugü le a-jvügwa lo me shwi njün sa hü nyo.

⁵Senyu le a-rühvu hüyo tsünyu chvü pe tsü hü; a-le kejozen kenjü gü rüchün zin hünyo.

⁶A-le senye kechadan hon khipe a-temi dan tsüo a-kekvu pe hishü.

⁷A-bentho dan le ketsin lo njü; a-jo dan aphu tenyen lokü.

⁸Tsüle kethonthen genyu thyüshü laso; ketsin lo kenjü sen-o thyülo nrün genyu.

⁹A-le rhinhi kelo nipe a-temi dan hishü; tson-o kethonthen anyugun zen kejozen kelo nme thyüshü laso. A-zan le nshün lo kvu!

¹⁰Npugü kenshvu le thakesha bin zen gü; a-jodan thyüzen kehünyu aphu thasha kekho lo kegwa le bin. A-keshwen le kethonthen bin hü!