Read Southern Rengma Naga LÜHIN 12 Bible Online

LÜHIN 12 - Southern Rengma Naga bible

LÜHIN 12

¹Agun cheshü lo, Npugü! Temi kegwa nme ndi laso; joketsin kezo mi hyu keloi mvuso.

²Anyugun aphu nku, kekhün kekho-o khinyunyu sa.

³Kekhün kekho mün dan tsüno ma tse lalo, O Npugü! Ketekho jo kezo mün dan, khinla lo,

⁴Anyugun le, “Ngun jo nyu ngun le lonyü kebin gü hyu loti. Ngun le nyu zonyü yo zoti, lo temi nme ngun khinlo nrün ndi,” tson hünyo.

⁵“Ai ale ntsoka ryüti,” tse Npugü le zo hünyo, “kechamvule rhokedyünyu nshwen lo nthyü nnyüo no kenjünthyü kebin genyu. Ale anyugun le nnyü kebin kenshvu kendi gütsü khipe anyugun tsüti.

⁶Npugü jo le kenshün jo, lo tsüle rakagi pe mahmin nyu gwün tsenyü ge ro nshün kela hontse.

⁷O Npugü nle agun ntsenlo lo, shenhe higü ben nyu nle kethonthen agun khwen lo. Lihizin-e serikemvu nyu le hü, lo gwakemvu nyu le me dan nyu ketekho kebin genyu.