Read Southern Rengma Naga LÜHIN 129 Bible Online

LÜHIN 129 - Southern Rengma Naga bible

LÜHIN 129

¹Israel, n shwikerüchün nyu le n ncheka nyu dihontse nthyünnyü ryüyo zoshülo.

²“Anyugun le a nche kanyu a nthyü nnyü ryü, ai anyugun le anyeki kvu lomvu.

³Anyugun le a senren jün ntsun sa pe low keyhen hontse la.

⁴Npugü le kemitsin gü, a-le donyu a hoshü laso.”

⁵Zion shwi ntsü kehünyu aphu no keja pfülao rani tinla lo.

⁶Anyugun no ka so ge tehen le tsüchwi ryüo, gonlo kemvu ka rügu la kehü hontse lalo;

⁷temi nme tsü kequen nmvue phin kerhün sen tin hümvu.

⁸Tsü nken ketin nyu nme-e, “Npugü jochü no n ge bin lo! Agun le Npugü zan nyu jochü pe ntsü hü nle.” tson zo loho.