Read Southern Rengma Naga LÜHIN 136 Bible Online

LÜHIN 136 - Southern Rengma Naga bible

LÜHIN 136

¹Chenkeno pe Npugü tsülo, a-le gwakethyü genyu; a-keso le kethonthen bin hü.

²Chenkeno pe tero dan so Sunggigü tsülo; a-keso le kethonthen bin hü.

³Chenkeno pe npu dan Npugü tsülo; a-keso le kethonthen bin hü.

⁴A-nti nduntho keda dan thyü kelo gwünzin; a-keso le kethonthen bin hü.

⁵A-thakeshanyu a-le tsangdan thyüshü; a-keso le kethonthen bin hü;

⁶a-le zü so ge kazü gü thyüshü; a-keso le kethonthen bin hü.

⁷A-le sheh lo yhüko thyüshü; a-keso le kethonthen bin hü;

⁸yhüko no nhenyu keda thyü lotse; a-keso le kethonthen bin hü;

⁹Sheh lo shenyü dan no khejenyu keda thyü lotse; a-keso le kethonthen bin hü.

¹⁰A-le Ijipt nyu nyuri gü dushvula; a-keso le kethonthen bin hü.

¹¹A-le Ijipt nyu Israel zen chwi; a-keso le kethonthen bin hü;

¹²a-ben lo a-bu kekvu penso; a-keso le kethonthen bin hü.

¹³A-le kenhon zida kenjün khola; a-keso le kethonthen bin hü;

¹⁴a-le tsünyu Israel zen chwila; a-keso le kethonthen bin hü;

¹⁵Ai Faro lo a-rihü dan we no zida günyu nrhe shvula; a-keso le kethonthen bin hü.

¹⁶A-temi dan tsonrio kazü kesin nyu chwila; a-keso le kethonthen bin hü.

¹⁷A-le raja keda dan dushvula; a-keso le kethonthen bin hü;

¹⁸a-le raja zankechwi dan dushvula; a-keso le kethonthen bin hü;

¹⁹Amor raja gü, Sihon; a-keso le kethonthen bin hü;

²⁰lo Bashan raja gü, Og; a-keso le kethonthen bin hü.

²¹A-le tsüdan kazü pe a-temi dan tsüla; a-keso le kethonthen bin hü;

²²Tsüdan pe a-gogü, Israel tsüla; a-keso le kethonthen bin hü.

²³Ngun le kemeni kehü ka ngun phin rüchün kehügü tsüle a-le; a-keso le kethonthen bin hü;

²⁴lo ngun kenrhinyu ben nyu ngun kenishü; a-keso le kethonthen bin hü.

²⁵A-le keyhun ronzin aphu chvü pe tsü hü; a-keso le kethonthen bin hü.

²⁶Chenkeno pe tsangge kebin Sunggigü tsülo; a-keso le kethonthen bin hü.